Hiriak eta giza kokaguneak inklusiboak, seguruak, erresilienteak eta jasangarriak izatea lortzea.

Ekintzak

(antolamendu irizpidea: informazioa eguneratutako dataren arabera)

1.1. Zorrotzaurre hiri barruti berritzailea. Hiri Parke Teknologikoaren lehen fasearen garapena.
Azken eguneratzea: 2021/06/30

Zorrotzaurre hiriaren aukeretarako eta etorkizunerako berebiziko lekua da, eta hainbat erabilera izango ditu. Bizitzeko, lanerako eta gozatzeko uharte bat izango da. Ildo horretan, uharte honen bereizgarrietako bat Hiri Parke Teknologiko bat eraikitzea izango da, eta osagai
teknologikoko enpresak eta sormen eta berrikuntza maila handikoak, sektore estrategikoetakoak, sortu eta kokatzeko espazioak prestatuko dira bertan: Industriarako zerbitzu aurreratuak, ekonomia digitala eta kultura eta sorkuntza industriak.
Lehen fase honetan gobernantza, kudeaketa eta sustapen eredua landuko da, ezagutzazko eta teknologiazko enpresen eta eragileen
ekosistema bat erakarri eta sortu ahal izateko. Hori guztia gainerako herri erakundeekin eta gure enpresa ehunaren eragile nagusiekin elkarlanean burutuko da.

Helburua
1. Jarduera ekonomikoa eta enplegua.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Ekonomiaren Garapena, Industria, Zientzia eta teknologia, Enplegua eta talentua
Eremu geografikoak
1. barrutia (Deustu)
Zorrotzaurreko Parke Teknologikoaren Gobernantza ereduaren garapenaren aurrerapen-maila.

%20

1.7. Ekonomia Sozial eta Solidarioaren Erakargunea Bilbo Zaharrean martxan jartzea.
Azken eguneratzea: 2021/06/30

Ekonomia Sozial eta Solidarioak (ESS) pertsonen beharrak asetzeari irabaziaren gainetik lehentasuna ematen dioten jarduera sozioekonomikoak hartzen ditu. Jarduera horien garapena indartu ahal izateko Bilbo Zaharrean Ekonomia Sozial eta Solidarioaren Erakargune bat abiaraziko da, horri buruzko zenbait ildo eta jarduera abian jartzeko.
Besteak beste, Erakarguneak ezagutarazi egingo ditu ESSk ekintzailetza eredu eta garapen ekonomiko eta sozialaren eredu gisa eskaintzen dituen aukerak eta abaguneak eta erraztu egingo du ekintzailetza sozial kooperatiboaren garapena, ideia sortzearen, abian jartzearen eta enpresa laguntzearen prozesuei lagunduz, helburu horretara egokitutako prestakuntzaren, orientazioaren eta planen bidez.

Helburua
1. Jarduera ekonomikoa eta enplegua.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Enplegua eta talentua, Ekonomiaren Garapena, Obrak eta azpiegiturak, Hiri-birgaitzea eta -berroneratzea
Eremu geografikoak
5. barrutia (Ibaiondo)
Bilbo Zaharrean ESS poloa abian jartzean izandako aurrerapen-maila.

%40

1.8. Zazpikaleak merkataritza, kultura eta bizikidetza gune moduan garatzea.
Azken eguneratzea: 2021/06/30

Zazpikaleak, ezinbesteko lekua herritarren bizitzan eta Bilboren kanpo irudirako. Erreferentziazko espazio bat merkataritzarako, kulturarako, aisiarako, identitaterako eta bizikidetzarako, modu iraunkor eta orekatuan garatu behar dena, auzoko eta Bilboko ekonomia, gizarte eta auzo
dinamikak integratuaz.
Horretarako, “Bilboko Zazpikaleak garatzeko 2015-2019rako Estrategia” ebaluatu eta eguneratuko da, eta 2020-2023rako Ekintza Plan berria zehaztuko da zutabe hauen inguruan: Zazpikaleen identitatea sendotzea, Zazpikaleen merkataritza eredua garatzea, turismo iraunkor eta orekatua sustatzea, eta Zazpikaleetan dauden erabilera guztien bizikidetza eta oreka finkatzea.

Helburua
1. Jarduera ekonomikoa eta enplegua.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Ekonomiaren Garapena, Hiri-birgaitzea eta -berroneratzea, Bizikidetza, Kultura eta aisia, Enplegua eta talentua, Tokiko merkataritza
Eremu geografikoak
5. barrutia (Ibaiondo)
Zazpikaleak Garatzeko Plana abian jartzean izandako aurrerapen-maila.

%0

1.10. “Bilbao Smart City” estrategia bultzatzea eta osorik garatzea.
Azken eguneratzea: 2021/06/30

Bilbok ibilbide bat egina du hiriaren digitalizazio estrategian, herritarrek “aro digitalean jaiotakoak” izatera egin duten profil aldaketaren parean egon daitekeen hiri adimentsuaren hautua eginaz.
Ildo horretan, hiri adimentsuaren erronka handietarako konponbideak bilatzen dituzten proiektu konkretuak garatzea dago aurreikusita, udal zerbitzuak hobetuko dituzten eta Udalari berari datuen analisi aurreratua (Big Data) aplikatzen lagunduko dioten konponbideak eta eredu teknologikoak apurka-apurka aplikatuaz, bilbotarren bizi kalitatea hobetzeko.
Konponbide teknologiko berriak batez ere adimen artifizialaren, sentsorizazioaren, denbora errealeko kontrol sistemen, 5G komunikazioen eta irudi analisi aurreratuetarako gailuen arloekin egongo dira erlazionatuta.

Helburua
1. Jarduera ekonomikoa eta enplegua.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Zientzia eta teknologia, Balioak, Turismoa, Trafikoa eta mugikortasuna, Kudeaketa aurreratua, Ekonomiaren Garapena
Hiriko Smart proiektuen garapenean izandako aurrerapen-maila.

%90

2.15. Etxebizitzaren Gidaplan berria.
Azken eguneratzea: 2021/06/30

Urte hauetan Bilboko Udalak hausnarketa eta diagnostikoa lantzen ibili da Bilbon etxebizitzak duen egoeraren gainean, jardun behar den funtsezko gaiak identifikatzen (zaharberritzea, kudeaketa, eduki ahal izatea eta abar) eta etxebizitzarekin erlazionatutako erronkei erantzuna emateko politikak garatzen.
Datozen urteotan, arlo honetan aurrera egiten jarraituko da, “Etxebizitzaren Gidaplan” berri bat abiaraziaz, etxebizitza politikak 2023ra begira gidatzeko. Plan berriaren funtsak etxebizitza ondarean bertan ekitea (eraikuntza berriak, zaharberritzea, kudeaketa…), etxebizitza hutsa
mugiarazteari buruzko politika berriak egitea eta etxebizitza izateko eredu berriak eta laguntzak ezartzea izango dira. Ildo horretan, auzoen arteko oreka bilatzea azpimarratuko da, gizarte etxebizitza ahalik eta auzo gehienetara hedatuaz.

Helburua
2. Gizarte politikak.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Etxebizitza, Gizarte-ekintza
Eremu geografikoak
Guztiak
Etxebizitzaren Gidaplan berria abian jartzean izandako aurrerapen-maila.

%40

2.18. Garapenerako lankidetzaren gidaplan berria.
Azken eguneratzea: 2021/06/30

Bilboko Udalak beti frogatu izan du konpromisoa hartua duela hegoaldeko herrialderik txirotuenen garapenarekin, ardurakidetasunaren ikuspegitik eta herritartasun globalaren kontzeptutik abiatuta, gizarte batzuen ahultasunak beste batzuen ongizate mailarekin lotzen dituelako.
2020an amaitzen da orain indarrean dagoen Garapenerako Lankidetzaren Gidaplana, eta horregatik landuko da plan berri bat, garapenerako lankidetzaren arloan udalak izango duen politikaren ekintza ildo nagusiak modu sistematiko, koherente eta gardenean jasoko dituena
datozen urteotarako, eta hori burutzeko estrategiak, prozedurak eta baliabideak ere jasoko ditu. “Garapenerako Lankidetzaren Gidaplan” berriak nazioarteko lankidetza, sentsibilizazio eta laguntza humanitarioan egin beharreko ekintzak jasoko dituzten garapenerako lankidetza arloko udal politika publiko guztiak hartuko ditu kontuan.

