6. Bizikidetza eta segurtasuna.

Helburu horren bidez, gure hiri-inguruneko bizikidetza eta segurtasuna bermatu nahi dira, prebentzioko, lankidetzako, hurbileko poliziarekiko eta kolektibo ahulagoekiko sentsibilizazioko politiken bidez, eta jarduketa-unitateak indartuz, espezializazioaren eta giza baliabideen nahiz baliabide teknikoen horniduraren bidez.

Ekintzak

6.1. Bilboko udaltzaingoaren langile kopurua handitu.
Azken eguneratzea: 2021/06/30

Udalak 2018an izenpetu zuen “Segurtasunaren aldeko Itunak” konpromiso bat dauka: modu proaktiboan lanean jarraitzea auzoetan bizikidetza eta segurtasuna bermatzeko, eta horretarako 35 neurri konkretu zehazten ditu.
Neurri horiek prebentzioan oinarrituta, herritarren segurtasuna indartzeko dira, eta, besteak, beste, auzoko eta komunitateko polizia eredua bultzatu nahi dute. Eredu horrek kalean poliziako kopuru egokia behar du, eta poliziaren esku-hartze sistema guztiak deszentralizatzea ere bai, eta, horretarako, Udaltzaingoan orain dauden baino udaltzain gehiago behar dira. Agintaldi honetan apurka-apurka udaltzain kopurua 900 udaltzainera heldu arte handituko da, eta horrek aukerak emango du enplegua sortzeko bai belaunaldia berritzeko bai postu berriak betetzeko.

Helburua
6. Bizikidetza eta segurtasuna.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Oinarrizko zerbitzuak, Segurtasuna eta bizikidetza
Udaltzaingoaren plantillaren urteko hazkundearen aurrerapen-maila.

%100

6.2. Auzoko eta komunitateko polizian oinarritutako arreta eredu osoa aplikatzea.
Azken eguneratzea: 2021/06/30

Bilbok etengabe egiten du lan udaltzaingoaren arreta hobetzeko eta auzo bakoitzean auzokideei hurreratzeko, besteak beste, auzoko eta komunitateko polizia ereduaren hautua eginaz, herritarrei arreta zerbitzu oso eta kanal-aniztuna eskaintzeko.
Gaur egun arretarako kanalak telefonozko arretan, ikuskaritzetan salaketak jasotzean eta kaleko patruilen interakzioan oinarritzen dira. Urte hauetan garatu eta ezarri beharreko eredu berriak herritarrekin harremanak izateko modu berriak sortuko ditu, administrazio elektronikoaren eta teknologia berrien ahalmena aprobetxatuaz, salaketak mugikortasunean jasotzea erraztuaz eta segurtasun publikoaren arloan herritarrek parte hartzeko eredu berriak garatuaz. Horrek guztiak izango duen emaitza eredu berri oso bat izango da, arreta estandarizatua, hurrekoa eta kalitatezkoa bermatuko duena.

Helburua
6. Bizikidetza eta segurtasuna.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Herritarrentzako arreta, Segurtasuna eta bizikidetza, Herritarren parte-hartzea eta gobernu irekia, Oinarrizko zerbitzuak
Arreta osoa eredua abian jartzean izandako aurrerapen-maila.

%5

6.3. Udaltzain etxe berriak irekitzea, kalean udaltzainen presentzia areagotzeko.
Azken eguneratzea: 2021/06/30

“Segurtasunaren aldeko Itunak” bultzatutako auzoko eta komunitateko polizia ereduak herritarrari arreta hurbila eta osoa emango dion zerbitzua dakar, auzoetan udalaren segurtasun zerbitzua bermatzen lagunduko duena.
Horretarako, dauden zerbitzuak eta ekipamenduak sendotuko dira, Deustu eta Abando barrutietan
Udaltzaingoaren 2 instalazio berri irekiaz, gaur egun ez baitaukate berariazko segurtasun talderik.

Helburua
6. Bizikidetza eta segurtasuna.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Herritarrentzako arreta, Obrak eta azpiegiturak, Herritarren parte-hartzea eta gobernu irekia, Segurtasuna eta bizikidetza, Oinarrizko zerbitzuak
Eremu geografikoak
1. barrutia (Deustu), 6. barrutia (Abando)
Deustuko eta Abandoko barrutietan 2 udaltzain etxe berri irekitzeko aurrerapen-maila.

%35

6.4. Auzoetan segurtasun lantegiak hedatzea.
Azken eguneratzea: 2021/06/30

Herritarrek parte hartzea auzoko eta komunitateko polizia ereduaren osagai bat da segurtasuna eta prebentzioa herritarrekin eurekin elkarlanean eraikitzen diren errealitate gisa planteatzen dituen ikuspegitik begiratuta, eta aldi berean ardurakidetasuna eta konfiantza sustatzen dira.
Horretarako, barruti kontseiluek parte hartzeko tresna moduan duten ahalmenaz baliatuaz, parte hartzeko foro berriak daude aurreikusita, gatazkak konpontzera eta segurtasun politika publikoak planifikatzera eta ebaluatzera bideratuta.
Auzoetako lantegien eraketan oinarrituko dira foroak, hau da, segurtasun arloan jendeak parte hartzeko egitura egonkorrak, eta udaltzainek, elkarteek eta herritarrek osatuko dituzte. Lantegiak eratutakoan foro iraunkorrak eta foro irekiak egitea pentsatu da lantegi bakoitzeko.

Helburua
6. Bizikidetza eta segurtasuna.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Segurtasuna eta bizikidetza, Herritarren parte-hartzea eta gobernu irekia, Oinarrizko zerbitzuak
Eremu geografikoak
Guztiak
Auzoetan segurtasun tailerrak abian jartzean izandako aurrerapen-maila.

