Pobrezia mota guztiak desagertzea mundu osoan.

Berehalako gizarte arreta emateko zerbitzu bat abiaraztea. Horrela, Gizarte Zerbitzuen arreta eredua hobetzea, Gizarte Zerbitzuen eta Lehenengo Arreten Plan Berriaren bidez, eta lehenengo hitzordurako itxaron denbora 10 egunetik 5 egunera murriztea.

Apustu sendoa egitea kudeaketa aurreratuaren, elkarreragingarritasunaren, administrazioen artean datuak trukatzearen eta espedienteen izapideak egitearekin lotutako garapen informatikoen integrazioaren alde herritarrei laguntzak eskatzeko bideak erraztu eta iruzurra kontrolatzeko

Adinekoen zentroak desfibriladorez eta eztarriko trabamenduen kontrako ekipoz hornitzea

Udalerrian pertsonek bizi dituzten egoerei erantzuna ematea, hala oinarrizko gizarte zerbitzuen arreta arrunta emanez nola egoera larrietarako arreta emanez, etxerik gabeko pertsonei zuzendutako arreta kasu

Esku-hartze sozioedukatiboa gizarte bazterketako arriskuan dauden Barakaldoko 18 urtetik gorako pertsonei zuzenduta (helduak, bakartuak, aldenduak eta beren burua zaintzeko zailtasunak dituztenak).

Migratzaileentzako arreta sustatzea eta kulturartekotasuna, aniztasuna eta migratzaileekiko zuzeneko elkarlana bultzatzea.

Barakaldoko Udaleko 2030 Agenda onartzea. Agenda hori bat etorriko da
2015ean Pariseko Akordioak onartutako 2030 Agendarekin. Guztira, Garapen Jasangarrirako 17 helburu proposatzen ditu eta 169 helmuga, ekonomia, gizarte eta ingurumen arloei dagozkienak. Barakaldoko Udalak, 2030 Agenda onartzean, helburu eta helmuga horiekin bat etorri nahi du datozen 10 urteetarako ekintzak diseinatzeko orduan, ekintza guztiak bideratzen baitira gure udalerriko ingurumenarekin orekatua izango den garapen jasangarri bat sortzera. Zeharkako proiektua denez, Alkatetzaren laguntza izango du.

Lagun egiteko eta laguntza emateko zerbitzu bat abiaraztea hala bakardade egoeran bizi diren pertsonentzat nola joan-etorrietan segurtasun falta dutenentzat edota adinekoa zaintzen duten senitartekoek atsedena behar duten kasuetarako, besteak beste.

Barakaldon bakarrik bizi diren adinekoen gizarte premiak antzemateko zerbitzu bat abiaraztea eta, horren bidez, autonomia galtzeko arrisku egoerak identifikatzea, euren etxean bizi diren pertsonen gizarte premiak hautematea eta sute arriskuak txikiagotzea bakarrik bizi diren adinekoak bezalako arrisku talde bati begira.

Adinekoen parte-hartzea bultzatzea, hainbat jarduera gauzatuz Hiri Lagunkoia Adinekoekin hitzamenaren barruan

Menpekotasuna duten pertsonen zaintzaileen prestakuntzarako programak abiaraztea. Programon barruan sostengu emozionala emateko espazio bat sortzea aurreikusten da, bertan estrategiak garatu eta partekatzeko aukera egongo da menpekotasuna duten pertsonen zainketak dakartzan arazoei eta zailtasunei aurre egiteko eta, halaber, ekimen jakinak gauzatuko dira zaintzaileen eginkizuna hobetu eta horren balioa aitortzeko helburuz.