Helburua
2. Gizarte politikak.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Giza eskubideak, Garapenerako lankidetza, Balioak
Garapenerako Lankidetzaren Gidaplana abian jartzean izandako aurrerapen-maila.

%15

3.1. Bilbo Intermodala.
Azken eguneratzea: 2021/06/30

Autobus geltoki berria, Bilbo Intermodala, hiriberritze eta eraldaketa proiektu baten zati bat da, eta proiektu horrek geltoki berria eraikitzea eta ingurunea antolatzeko eta urbanizatzeko zenbait obra egitea aurreikusten du. Proiektuak bere osotasunean autobusen zirkulazioa antolatu eta hobetuko du, horren inpaktua txikituko du eta hirirako beste atseden leku bat sortuko du.
Lehen fasean geltoki berria lurperatu da eta geltoki berria eraiki da; joan den azaroaren 27an inauguratu zen. Bigarren fasea hurrengo urtean burutuko da; funtsean, lurperatu ondoren libre geratu den espazioan 7.500 m2-ko plaza bat sortuko da eta merkataritza eremu bat, kirolgune bat, hotel bat eta ikasleen egoitza bat hartuko dituen eraikin bat eraikiko da.

Helburua
3. Garraioa, mugikortasuna eta irisgarritasuna.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Obrak eta azpiegiturak, Espazio publikoa, Hiri-plangintza, Hiri-birgaitzea eta -berroneratzea, Trafikoa eta mugikortasuna, Turismoa, Ekonomiaren Garapena
Eremu geografikoak
8. barrutia (Basurtu-Zorrotza)
Bilbo Intermodalean aurreikusitako obren aurrerapen-maila.

%95

3.2. Tranbiaren sarea hedatzea.
Azken eguneratzea: 2021/06/30

Bilbo hiri aurreratua da hiri mugikortasun iraunkorrean, horretarako zenbait elementuren gainean hobekuntza neurriak hartzen jarraitzen baita, besteak beste, garraio publikoan eta, zehazki, tranbian.
Datozen urteotan tranbiaren sarea handitzen jarraitzea aurreikusten da, eta bide zati hauetara hedatuko da:
• Bolueta eta Ibaizabal Abusu hiriaren erdialdearekin lotzea.
• Erdialdea Zorrotzaurrerekin lotzearen zehaztapena.

Helburua
3. Garraioa, mugikortasuna eta irisgarritasuna.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Hiri-plangintza, Trafikoa eta mugikortasuna, Ingurumena, Obrak eta azpiegiturak
Eremu geografikoak
5. barrutia (Ibaiondo), 6. barrutia (Abando), 8. barrutia (Basurtu-Zorrotza), 4. barrutia (Begoña)
Tranbiaren sareko obren aurrerapen-maila.

%25

3.3. Hegoaldeko auzoak hiriaren erdialdearekin lotzeko burdinbidezko konponbide bat garatzea.
Azken eguneratzea: 2021/06/30

Auzoen konektagarritasuna hobetzeak Udalaren konpromisoetako bat izaten jarraitzen du “Bilbo Hiri Konektatua” proiektuaren esparruan, eta proiektu horrek berariazko neurriak ezarrita dauzka agintaldi honetan hegoaldeko auzoetarako (Irala eta Errekalde). Neurri horiei esker, aldi berean, hiriko auzo guztien garapen kohesionatu eta orekatua lortuko da.
Ildo horretan, auzo horiek hiriaren erdialdearekin lotzea erraztuko duen burdinbidezko konponbide berri bat diseinatzea aurreikusita dago, eta horretarako Eusko Jaurlaritzaren eta Bizkaiko Foru Aldundiaren elkarlana izango dugu.

Helburua
3. Garraioa, mugikortasuna eta irisgarritasuna.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Ingurumena, Obrak eta azpiegiturak, Trafikoa eta mugikortasuna, Hiri-plangintza
Eremu geografikoak
7. barrutia (Errekalde)
Hegoaldeko auzoak hiriaren erdialdearekin lotzeko burdinbidezko konponbidearen obren aurrerapen-maila.

%0

3.4. Hirian bizikletaren erabilera erakargarri egitea.
Azken eguneratzea: 2021/06/30

Bilboko Udalak bultzatu dituen politikei esker, besteak beste, bizikletak mailegatzeko udal zerbitzuari esker, mugitzeko modu alternatibo eta iraunkor gisa asko areagotu da gure hirian azken urteotan bizikletaren erabilera. Zalantzarik gabe asko aurreratu den arren, Bilboko Udalak bizikletaren erabilera bultzatzen jarraitu nahi du.
Horretarako, aurreikusita daude zenbait ekintza, besteak beste, jatorrian eta helmugan bizikletetarako aparkaleku berriak sortzea, azpiegitura sarea handitzea, bizikleta erabiltzearen onurei buruzko sentsibilizazio kanpainak egitea, ziklologistika proiektu bat abiaraztea eta bizikleten aparkaleku seguruen sare bat sortzea.

Helburua
3. Garraioa, mugikortasuna eta irisgarritasuna.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Trafikoa eta mugikortasuna, Balioak, Ingurumena, Espazio publikoa, Obrak eta azpiegiturak, Osasuna
Eremu geografikoak
Guztiak
Bilbaobizi bizikleta publikoaren erabileraren aurrerapen-maila.

%100

3.5. Bizikleta zidorren sarea handitzea.
Azken eguneratzea: 2021/06/30

Bizikleta finkatu eginda lehentasunezko garraiobide gisa hirian. Aisiarako erabiltzeaz gain, gero eta gehiago erabiltzen du jendeak beribilaren edo beste garraio mota batzuen ordez.
2019an bizikleta zidorren sarearen kalitatezko, funtzionaltasunezko eta hierarkiazko irizpideak ezarri ondoren (50 km/h-ko zirkulazio abiadura duten bide zatietan bide zati bereiziak, bide zati konpartituak), datozen urteotan egokitu egingo da dagoen sarea irizpide horietara, eta aurrera egingo dugu bizikleta zidor sarea eraikitzen, helburu batekin: 2023an guztira 80 km-ko zidor sarea (bereizia eta konpartitua)
edukitzea txirringaz ibiltzeko.

Helburua
3. Garraioa, mugikortasuna eta irisgarritasuna.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Espazio publikoa, Ingurumena, Osasuna, Trafikoa eta mugikortasuna, Obrak eta azpiegiturak
Eremu geografikoak
Guztiak
Bizikleta zidorren sarea handitzearen aurrerapen-maila.

%35

3.6. TAO eremu berriak aztertzea eta, kasua bada, handitzea.
Azken eguneratzea: 2021/06/30

Bilboko kaleetan aparkaleku eskaera handia denez bai egoiliarren bai bisitarien aldetik, bide publikoko aparkatokiak hartarako bereziki egindako udal ordenantza baten bidez eta Bilboko kale jakin batzuetan aparkaldia kontrolatu eta antolatzeko kontzesiozko zerbitzu bat ezarriaz arautzen du, oreka bilatuaz auzokoen aparkatzeko beharren eta eskura dauden aparkatokiak gidarien artean banatu ahal izateko
behar den nahitaezko ibilgailu txandakatzearen artean.
Datozen urteotara begira, TAO aparkatzeko arazo larriagoak eta eskaera handiagoa dagoen beste leku batzuetara zabaltzea komeni den pentsatuko da. Kasu guztietan, parte hartzeko eta herritarrek kontrastatzeko prozesuak bultzatuko dira barruti kontseiluen bitartez, tartean diren talde guztien iritzia eta proposamenak jaso ahal izateko.

Helburua
3. Garraioa, mugikortasuna eta irisgarritasuna.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Trafikoa eta mugikortasuna, Herritarren parte-hartzea eta gobernu irekia
Eremu geografikoak
Guztiak
TAO eremuak handitzeko proiektuaren aurrerapen-maila.

