Hiriak eta giza kokaguneak inklusiboak, seguruak, erresilienteak eta jasangarriak izatea lortzea.

Barakaldoko Udaleko 2030 Agenda onartzea. Agenda hori bat etorriko da
2015ean Pariseko Akordioak onartutako 2030 Agendarekin. Guztira, Garapen Jasangarrirako 17 helburu proposatzen ditu eta 169 helmuga, ekonomia, gizarte eta ingurumen arloei dagozkienak. Barakaldoko Udalak, 2030 Agenda onartzean, helburu eta helmuga horiekin bat etorri nahi du datozen 10 urteetarako ekintzak diseinatzeko orduan, ekintza guztiak bideratzen baitira gure udalerriko ingurumenarekin orekatua izango den garapen jasangarri bat sortzera. Zeharkako proiektua denez, Alkatetzaren laguntza izango du.

Hiriko soinu kutsadura murriztea estrategia- eta jarduketa-multzo baten bitartez, pertsonen osasunean larriki eragiten duen arazo hau osotasunean kudeatzeko.
Soinu Giroa Hobetzeko Ekintza Plana 5 urtez egongo da indarrean eta bere edukiak kontuan hartuko ditu bai teknikarien irizpideak bai barakaldarren iritziak.

Aldaketa klimatikoa gutxitzeko eta horri egokitzeko plan bat diseinatzea, eta, orobat, udaleko jasangarritasun adierazleak kalkulatzea; hori guztia, 2030 Agendan zehaztutako ekintzekin bat etorrita.
Barakaldo udalerriko Klimarako eta Energia Jasangarrirako Estrategia eta Ekintza Plana egitea.

Kontserbazio egoera txarrean dagoen ibaiertzetako berezko landaredia arianarian garbitu eta leheneratzea, harik eta, ekosistemaren osasunaren eta aldaketa klimatikoaren aldetik, egoera egokia lortu arte.
Ibaiertzak garbitzeko kanpainak eta leheneratze jarduketak abiaraztea, bioingenieritza teknikak erabiliz intereseko fauna hartzeko aukera handienak dituzten tarteetan.

Gure udalerriko hiri fauna identifikatu, sailkatu, populazioa kuantifikatu eta gizakiarekin zein bestelako espezieekin duen elkarreragina balioztatzea.
Espezieen eta bizilagunen arteko oreka jasangarria lortzea, baita bizikidetza egokia ere, eta, aldi berean, ondorengo alderdiekin bat datorren ingurumen jasangarritasunari eustea: osasun baldintzak; bizikidetza egokia; eta, gure udalerriko biztanleek fauna horren garrantzia ezagutu eta aitortzea.

- Azterlanak burutzea udalerrian dauden bioaniztasuna eta balio handiko habitatak ezagutze aldera.
- Udalerriko ibai eta erreketako ibaiertzeko berezko landaredia leheneratu eta bere onera ekartzea URArekin hitzarmena eginez.
- Ordenantza bat idaztea zuhaiztiari buruz, hiri eremuei zein eremu urbanizagarriei dagokienez.
- Hiriko faunaren egoera aztertzea.
- Kontrolik gabeko isurketak desagerraraztea.
- Ingurmenari buruzko ordenantza berriz aztertzea.
- Udal kontrola handitzea Barakaldoko lursailetako lurzoru kutsatuei buruzko araudi sektorialari eta aire kalitateari dagokienez.

Bi igogailu jartzea La Siebe aldean, La Paz auzoan, auzoko bi eremuren eta Osasun Zentrorako sarbideen arteko komunikazioa hobetzeko asmoz.
Igogailu bat jartzea Etxatxu aldean San Luis aldearekin komunikatzeko, udalerriko bi eremu horien arteko desnibela ekiditeko eta Rontegiko goiko auzoaren, Ansio aldearen eta metroaren arteko komunikazioa hobetzeko.
Udalerriko hainbat kaletan eta eremutan dauden zoladurak, hiri-altzariak eta sare guztiak berritzea: Isaac Peral; Santo Domingo de Guzmán; Falla, eta abar..