%75

6.5. EraStop APP bultzatzea.
Azken eguneratzea: 2021/06/30

Prebentzioa lehentasun bat da Bilboko Udalak bultzatutako segurtasun politikaren barruan, bereziki arlo honetan ahulagotzat jotzen diren talde jakin batzuei dagokienez, esate baterako emakumeak. Testuinguru honetan, teknologia berriek balio handia dute segurtasun arloan prebentziozko arreta indartzeko, telefono mugikorretarako berariazko aplikazioen garapena erraztuaz, EraStop adibidez.
EraStop-ek Bilboko emakumeen esku alerta sistema bat jartzen du, eraso matxisten salaketak geolokalizatzeko modua ematen duena eta Udaltzaingoaren baliabideak berehala aktibatzeko modua ematen duena. Aplikazioak hiru funtzionaltasun dauzka, eraso bat salatzeko, horrelako delituen lekuko moduan informatzeko edo laguntasuna eskatzeko. Gaur egun, 20.000 pertsona inguru dira aplikazioaren erabiltzaile.
Datozen urteotan 70.000 erabiltzailetara heldu nahi da, eta aurreikusita dago berariazko zabalkunde eta komunikazio kanpainak egitea, tresna ezagutarazteko eta erabilarazteko.

Helburua
6. Bizikidetza eta segurtasuna.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Oinarrizko zerbitzuak, Zientzia eta teknologia, Segurtasuna eta bizikidetza, Berdintasuna
App-aren erabiltzaileen kopuruaren hazkundearen aurrerapen-maila.

%39

6.6. Auzoetan segurtasunik gabeko guneak minimizatzea.
Azken eguneratzea: 2021/06/30

Auzoen segurtasunik gabeko guneak identifikatzea garrantzi handiko elementua da Bilboko prebentziozko segurtasun ereduan, eta horren gainean ari gara lanean, hiriko hiriguneak inklusio, segurtasun, erresilientzia eta iraunkortasun handiagoa izatea lortze aldera.
Horretarako, Udalak auzoetan detektatzen diren segurtasunik gabeko puntuetan etengabe ekinean jarraituko du. Dagoeneko identifikatuta dauden guneak berraztertuaz eta segurtasunik gabekotzat jotzen diren edo izan daitezkeen gune berriak identifikatuaz eta katalogatuaz. Identifikazio fase honen ondoren, kasu bakoitzerako ekintza konkretuak zehaztu eta gauzatuko dira (argiteria hobetzea, irisgarritasun elementuak, oinezkoen pasabide berriak, arkitektura oztopoen konponbideak…).

Helburua
6. Bizikidetza eta segurtasuna.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Oinarrizko zerbitzuak, Berdintasuna, Herritarren parte-hartzea eta gobernu irekia, Segurtasuna eta bizikidetza
Eremu geografikoak
Guztiak
Auzoetan segurtasunik gabeko guneak minimizatzeko plana abian jartzean izandako aurrerapen-maila.

%70

6.7. Bizikidetzaren Behatokiaren lana auzo gehiagotara hedatzea.
Azken eguneratzea: 2021/06/30

“Bizikidetzaren Behatokiak” Bilbon herritarren elkarbizitza hobetu nahi du gatazkak goiz identifikatuaz eta konponduaz eta gizartearen aurkako jarrerak kontrolatuaz eta zuzenduaz. Orain arte lortutako esperientzia oso positiboa izana da, eta horregatik indartu eta hedatu nahi dira bere esku-hartze lanak Bilbon.
Ildo horretan, Udalak Behatokiaren lanen ezaupidea eta ikusgaitasuna areagotu gura ditu, eta haren prebentzio eginkizunean sakondu nahi du, auzoetako funtsezko eragileekin harreman jarraitua mantenduaz. Besteak beste, Behatokiaren Zerbitzu Gutun bat lantzea aurreikusten da, eta auzo guztietan haren lanari buruzko berariazko zabalkunde eta komunikazio ekintzak egitea.

Helburua
6. Bizikidetza eta segurtasuna.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Herritarren parte-hartzea eta gobernu irekia, Kudeaketa aurreratua, Bizikidetza, Segurtasuna eta bizikidetza
Eremu geografikoak
Guztiak
Bizikidetzaren Behatokiak esku hartzen duen auzoen hazkundean izandako aurrerapen-maila.

%60

6.8. Herritartasunaren eta aniztasunaren udal plan berria.
Azken eguneratzea: 2021/06/30

Bilboko Udalak bereganatu egiten du Bilbo kohesionatu eta berritzaile baten alde lanean jarraitzeko konpromisoa, garapena eta bizi kalitatea nagusi izan daitezen. Helburu horren barruan, Bilbok kulturarteko gizarte bat garatzearen hautua egiten du, ezberdintasunak berdintasun esparru batean onartuaz eta herritarren baliabide aniztasuna indartuaz, gehitzeko eta elkarrekin hiria garatzen laguntzeko. Guztiek parte aktiboki hartuko duten hiri bat, eta bizikidetza proiektu komunean parte hartzeko pertsona guztiei aukera emango zaiena.
Horretarako, “Herritartasunaren eta Aniztasunaren Udal Plan” berri bat garatuko da, zeharretara zabalduko dena, etorkinak udalaren bizitza politiko, ekonomiko, sozial eta kulturalean txertatzeko. Plan horren lehentasun ildoak gizarte kohesiora, kulturarteko bizikidetzara eta inklusiozko herritartasun bat lortzera bideratuko dira.

Helburua
6. Bizikidetza eta segurtasuna.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Balioak, Segurtasuna eta bizikidetza, Berdintasuna, Bizikidetza
Herritartasunaren eta aniztasunaren udal plana abian jartzean izandako aurrerapen-maila.

%20