%50

3.7. Argindarrezko ibilgailuaren erabilera erakargarri egitea.
Azken eguneratzea: 2021/06/30

Bilboko Udalak mugikortasuna karbonogabetzea bultzatzen du, ibilgailu elektrikoaren erabilera sustatuaz. Horrek airearen kalitatea hobetzen eta, beraz, kutsaduraren efektuen mendean gutxiagodaudenez, Bilboko biztanleen osasuna hobetzen laguntzeaz gain, kutsadura akustikoa
gutxitzen eta, beraz, horri lotutako gaixotasunak gutxitzen ere laguntzen du.
Helburu horretan aurrera egiten jarraitze aldera, elektrolineak jartzeko plan bat garatuko da eta udal aparkalekuetan birkargatzeko puntuak instalatzea bultzatuko da.
Era berean, Bbilborako birkargatze “zerbitzu/negozio/kontzesio eredu” egokiena zein den erabakiko da, birkargatzeko puntuen oraingo hitzarmena 2021ean amaitzen denean. Horretarako, beste hirietan erabiltzen diren kudeaketa eredu guztiak aztertuko dira. Azterketak argindarrezko ibilgailuetarako birkarga puntuen azpiegitura ere zehaztuko du, nahikoa izan dadin eta herritarren eskaera aurreikuspenari egokituta egon dadin, bai lurrazalean bai sestra azpian.

Helburua
3. Garraioa, mugikortasuna eta irisgarritasuna.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Osasuna, Obrak eta azpiegiturak, Ingurumena, Trafikoa eta mugikortasuna
Elektrolinerak jartzeko planaren aurrerapen-maila.

%35

3.8. Aparkalekuen eta aparkaldien ordenantza berria.
Azken eguneratzea: 2021/06/30

Gaur egun udal ordenantza batek baino gehiagok arautzen dituzte hiriko aparkalekuak eta aparkaldiak: Trafiko eta Aparkamendu Ordenantza; Egoiliarrentzako Udal Titularitateko Aparkaleku Eraikinak Txandatze Erregimenean Arautzen dituen Ordenantza; eta Araututako aparkamendurako sistemaren aplikazio-eremua arautzen duen Ordenantza.
Ordenantza berriak modu bateratuan arautuko du aparkaleku publikoen eskaintza bai sestra azpian bai bide publikoan, egoiliarren aparkatze beharrak orekatzeko eta bisitarien aparkaleku eskaria kudeatzeko. Ordenantza berri honekin Bilboko aparkatoki guztien erabilera optimizatu, sarbidea eta erabilera baldintzak bateratu, alokairu eredua indartu eta aparkaleku eta aparkaldi politiken eta beharren arabera eredu egokigarri bat martxan jarri nahi da.

Helburua
3. Garraioa, mugikortasuna eta irisgarritasuna.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Trafikoa eta mugikortasuna, Espazio publikoa
Eremu geografikoak
Guztiak
Aparkalekuen eta aparkaldien ordenantza berria egiteko prozesuan izandako aurrerapen-maila.

%75

3.9. Mugikortasun ordenantza berria.
Azken eguneratzea: 2021/06/30

Bilbok hiri mugikortasun iraunkorraren hautua egitea erabaki du mugikortasun adimentsuaren eredua bereganatuaz, bere “Hiri Mugikortasun Jasangarriaren Planean” (HMJP) jasota.
Mugikortasun ordenantza berriarekin “jasangarritasun” printzipioen mendean arautu gura da hiri mugikortasuna, espazio publikoa berriro izan dadin pertsonak libre ibiltzeko eta elkartzeko, herritarren atsedenerako eta turismo iraunkorrerako, bai merkataritza jarduera handiko aldeetan bai gainerako kale, plaza eta hiri espazioetan. Halaber, ordenantzari esker kutsadura akustikoa eta atmosferikoa gutxitu, bide segurtasuna handitu eta ohitura osasungarriak bultzatu ahal izango dira.

Helburua
3. Garraioa, mugikortasuna eta irisgarritasuna.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Osasuna, Espazio publikoa, Ingurumena, Trafikoa eta mugikortasuna
Eremu geografikoak
Guztiak
Mugikortasun ordenantza berria egiteko prozesuan izandako aurrerapen-maila.

%50

3.10. BilboBus autobusak berritzea ibilgailu elektriko eta hibrido berriak hartuaz.
Azken eguneratzea: 2021/06/30

Bilboko Udalak herritarren osasuna eta bizi kalitatea hobetzera bideratzen ditu bere mugikortasun politikak. Horregatik, autobusetan eta udal ibilgailuetan zero igorpen duten hautabideak hobestea bultzatzen du, partikula kutsagarrien emisioa eta CO2 emisioak mugatzeko.
Helburua herri garraiorako iraunkortasun handiagoko autobus multzoa lortzea da, eta horrexegatik eskuratzen ari gara entxufatzerik behar ez duten autobus hibridoak eta % 100 elektrikoak. 2023ra begira, helburua daBilbobusen 141 autobusetatik 104 ibilgailu iraunkorrak izatea.

Helburua
3. Garraioa, mugikortasuna eta irisgarritasuna.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Oinarrizko zerbitzuak, Osasuna, Trafikoa eta mugikortasuna, Ingurumena
Autobus iraunkorren flotaren berrikuntzan izandako aurrerapen-maila.

%100

4.5. Nerabeentzako aisiaren eta kirolaren udal programazioa hurreratuaz hobetzea.
Azken eguneratzea: 2021/06/30

Nerabeei zuzendutako aisia eta kirol eskaintza ireki eta plural bat garatzea funtsezkoa da aisiako kultura osasungarri, proaktibo, parte-hartzezko eta balioetan oinarritutako bat, pertsonaren garapenari eta gazteen beregaintasunari lagunduko diona, errespetuan oinarritutako berdinen arteko harremanak sortzeko.
Giro horretan, Bilbok dagoen programazio eskaintza hurreko eta “auzo kiroletako” ikuspegi batetik hobetu gura du.
Gazteen parte-hartzearekin, Bilbok “GazteKluba” programa indartu nahi du, euren beharrei erantzungo dien ekipamendu sare bat eta aisia eta kirol jardueren agenda bat diseinatuaz.
Testuinguru horretan, ekintzarik berehalakoena, Basurtuko gai sukoien eraikin zaharrean beste “Gaztegune” bat irekitzea aurreikusita dago.

Helburua
4. Gaztedia, balioak, hezkuntza eta prestakuntza.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Gazteria, Berdintasuna, Balioak, Kultura eta aisia, Kirola
Nerabeentzako aisialdi eta kirol programaren funtsezko ekintzen ezarpenean izandako aurrerapen-maila.

%40

4.8. Familia bateragarri egiten laguntzeko zerbitzuak hobetzea.
Azken eguneratzea: 2021/06/30

Arretaren erdigunean pertsonak jartzen dituen gobernantza eredu batetik, Udalak familien bateragarritasun beharren arreta euren bizileku naturalean hobetu nahi du. Horrek laguntza zerbitzuak, ekipamenduak eta jarduerak hurbiltasun ikuspegitik hobetzea dakar.
Bateragarri egiteaz hiriak dituen beharrak berraztertzetik abiatuta, familia gazteen dentsitaterik handiena duten auzoetako haurgune eta kidegune sarea zabaldu eta hobetzea pentsatu da. Hortaz, aurreikusita dago Abando barrutian haurgune-kidegune berri bat irekitzea eta Basurtuko eta Zazpikaleetako haurgune-kideguneak handitzea. Hobekuntza horiekin batera haur programazioaren udal agenda berri bat egingo da instalazio guztietarako.
Izen emateak eta erreserbak egiteko aplikazio berri bat funtzionatzen jartzea ere pentsatuta dago, zerbitzuetara hobeto heldu ahal izateko.

Helburua
4. Gaztedia, balioak, hezkuntza eta prestakuntza.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Haurrak eta adingabeak, Familia
Eremu geografikoak
6. barrutia (Abando), 5. barrutia (Ibaiondo), 8. barrutia (Basurtu-Zorrotza)
Familia bateragarri egiten laguntzeko ekintzen aurrerapen-maila.