Sefanitroko eta Orconerako zamalekuak birgaitzea eta ingurunea urbanizatu eta egokitzea itsasadarreko pasealekutik igarotzeko modukoa izan dadin.
Horrela, Barakaldoko bizilagunen aldarrikapen historiko bat betetzea:
itsasadarretik gertuko lurzoruak leheneratzea; arestiko historia industriala gurera ekartzea eta aisialdirako eremu zabal bat atontzea, zeina, Rontegi zubiaren azpiko erribera parke berriarekin batera, baliagarria izango baita Barakaldoko bizilagunek aisia alorrean dituzten premia eta nahiei erantzuteko.

Bizikletaren erabilera sustatzea udalerri barneko garraiobide gisa, herritarrengan ohitura osasungarriak eta ingurumenaren zainketa bultzatzeko helburuz.

Haur eta kultura jarduerak sortzen jarraitzea auzoetako kaleetan : Rataplán,
Udako zinema, Bagatza Antzerki Jaialdia, Act festiva-BAI, BAFFEST, Gabonaldia, eta abar.

HAPOa sakonki aztertzea XXI. mendeko Barakaldoren plangintzari ekiteko.

Etxebizitzen stock-a aztertzea.
Bitartekaritza publikoaren alde egitea eskaintza pribatua pizteko eta, halaber, hainbat akordio bultzatzea Eusko Jaurlaritzarekin Barakaldon alokatzeko etxebizitzen eskaintza publikoa handitzeko.
Gazteei laguntzea alokairuko etxebizitza lortzen.

Kontrola gauzatzeko eta kalteei aurrea hartzeko politika zabalagoa gauzatzea Barakaldoko etxebizitza parkeari buruz.

Pormetxeta, prestakuntza mailan, espazio erreferente bilakatzea musikaren eta ekitaldien arloan. Bertan egongo dira auzoko bizilagunak bildu eta jarduerak antolatzeko lokalak, enpresa proiektu berritzaileentzako lokalak eta kultura eta musika arloko prestakuntza eta berrikuntzarako espazio bat, gazteei zuzendua.

Calistenia motako kirol elementuak jartzea aire zabalean udalerriko hainbat leku estrategikotan

Lutxanako liburutegia modernizatzea hala azpiegiturei nola edukiei dagokienez.

La Siebeko futbol-zelaiko aldagelen berriztatze integrala egitea eta soropil artifiziala berritzea.

Hiri mugikortasunerako plan bat idaztea, 5 urteko indarraldia eta diagnostiko bat eta neurri sorta bat edukiko dituena:
– Herritarren eskura jartzea birkargatzeko eta ordezko erregaiak hartzeko hainbat gune.
– Garraio publikoa sustatzea.
– Erabilera partekatuko ibilgailuak (car-sharing) butzatzea.
– Garraio pribatua mailaz maila murrizteko aukerak.
– Logistika arloko hobekuntzak salgaien banaketarako.
– Bizikleten erabilera sustatzea eta, oro har, motorrik gabeko joan-etorriak.
– Oinezkoek bakarrik erabiltzeko esparru berriak aztertzea.
– Ordezko erregaiak erabiltzen dituzten ibilgailuen erabilera bultzatzea.
- Barakaldoko bizikleta-sarea handitzeko diseinua egitea.

Barakaldo Antzokia erreferente kultural gisa posizionatzen jardutea gure herrialdeko mapa kulturalean erreferente aktiboa izan dadin, bere proiektu artistikoa sendotuz eta, orobat, herritarren topagune eta, ikusleekiko konexio estu-estuan, sorkuntza ahalbidetzeko gune bilakatuz.

Indarreko plangintzaren beharrezko aldaketa amaitzea PERI04 eta PERI06 eremuetan.

Urbanizazio lanak burutzea biribilgune bat sortzeko Euskadi Etorbidearen eta Retuerto kalearen arteko gurutzebidean eta, modu horretan, orain dauden semaforoak kendu eta trafikoa bizkortu eta seguruago egiteko aukera izatea.

Ansioko futbol-zelaiko aldagelen berriztatze integrala egitea.

Lasesarreko pabilioiko zoruak leundu, bernizatu eta horko joko-lerroak margotzea.

Cross Coutry (XC) zirkuitu bat antolatzea Gorostizaren inguruetan, biker kolektiboak aukera izan dezan mendiko ziklismoko espezialitate ohikoena, hau da mendian zeharrekoa, egiteko.