Ekintzen jarraipena

Eskuragarri dauden plazen egungo mapa aztertu da; Elejabarriko proiektu pilotua egiteko azpiegitura zehaztu da eta zerbitzuaren diseinua egin da, proiektu piloturako obrak egikarituz.

Era berean, behin betiko proiektu pilotua martxan jarri egin da.

Zorrotzako Errugbi-zelaia funtzionamenduan jarri da, aldagelen proiektuaren idazketa kontratatuz. Horrez gain, Rekaldeko Errugbi-zelaiko aldagelak eta gimnasioa funtzionamenduan jarri dira eta jokalekua 1-B kategorian homologatzea lortu da.

Prestakuntza-jarduerei dagokienez, 25 garatu dira Rekaldeko eta Otxarkoagako ikastetxe, ikastola eta institutu desberdinetan.

Errugbia egitea sustatzeari dagokionez, guztira, 445 lizentzia mantentzen dira (353 gizon eta 92 emakume).

2021eko irailean, Rekaldeko kiroldegiko belar artifizialeko zelaia eta errugbi-zelaia homologatzeko obrak burutu dira. Eraikin berria sortzea gimnasioa handitzeko.

Era berean, esparru teorikoaren eta plangintzaren diseinuan aurreratu da, Peñascal Fundazioarekin elkarlanean, integrazioko eta kulturartekotasuneko balioak sustatze aldera.

Horrez gain, BBK Fundazioarekin, Balioen Harrobia proiektua martxan jarri da; proiektua Universitario Bilbao Rugbyk sustatu da, errugbia eta bere balioak sustatzeko xedearekin.

Esperanzako frontoia berritzeko obrak hasi dira; oraindik prozesuan daude eta ez dira amaitu.

“Bilboko Euskal Museoaren” berriztatze integralaren idazketarako nazioarteko lehiaketaren deialdia egin da eta dagokion kontratua esleitu eta sinatu da dagoeneko. Halaber, aurreproiektu arkitektonikoa zein museografikoa aurkeztu dira, handitzeko proiektua zehaztuz eta eraikuntza-proiektua idatziz, baita obraren lizitazioa ere.

Proposamenak aurkezteko epea amaituta, behin behinean esleitzen da eta 2022ko uztaila aurreikusten da obra hasteko data gisa.

Handitzeko proiektua zehaztu egin da eta horren aurkezpen publikoa egin da.

Aplikazioaren 30.950 deskargetara heltzea lortu da: 11.750 IOSen eta 19.200 Androiden.

Bilboko auzoetan Herritarren Segurtasunerako Lantegi guztiak eratu ahal izan dira, hau da, guztira, 14 lantegi. Gainera, foro iraunkorraren 196 bilera eta foro irekien 17 bilera egin dira.

“Bilbo Gazte 2015-2019 Planaren” ebaluazioari ekin zaio; izan ere, plan hori etengabe ebaluatu egingo da, urteko maiztasuneko emaitzen datuekin.

“Bilbo Hiri Gaztea Plan” berriaren diseinuaren barruan, 2021eko urtarrilean eta martxoan zehar, prozesu parte-hartzailearen lehenengo fasea egin da eta, 2021eko uztaila eta abendua bitartean, bigarren fasea burutu da, administrazio-pleguen lanketarekin..

2022Ko lehenengo seihilekoan, planaren dokumentua egiten ari da.

Ekintzak abian jartzeari dagokionez, udal arloek eta erakundeek 2020rako eta 2021erako aurreikusitako jarduketak hedatu dira.

Era berean, Eusko Jaurlaritzaren diru-laguntza onartu da Hiri Gaztea 2021-2024 Gazte Plana egiteko eta, horrekin batera, prozesu parte-hartzaile desberdinak egin dira planaren esparruan, besteak beste, hauek: talde eragilea sortzea, kalera ateratzea, instagramerrak erakartzea eta zuzeneko saio irekiak.

Dagoeneko abiarazitako ekintza berrien artean, nabarmendu behar da La Perrerako (Basurto) ekipamendu berria irekitzeko plana; bertatik, gazteei zuzendutako zerbitzu eta programa berriak eskaintzen dira.

Arrapalak eta irisgarritasuneko elementu mekanikoak instalatzeko obrak amaitu dira auzo hauetan: Olabeaga; Uribarri eta Altamira.

Abasolo eta Otxarkoagako igogailuak amaitu dira. Pau Casalsekoa ere amaitu da.

Periferiako auzoen eta jendetza gehieneko guneen premiak erabat berrikusi egin dira. Gainera, auzo bakoitzeko, gutxienez, elkargune bati eman zaio estaldura eta datuak GEOBILBAOn eta formatu irekian argitaratu egin dira.

Guztira, Wifirako 267 sarbide-puntu ezarri dira; egunero Bilbao Wifira konektatutako pertsonen batezbestekoa % 24,43koa da; gailuen konexioen hileko batez bestekoa 2,5 milioikoa da eta planifikatutako 400 puntuekiko ezarritako Wifi puntuen ehunekoa % 67koa da.

Horrekin batera, Wifiko udal sarbide-puntuak areagotu dira Bilbobusen 50 markesina berritan.