%35

5.1. Bilbao Arte handitzea.
Azken eguneratzea: 2021/06/30

Bilbao Arte finkatu egin da Europa mailako erreferentzia gisa erti ekoizpenerako zentro bezala, eta sortzaile gazteen eskura jartzen ditu euren proposamen artistikoak garatzeko behar dituzten baliabideak eta azpiegiturak.
Bertoko sortzaile gazteei eta munduko beste leku batzuetakoei esperientzia paregabea eta euren sorkuntza proiektuen garapenerako aukerak eskaintze aldera, instalazioen handitze bereizi bat egingo da.
Lokal osagarri bat irekitzeari esker, lantegitarako espazioak, artisten egoitzak eta erakusketa eremua handitu ahal izango dira, eta horrela Bilbao Artek bertoko erti eszenari egiten dion laguntza lana indartu egingo da.

Helburua
5. Kultura eta kirola.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Kultura eta aisia, Obrak eta azpiegiturak, Ekonomiaren Garapena, Enplegua eta talentua
Bilbao Arte handitzeko obren aurrerapen-maila.

%0

5.2. Arte Ederren Museoa handitzea.
Azken eguneratzea: 2021/06/30

Bilboko Arte Ederren Museoak etapa berri bat hasi du, modernizatzea eta haztea ikusmiran dituela. Museoaren patronatuko gainerako kideekin elkarlanean, Museoari edertiaren behar berrietarako nahikoa eta egokitua den espazio bat ematea bilatuko da, bere arkitekturaren kalitatea gordeaz, instituzioaren identitate ikurra baita, eta bere irisgarritasuna eta ingurumen iraunkortasuna hobetuaz.
Handitze proiektuak Museoaren bilduma aberatsen aurkezpena hedatzeko eta haren erakusketa, heziketa eta zabalkunde programak goranahi handienarekin garatzeko nahikoa izango diren espazio gehigarriak emango dizkio. Horren paralelo, kontserbazio eta ikerketa zerbituak hedatzeko hautabide bat planteatzen du, gaur egun dauden azpiegituren edukierak mugatzen baititu.

Helburua
5. Kultura eta kirola.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Enplegua eta talentua, Ekonomiaren Garapena, Obrak eta azpiegiturak, Kultura eta aisia, Turismoa
Arte Ederren Museoa handitzeko obren aurrerapen-maila.

%65

5.3. Bilbori Musikaren Hiria izateko bultzada ematea.
Azken eguneratzea: 2021/06/30

Bilbok entzule guztiei egokituta musika aukera zabala eskaintzen du urte guztian zehar. Datozen urteotan, Bilbao Musikarekin koordinatuta, Bilboko bizitza kulturalean musika jarduera indartu eta finkatzeko egingo da lan. Horretarako hiriko kultura ekitaldi garrantzitsuenetan Bilbao Musikaren presentzia aktiboa bultzatuko da.
Gainera, Orkestra Zuzendaritzako Topaguneak nazioartekotzea bilatuko da, diziplinarteko kontzertu eta ikuskizunen denboraldiak programatzea, herri erakunde, elkarte eta erakunde publiko eta pribatuekin elkarlanak dibertsifikatzea eta, Bilbao Musikaren kaleko presentzia sustatzeko, Bilbon urtero musika ekitaldi bat antolatzea. Hori guztia, musikaren arloan erreferentzia den hiri baten
errealitatea taxutzen jarraitzeko.

Helburua
5. Kultura eta kirola.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Ekonomiaren Garapena, Enplegua eta talentua, Kultura eta aisia
Bilbao Musikaren bidez musika-jarduera sendotzeko bidean izandako aurrerapen-maila.

%70

5.4. Euskal Museoa modernizatu eta handitzea.
Azken eguneratzea: 2021/06/30

Euskal Museoa erreferentzia bat da euskal kulturan, eta euskal ertia eta tradizioak zabaltzeko funtsezko elementua. Gaur egun, 20.000 gauzaki baino gehiago ditu bere ondarean, gure arbasoen bizimodua eta eguneroko zeregina osatu zuten alderdi guztiak erakusten eta islatzen dituztenak.
Bizkaiko Foru Aldundiaren eskutik, Euskal Museoaren zaharberritze osoa egingo da, instalazioei 2.000 m2 gehituko zaizkio eta diskurtso museografiko berri bat sortuko da, museoa euskal kulturaren erreferentzia gisa finkatu ahal izateko, eta “euskal kulturan sartzeko atea” bihurtuko da.

Helburua
5. Kultura eta kirola.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Ekonomiaren Garapena, Kultura eta aisia, Enplegua eta talentua, Obrak eta azpiegiturak, Turismoa, Balioak
Euskal Museoa handitzeko obren aurrerapen-maila.

%50

5.5. Bilbao Kultura 365.
Azken eguneratzea: 2021/06/30

Kultura Bilboren eraldaketa gidatu duen eragileetako bat da, eta gaur egun hiriaren berrikuntza bultzatzen jarraitzeko estrategiaren zutabeetako bat izaten jarraitzen du. Bilbon ertia eta kultura bizitzeko estilo bat dira, eta hiriaren egunerokotasuna osatzen dute; hori argi dago ekitaldi kultural eta jostagarrien sorta zabala antolatzen delako, eta bere egutegian, beste diziplina artistiko batzuez gain, zinemaldiak eta musika, antzerki eta dantza jaialdiak barne hartzen dituelako.
Datozen 4 urteotarako, Udalak kultura jarduera 365 egunetan mantendu nahi du, kultura programazioa berraztertuaz eta eguneratuaz, hiri osoaren eskaera kulturalari eta, “hurreko kultura” indartuaz, bereziki auzoetakoari erantzuna emango dion jarduera agenda erakargarri, berritu eta zabala taxutzeko.

Helburua
5. Kultura eta kirola.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Kultura eta aisia, Enplegua eta talentua
Urteko 365 egunetarako kultura-programazioa eguneratzen izandako aurrerapen-maila.

%50

5.7. Udalak Guggenheim Bilbao Museoarekin duen lotura sendotzea.
Azken eguneratzea: 2021/06/30

1997an inauguratu zenetik, Guggenheim Bilbao Museoak munduko mapan kokatu du Bilbo eta Bilboren nazioarteko irudia indartzen lagundu du. Museoak kalitatezko turismoa hirira erakartzea lortu du; horrek eta betiko negozio turismoak eragin handia dute hiriaren ekonomian.
Hiriaren ikono eta eragile ekonomiko eta kultural denez, lan egingo da Museoarekiko lotura sendotzen.

Helburua
5. Kultura eta kirola.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Ekonomiaren Garapena, Enplegua eta talentua, Kultura eta aisia, Turismoa
Udalak Guggenheim Bilbao museoarekin duen loturaren aurrerapen-maila.

%100

5.8. Kultura plan estrategiko berria.
Azken eguneratzea: 2021/06/30

Kulturak funtsezko rola jokatzen du Bilboren jarduera ekonomikoaren eta gizarte eraldaketaren eragile gisa. Horregatik, epe luzerako estrategia bat eduki behar dugu Bilbon kultura garatzen jarraitzeko.
“2020-2030erako Kultura Plan Estrategikoak” datozen 10 urteetarako udal politika kulturalaren jarraibideak markatuko ditu, Bilboren irudia kultura hiri moduan zabalduko du nazioartean, garrantzia emango die gure aktibo kulturalak, kultura jarduera berriak sortuko ditu herritarrentzat eta kultura eta sorkuntza ehuna garatzen lagunduko du.

Helburua
5. Kultura eta kirola.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Enplegua eta talentua, Kultura eta aisia, Ekonomiaren Garapena, Balioak
Kultura Plan Estrategikoa abian jartzean izandako aurrerapen-maila.

%10

5.9. Arriaga Antzokia arte eszenikoen programazio eta ekoizpenaren erreferentzia moduan indartzea.
Azken eguneratzea: 2021/06/30

Arriaga antzokia euskal arte eszenikoen bandera ontzia da, bai programazioaren aldetik bai ekoizpen propioei dagokienez, bertoko publikoarekin duen loturagatik eta nazioartean duen irudiagatik.
Datozen urteetan Bilboko arte eszenikoen jardueraren dinamizazioari laguntzen egingo da lan, ikuskizunen programazio eta ekoizpen handiago baten bidez, bertoko artista eta sortzaileekin, bertoko abesbatza eta orkestrekin eta euskal artisten tituluekin. Gainera, Bilboko arte eszenikoen ehun lokala hobetzea bilatuko da, Arriaga Antzokiak lankide dituen kultura-eragileen espezializazioa eta profesionalizazioa bultzatuaz.

Helburua
5. Kultura eta kirola.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Kultura eta aisia, Ekonomiaren Garapena, Enplegua eta talentua, Turismoa
Bilboko arte eszenikoen jardueraren dinamizazioan izandako aurrerapen-maila.

%80

5.10. Errugbia eta bere balioak sustatzea.
Azken eguneratzea: 2021/06/30

Bilbok egin duen hautua errugbian egitea Bilboko gazteen artean bultzatzea da, errugbia gazteentzat heziketarako eta balio positiboak sortzeko tresnatzat hartuta, eta herritarren ongizatea eta osasuna hobetzen lagundu dezakeen aisia osasungarriaren eragile gisa. Beste alde batetik, kategoria goreneko errugbi talde bati laguntzeko behar den oinarrizko egitura lortzera ere heldu nahi da.
Horretarako, kirol instalazioak hobetuko dira eta kirola bera ikusgai egiteko ekintzak bultzatuko dira. Instalazioei dagokienez, Zorrotzako errugbi zelaia (zelaia eta aldagelak) eta Errekaldeko zelaia (aldagelak eta gimnasioa) hobetu eta egokituko dira. Ikusgai egiteari dagokionez, gazteen artean zabalkunde kanpainak egingo dira errugbian egiten duten klubekin eta ikastetxe elkartuekin elkarlanean, 500 jokalari, neska-mutil, izatera heltzea helburu hartuta.

Helburua
5. Kultura eta kirola.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Kirola, Haurrak eta adingabeak, Gazteria, Osasuna, Balioak, Kultura eta aisia
Eremu geografikoak
7. barrutia (Errekalde), 8. barrutia (Basurtu-Zorrotza)
Zorrotzako eta Errekaldeko errugbi zelaien egokitzapenean aurrerapen-maila.

%65

5.11. Itxaropen kaleko frontoi berria.
Azken eguneratzea: 2021/06/30

Itxaropen kaleko frontoia berritzeko proiektuak Zazpikaleetan kirol instalazio berriak egin nahi ditu, aurreko frontoia nahitaez bota beharra egon zenez gero Zazpikaleetako metro geltokia egiteko. Eraikin berrirako 5 solairuko bolumen bakarra planteatzen da, 2 eraikuntza hartuko dituena: pilotalekua eta hainbat gela izango dituen eraikin bat, bai eta bietara sartzeko ateondo bat ere.
Itxaropen kaleko frontoi berria esparru itxia izango da, Itxaropen kaleko 2 zenbakia duen eraikinaren mehelinari atxikiko zaiona, eta gutxi gorabehera 300 pertsonako edukiera eta 7 aulki erreskadako harmaila edukiko ditu.
Beste alde batetik, eraikin berria auzoaren eskaerei erantzuna emateko denez, solairu batzuk Zazpikaleetako elkarte eta taldeek barrutiko espazio publiko moduan erabil ditzaten izango dira, eta gainerako solairuei haur, gazte eta familien aisiarako erabilera eta ekipamenduak izendatuko zaizkie, tartean haur liburutegi bat.

Helburua
5. Kultura eta kirola.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Kultura eta aisia, Kirola, Familia, Haurrak eta adingabeak, Gazteria, Osasuna, Obrak eta azpiegiturak
Eremu geografikoak
5. barrutia (Ibaiondo)
Itxaropen kaleko pilotalekua berritzeko prozesuan izandako aurrerapen-maila.

%50

6.6. Auzoetan segurtasunik gabeko guneak minimizatzea.
Azken eguneratzea: 2021/06/30

Auzoen segurtasunik gabeko guneak identifikatzea garrantzi handiko elementua da Bilboko prebentziozko segurtasun ereduan, eta horren gainean ari gara lanean, hiriko hiriguneak inklusio, segurtasun, erresilientzia eta iraunkortasun handiagoa izatea lortze aldera.
Horretarako, Udalak auzoetan detektatzen diren segurtasunik gabeko puntuetan etengabe ekinean jarraituko du. Dagoeneko identifikatuta dauden guneak berraztertuaz eta segurtasunik gabekotzat jotzen diren edo izan daitezkeen gune berriak identifikatuaz eta katalogatuaz. Identifikazio fase honen ondoren, kasu bakoitzerako ekintza konkretuak zehaztu eta gauzatuko dira (argiteria hobetzea, irisgarritasun elementuak, oinezkoen pasabide berriak, arkitektura oztopoen konponbideak…).

Helburua
6. Bizikidetza eta segurtasuna.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Segurtasuna eta bizikidetza, Berdintasuna, Oinarrizko zerbitzuak, Herritarren parte-hartzea eta gobernu irekia
Eremu geografikoak
Guztiak
Auzoetan segurtasunik gabeko guneak minimizatzeko plana abian jartzean izandako aurrerapen-maila.

%70

6.8. Herritartasunaren eta aniztasunaren udal plan berria.
Azken eguneratzea: 2021/06/30

Bilboko Udalak bereganatu egiten du Bilbo kohesionatu eta berritzaile baten alde lanean jarraitzeko konpromisoa, garapena eta bizi kalitatea nagusi izan daitezen. Helburu horren barruan, Bilbok kulturarteko gizarte bat garatzearen hautua egiten du, ezberdintasunak berdintasun esparru batean onartuaz eta herritarren baliabide aniztasuna indartuaz, gehitzeko eta elkarrekin hiria garatzen laguntzeko. Guztiek parte aktiboki hartuko duten hiri bat, eta bizikidetza proiektu komunean parte hartzeko pertsona guztiei aukera emango zaiena.
Horretarako, “Herritartasunaren eta Aniztasunaren Udal Plan” berri bat garatuko da, zeharretara zabalduko dena, etorkinak udalaren bizitza politiko, ekonomiko, sozial eta kulturalean txertatzeko. Plan horren lehentasun ildoak gizarte kohesiora, kulturarteko bizikidetzara eta inklusiozko herritartasun bat lortzera bideratuko dira.

Helburua
6. Bizikidetza eta segurtasuna.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Segurtasuna eta bizikidetza, Bizikidetza, Balioak, Berdintasuna
Herritartasunaren eta aniztasunaren udal plana abian jartzean izandako aurrerapen-maila.

%20

7.1. Bilboko Ingurumen Estrategia aplikatzea.
Azken eguneratzea: 2021/06/30

Bilbok udalerriaren etengabeko ingurumen hobekuntzarantz jarduteko konpromisoa bereganatzen du. Horrexegatik, udalerriaren ingurumen iraunkortasuna indartu eta handitzera begira, datozen urteetarako Ingurumen Estrategia zehaztu du, ingurumenaren ikuspegitik dauzkagun 3 erronka handiei erantzuna emateko: CO2-an neutrala izatea, klima aldaketarekiko erresilientzia edukitzea eta ingurumen kalitatean osasungarria izatea.
Helburua 2030ean CO2 emisioen % 40 gutxitzera heltzea eta 2050ean neutrotasuna lortzea da.

Helburua
7. Iraunkortasuna eta hiri eraldaketa.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Ingurumena, Trafikoa eta mugikortasuna, Balioak, Industria, Osasuna
Bilboko Ingurumen Estrategiaren ezarpenaren aurrerapen-maila.

%41

7.2 Artxandaren dinamizazioa eta garapena.
Azken eguneratzea: 2021/06/30

Artxanda dinamizatu eta garatzearen helburua herriaren aisia eta gozamena bultzatzea da, Artxandaren ingurunea Bilboren hiri garapen iraunkorrean erreferentziako espazio bat izan dadila.
Horretarako, proiektu eraldatzaile hauek burutzea dago pentsatuta, Artxandako espazio libre eta berdeei garrantzia emanaz, Deustutik Egirletaraino:
• Errepidea pasealeku-begiratoki bihurtzea.
• Hatz Markaren parkea eta Topagunearen parkea hobetzea.
• San Roke eraikinaren ondoan beste berdegune bat sortzea.
• Ekonomiaren aktibazioari bultzada ematea, familiarentzako eguneko jolas eskaintza
iraunkorrarekin.

Helburua
7. Iraunkortasuna eta hiri eraldaketa.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Osasuna, Obrak eta azpiegiturak, Hiri-plangintza, Ingurumena, Kultura eta aisia, Espazio publikoa
Eremu geografikoak
2. barrutia (Uribarri)
Artxanda dinamizatzeko proiektuak gauzatzean izandako aurrerapen-maila.

%50

7.3. Itsasadarra dinamizatzeko plana.
Azken eguneratzea: 2021/06/30

Bilboko Udalak itsasadarra aktibatu eta babesteko plan bat burutu gura du, itsasadarra hiriaren elementu adierazgarrienetako bat delako eta hiriaren eraldatze prozesu etengabearen atal moduan. “Itsasadarra dinamizatzeko planak” itsasadarraren esparru fisikoa eta eskumen esparrua osorik zehaztuko ditu, eta bertan eta bere inguruan aisiarekin, kirolarekin eta kulturarekin zerikusia izanik egin daitezkeen jardueren eredua diseinatu eta garatu egingo du.
Plana agintaldi honetan onartu eta abiaraziko da, maila askotako herri erakundeen eta eragileen elkarlanarekin.

Helburua
7. Iraunkortasuna eta hiri eraldaketa.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Hiri-plangintza, Hiri-birgaitzea eta -berroneratzea, Ekonomiaren Garapena, Ingurumena, Osasuna, Kultura eta aisia, Kirola, Espazio publikoa
Eremu geografikoak
6. barrutia (Abando), 8. barrutia (Basurtu-Zorrotza), 4. barrutia (Begoña), 1. barrutia (Deustu), 2. barrutia (Uribarri), 5. barrutia (Ibaiondo)
Itsasadarra dinamizatzeko plana gauzatzean izandako aurrerapen-maila.

%50

7.4. Bilboko parkeak dinamizatzeko plana.
Azken eguneratzea: 2021/06/30

Parkeak hiriaren eta kokatuta dauden auzoen “birika” estrategikotzat jotzen dira, eta Bilboren “eraztun berdea” aktibatzeko politikaren funtsezko elementuak dira. Politika honen helburua aire libreko atseden, aisia eta jolas guneak hobetzen saiatzea da, belaunaldiarteko izaera handituaz, bateragarri egitea bultzatuaz eta auzokoen bizi kalitatea hobetuaz.
Testuinguru honetan, Bilboko parke sarea hobetzen jarraituko dugu ekipamendu eta azpiegitura berriak erantsiaz hiriko parke nagusietan, hau da, Etxebarria, Europa, Casilda, Ibaieder eta Eskurtze parkeetan.

Helburua
7. Iraunkortasuna eta hiri eraldaketa.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Hiri-birgaitzea eta -berroneratzea, Ingurumena, Obrak eta azpiegiturak, Osasuna, Kultura eta aisia, Hiri-plangintza
Eremu geografikoak
6. barrutia (Abando), 5. barrutia (Ibaiondo), 7. barrutia (Errekalde), 4. barrutia (Begoña), 3. barrutia (Otxarkoaga-Txurdinaga)
Parkeak dinamizatzeko proiektuak gauzatzean izandako aurrerapen-maila.

%50

7.5. Abandoko geltokiaren hirigintza antolamendua onartzea.
Azken eguneratzea: 2021/06/30

Abiadura handia Bilbora heltzeak Abandoko geltokiko lursailetan eta hurreko espazioetan hirigintzako esku hartzeak egin beharra ekarriko du, geltoki berria hirian integratzeko eta azpiegitura berriaren sarbideak egin ahal izateko. “Abandoko Geltokiaren Hiri Antolamenduko Plan Berezian” jasoko dira esku hartze horiek, eta eginkizun hauek hartuko ditu:
• Geltokia lurperatzeak libre utzitako lursailen (Hurtado de Amezaga kalearen ondoko burdinbideak) eta Bailen kalearen aurrealdearen antolamendua.
• Erabilera berriak oraingo “ganga” osatzen duten eraikinetarako eta Concordia geltokirako.
• Iparraldeko Partikularreko eraikinen kontserbazio eta esku-hartze irizpideak.
• Abando eta San Frantzisko ‒ Bilbo Zaharra auzoen artean dauden hiri oztopoak kentzea.
Plan hau hirigintza diseinuko lehiaketa baten deialdia eginaz zehaztu eta onartuko da; horrek hasierako lehen fase ireki bat edukiko du proposamenak aurkezteko eta ondorengo fase itxi bat, eta hortik hautatuko da aukera gune honetarako diseinua.

Helburua
7. Iraunkortasuna eta hiri eraldaketa.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Hiri-birgaitzea eta -berroneratzea, Hiri-plangintza
Eremu geografikoak
6. barrutia (Abando), 5. barrutia (Ibaiondo)
Abandoko geltokiaren Hiri Antolamenduko Planaren diseinu eta onarpenaren aurrerapen-maila.

%5

7.6. Zorrotza Puntako Plan Berezia behin betiko onartzea.
Azken eguneratzea: 2021/06/30

Portuaren jarduera Zorrotza Puntan amaitzeak beharrezkoa egiten du hirigintza plan berri bat zehaztea ingurune honetarako, auzoaren bizitegi garapena itsasadarrerantz egiteko eta espazio berriak sortzea jarduera ekonomikoetarako eta ekipamendu berrietarako.
Plan berri hau agintaldi honetan zehaztu eta onartuko da eta eduki hau izango du:
• Zorrotzaurre eta Burtzeña auzoen arteko hiri jarraitutasuna ebaztea Ibaizabal Abusutik Santurtziraino itsasadarraren ibaialde biak hezurmamitzeko.
• Egon dauden erabilerak (portua eta industria) berritu hiri erabilerak jarriaz (bizitegia, jarduera ekonomiko berriak eta ekipamenduak).
• Zorrotzako gunearen eta Zorrotza Punta inguratzen duten ibaiertzen artean komunikazioa hobetzea errepidez, oinez eta bizikletaz.

Helburua
7. Iraunkortasuna eta hiri eraldaketa.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Hiri-birgaitzea eta -berroneratzea, Herritarren parte-hartzea eta gobernu irekia, Hiri-plangintza
Eremu geografikoak
8. barrutia (Basurtu-Zorrotza)
Zorrotza Puntako Plan Bereziaren definizioan eta onarpenean izandako aurrerapen-maila.

%5

7.7. Peñaskaleko Plan Berezia behin betiko onartzea.
Azken eguneratzea: 2021/06/30

Eusko Jaurlaritzak eta Bilboko Udalak hiriberritzeko ekintza sorta bat burutu dute Iturrigorri eta Gardeazabal inguruetan, besteak beste, etxebizitzak eraistea eta okupatzaileak beharrezko irisgarritasun bermeak betetzen dituzten eraikin berrietan berriro jartzea.
Hiriberritzeko ekintzak osatu eta zonalde honen behin betiko antolamendua zehaztu ahal izateko helburuz, ondorengo gaiak kontuan hartuko dituen Plan Berezi bat eduki behar da:
• Eraikinetan sartzeko kanpo eskaileretarako dauden hirigintza oztopoak kendu eta irisgarritasun konponbidea eman ezin zaien eraikinak ordeztea.
• Aurrekoen ordez eraiki beharreko eraikin berrien antolamendua, okupatzaile guztiak eraikin irisgarrietan sartzen direla bermatuaz.
• Auzo hau dagoen hiri ingurune orokorra eta urbanizazioa hobetzea.

Helburua
7. Iraunkortasuna eta hiri eraldaketa.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Hiri-plangintza, Herritarren parte-hartzea eta gobernu irekia, Hiri-birgaitzea eta -berroneratzea
Eremu geografikoak
7. barrutia (Errekalde)
Peñaskaleko Plan Bereziaren definizioan eta onarpenean izandako aurrerapen-maila.

%10

7.8. Hiri Antolamenduko Plan Orokorra behin betiko onartzea.
Azken eguneratzea: 2021/06/30

“Hiri Antolamenduko Plan Orokor” berriaren helburua 1995az gero indarrean dagoen aurreko planaren ordezkoa iziatea da, eta herritarren eskaerei eta hiriaren hirigintza beharrei datozen 10-15 urteetarako erantzuna ematen saiatzea. Plan berria egiten 2018an hasi ginen, herritarrek parte hartzeko prozesua barne.
Gaur egun Plana hasierako onarpen fasean dago, eta begiz jota dago 2021ean behin betiko onartuko dela. Behin betiko onarpenera heltzeko ekintza hauek egingo dira:
• Herritarren beste informazio aldi bat irekitzea.
• Udalbatzak oso bilkuran behin-behineko onartzea eta espedientea bidaltzea ingurumeneko eta lurralde antolamenduko txostenak lortzeko.
• Udalbatzak osoko bilkuran behin betiko onartzea.

Helburua
7. Iraunkortasuna eta hiri eraldaketa.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Hiri-plangintza, Herritarren parte-hartzea eta gobernu irekia
Eremu geografikoak
Guztiak
Hiri Antolamenduko Plan Orokorra onartzeko faseen aurrerapen-maila.

%60

7.9. Zorrotzaurreko 2. Egikaritze Unitateko Ituntze Batzarra eratzea.
Azken eguneratzea: 2021/06/30

2. Egikaritze Unitateko Ituntze Batzarra Zorrotzaurre uhartearen erdialdeko lur eta eraikinen jabeen talde formala da. Batzar honen eraketa jabeen akordio batean formalizatzen da, eta beharrezkoa da uharteko eraikin berriak eraikitzen eta urbanizatzen hasi ahal izateko inguru horretan, eta horretarako egin behar den lursailen birzatiketa aurrera eramateko eta lurzoruen kutsadura kentzeko prozesuari buru emateko.
Bilboko Udalak Batzarraren eraketa sustatu eta errazteko konpromisoa dauka, uhartearen erdigune osoaren hirigintza garapena uharte osorako zehaztu den “master-plan” onartuaren arabera egin ahal izateko.

Helburua
7. Iraunkortasuna eta hiri eraldaketa.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Hiri-plangintza, Obrak eta azpiegiturak
Eremu geografikoak
1. barrutia (Deustu)
Zorrotzaurreko hirigintza garapenerako beharrezkoak diren tresnak gauzatzean izandako aurrerapen-maila.

%10

7.10. Zorrotzaurre urbanizatzen aurrera egitea (ipar punta, hego punta eta eskumaldea).
Azken eguneratzea: 2021/06/30

Zorrotzaurreren eraldaketa prozesua zenbait fasetan egituratu da; fase horien arabera lehenik eta behin kanalaren eskumaldea urbanizatzen amaitzea pentsatu da, Botikazaharretik San Ignazioko zubi berriraino, alde honetan dagoeneko eraikitzen ari baitira eraikuntza berriak. Hurrengo faseetan San Ignazio‒Deusturekin lotuta dauden uharteko zonaldeei ekitea dago pentsatuta, zubi berriak eraikiaz.
Prozesu honek uhartearen ipar eta hego muturrak urbanizatzea dakar, hor kokatzen baitira Zorrotzaurre Berrikuntzako Hiri Barrutiaren 2 poloak.

Helburua
7. Iraunkortasuna eta hiri eraldaketa.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Hiri-plangintza, Obrak eta azpiegiturak
Eremu geografikoak
1. barrutia (Deustu)
Zorrotzaurreko urbanizazio obrak gauzatzeko aurrerapen-maila.

%30

7.11. Ostalaritzako Terrazen Plana aplikatzea.
Azken eguneratzea: 2021/06/30

Bilboko Udalak badaki zenbaterainoko garrantzia duen erabilera orekatuak dituen eta, iraunkortasunaren ikuspegitik, espazio publikoaren erabilera ona egiten den hiria, auzoak eta kaleak edukitzeak, eta, gainera, auzokoen erosotasuna mantentzea.
Ildo horretan, espazio publikoaren erabilera egokiaren gainean jardun beharra detektatu da terraza
kontzentrazio handiagoa dagoen eremuetan, eta horretarako ostalaritzako terrazen plan bat zehaztuko da eta praktikan jarriko da.
Espazio publikoaren oraingo erabilera egungo udal ordenantzan baimentzen denari egokitzen zaiola ikuskatzera orientatuta egongo da plana, hau da, oraingo baimenak betetzea bultzatzera eta establezimendu bakoitzak behar duena baino gehiago ez dezan okupatu. Halaber, baimenak hiriaren egoerara egokitzeko prozesu bat burutuko da aldagai objektiboak erabiliko dituen eredu matematiko baten bitartez, kasu bakoitzean gure espazio publikoaren erabilera orekatu eta iraunkor baterako okupatu behar den “marka” edo espazioa zehaztuko duena.

Helburua
7. Iraunkortasuna eta hiri eraldaketa.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Kultura eta aisia, Bizikidetza, Tokiko merkataritza, Ekonomiaren Garapena, Espazio publikoa
Ostalaritzako Terrazen Planaren definizioan eta ezarpenean izandako aurrerapen-maila.

%60

7.12. Tokiko 21eko Agenda garatzea.
Azken eguneratzea: 2021/06/30

Bilbok ingurumenarekiko begirunetsuagoa den posizio baterantz egokitzen du bere udal politika. Udalak aspaldidanik egiten du lan garapen iraunkorraren alde, Tokiko 21eko Agenda bereganatuaz garapen iraunkorraren ikuspegitik hiria hobetzen jarraitzeko tresna bat delako.
Udalak bere Ingurumen Estrategia betetzeko bultzatuko dituen helburu eta ekintzak zehazten ditu Tokiko 21eko Agendak. Hori guztia, bilbotarren bizi kalitatea hobetzea ekarriko duten gizarte moderno, zuzen eta solidarioago baterantz, inguruari begirunea dion ekonomia lokal dinamiko baterantz eta hiri ingurune iraunkor baterantz aurrera egiteko helburuz.

Helburua
7. Iraunkortasuna eta hiri eraldaketa.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Balioak, Trafikoa eta mugikortasuna, Osasuna, Ingurumena, Industria
Tokiko 21eko Agenda ezarpenean izandako aurrerapen-maila.

%55

7.13. Uraren zikloa optimizatzea.
Azken eguneratzea: 2021/06/30

Bilbok aurrera jarraitu nahi du hiri iraunkorrago bat garatzen, besteak beste, ura bezala urriak diren baliabide naturalen kudeaketa eta erabilera hobetzen saiatuaz. Berariaz, Udalak hiriaren “ur balantzea” optimizatu nahi du, uraren kontsumoa kontrolatu eta gutxitu ahal izateko, uraren zikloaren ingurumen eta ekonomia kudeaketan bikaintasunerantz aurrera eginaz.
Hobekuntza horiek lortzeko, sareko edateko ura kontsumitzen duten udalaren tresnetan (mahukak, erratz makinak, ureztatzaileak…) neurketa elementuak jartzea erabaki da, erregistratu gabeko kontsumo baimenduak kontrolatze aldera. Beste alde batetik, banaketa sarean presioa gutxitzeko elementuak ipintzea erabaki da, eta sarea eta deposituak sentsorizatzeko sistemak, alerta maila hobetzeko. Uholdeei aurre egiteko, “ekaitz tangak” instalatzea ere erabaki da.

Helburua
7. Iraunkortasuna eta hiri eraldaketa.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Oinarrizko zerbitzuak, Zientzia eta teknologia, Ingurumena, Obrak eta azpiegiturak, Osasuna
"Balantze hidrikoa" optimizatzeko hobekuntzen ezarpenean izandako aurrerapen-maila.

%50

7.14. Herritarren kontzientziazioa birziklapenarekin (Ekonomia zirkularra).
Azken eguneratzea: 2021/06/30

Baliabideak aprobetxatzea, berrerabiltzea eta birziklatzea nagusi izango dituen ekonomia zirkularreko eredu batera aldatzeko trantsizioa egitea hiri iraunkorren erronka handietako bat da.
Ildo horretan, Bilbok birziklatzeko ohitura sendotu eta kontsumo iraunkorra eta hondakinen kudeaketa ona sustatu gura ditu.
Datozen urteotan Udalak herritarrentzako zabalkunde eta kontzientziazio kanpainak egitea erabaki du, birziklatzearen eta lehengaiak modu arduratsuan kontsumitzearen garrantziaz eta onurez herritarrak konturarazteko. Teknologia berrien ahalmena aprobetxatuaz, mugikorrerako aplikazio bat garatzea pentsatuta dago, gai organikoa birziklatzea eta “Bilbogarbi” gune garbiak erabiltze sustatzeko. Aplikazio honi esker, hondakinen balioarekin jokatu ahal izango da, sariak lortzeko aukera emango duten “puntuak” eskuratuko baititu.

Helburua
7. Iraunkortasuna eta hiri eraldaketa.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Ingurumena, Kontsumoa, Oinarrizko zerbitzuak, Balioak, Zientzia eta teknologia
Herritarrak birziklatzearekin kontzientziatzeko neurriak abian jartzean izandako aurrerapen-maila.

%50

7.15. Hiriko berdeguneei bultzada ematea.
Azken eguneratzea: 2021/06/30

Bilboren ondare berdeari garrantzia ematea eta izadia herritarrengana hurreratzea Udalaren helburu bat da, iraunkortasuna herritarren egunerokotasunean integratzeko bidean, hiriko eremu natural eta berdeekin “Eraztun Berdea” deritzona atalez atal osatuaz.
Horretarako, Udalak zenbait ekintza egingo ditu, besteak beste, jarlekuak, iturriak eta gerizpeak ipiniaz parke eta plazetako atseden eta aisia lekuak hobetzea eta, txakurrentzat egokiak izan daitezen, eremu berriak egokitzea. Halaber, 500 zuhaitz berri landatuaz eta sastraka lekuak landareztatuaz berdeguneak hobetuko dira.
Artxandako eta Pagasarriko ingurune naturala berariaz sendotuko da inguruneko basoak eta larreak berreskuratuaz eta basoko bidezidorrak eta pistak hobetuaz. Neska-mutikoei zuzendutako ingurumen ikasgelak martxan jartzea ere erabaki da, berdeguneetan ikastea eta gozatzea bultzatzeko.

Helburua
7. Iraunkortasuna eta hiri eraldaketa.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Kultura eta aisia, Ingurumena, Osasuna, Espazio publikoa
Eremu geografikoak
Guztiak
"Eraztun Berdearen" iraunkortasunaren integrazioan izandako aurrerapen-maila.

%60

8.2. Parte-hartze prozesuak aztertu eta hobetzea auzoetako obrak lehenesteko (Auzokide Plana).
Azken eguneratzea: 2021/06/30

“Auzokide Plana” prozesua modernizatzea, prozesuaren garapenaren gardentasuna eta kontu ematea bere fase guztietan hobetzea lortzeko.
Aztertzearen emaitza Auzokide Planaren prozesu berri bat izango da, herritarrei parte-hartze prozesuak erraztuko dizkiena, euren auzoetan egin beharreko obretan lehenespenak ezartzeko eta ondoren egikaritze prozesuaren jarraipena egiteko.

Helburua
8. Auzoen garapena.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Herritarren parte-hartzea eta gobernu irekia, Hiri-birgaitzea eta -berroneratzea, Obrak eta azpiegiturak
Eremu geografikoak
Guztiak
Auzokide Planaren protokolo eta tresna berriaren garapenean izandako aurrerapen-maila.

%80

8.3. WIFI bidez doako Internet konexioa auzoetako aisiagune eta ekipamenduetara hedatzea, arrakala digitala txikitzeko.
Azken eguneratzea: 2021/06/30

Bilbok zerbitzu propioko eta herritarrentzako Wi-Fi sare bat garatu du azken urteotan, doan eta modu unibertsalean Interneten konektatzeko aukera ematen duena. Sareak hiriaren zati handi bat estaltzen du, 150 konexio puntu ditu kalean eta 520 udalaren eraikinetan, eta batez beste 2,5 milioi gailu konektatzen dira hilean.
Datozen urteotan zehar, konexioa eta sarearen hedapena indartu nahi da auzoetan bereziki bizimodua egiten den eta elkargunea egoten den ekipamendu eta espazio publiko berrietan. Horretarako, beharrak berrikusi eta aztertuko dira, arreta berezia eskainiaz periferiako auzoei, eta horren emaitza 400 konexio puntu baino gehiago ipintzea izango da.

Helburua
8. Auzoen garapena.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Obrak eta azpiegiturak, Zientzia eta teknologia, Oinarrizko zerbitzuak, Kultura eta aisia, Espazio publikoa
Eremu geografikoak
Guztiak
Doako Wi-Fi sarea auzoetan zabaltzean izandako aurrerapen-maila.

%75

8.4. Auzo Bihotzak garatzen jarraitzea.
Azken eguneratzea: 2021/06/30

Auzo Bihotzen proiektua hiri proiektu estrategiko moduan aurkeztu zen Bilboko auzo guztien garapen orekatua bideratzeko. Auzo horietarako hiriberritze ekintzak egiten ari dira, eta gizarte, kultura eta ekonomia bizitza bultzatzen duten espazioak garatzeko ekintzak ere bai, euren nortasuna sendotzeko eta auzo‒erdialde sare batean txertatzeko.
Ekintzak hasierako fasean 36 auzoetatik 18tan zentratu dira, eta profil adierazgarrienak hautatu dira. Datozen urteotan Uribarriko obrak amaitzeko asmoa dago, eta Deusturekin eta San Ignazio‒Elorrietarekin konektatzen ere amaitzeko asmoa. Era berean, eraikuntza proiektu berriak egingo dira Santutxu auzoan (Karmelo plaza), Deustun (San Pedro Doneperiaga plaza) eta Ibaizabal Abusun (Ibaizabal zelaia eta Ibaieder parkea). Proiektuak Barrutiko Kontseiluekin adostuta zehaztu eta diseinatuko dira.

Helburua
8. Auzoen garapena.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Obrak eta azpiegiturak, Hiri-birgaitzea eta -berroneratzea, Espazio publikoa, Hiri-plangintza, Ekonomiaren Garapena
Eremu geografikoak
2. barrutia (Uribarri), 4. barrutia (Begoña), 5. barrutia (Ibaiondo), 1. barrutia (Deustu)
Auzo Bihotzen proiektuko obrak gauzatzean izandako aurrerapen-maila.

%66

8.5. Goi auzoetan irisgarritasuna hobetzea.
Azken eguneratzea: 2021/06/30

Bilboko goi auzoak esaten zaienak hobetu eta biziberritzeak Udalarentzat lehentasuna izaten jarraitzen du, euren orografia bereziak eragiten dituen irisgarritasun eta ekipamendu gabeziak apurka-apurka minimizatzeko helburuz. Agintaldi honetarako esfortzuak irisgarritasun fisikoaren arazoak konpontzera bideratuko dira, bai auzoen barruan bai hiriaren erdialdearekiko loturan.
Horretarako, zenbait esku-hartze egingo dira, eta lehentasuna emango zaie bilguneetaranzko (ekipamenduak, zerbitzu zentroak…) ibilbideei eta garraiobideekin dituzten konexioei. Esku hartze horiek batez ere ekarriko dute arrapalak eta irisgarritasun elementu mekanikoak instalatzea, espaloi ertzak janaz beheratzea eta garraiobide egokituak auzoetan: Olabeaga, Uribarri‒Bakio, Plentzia, Gorliz, Irala‒Andres Isasi, San Agustin estarta, Mallona‒San Domingo Guzman, Altamira eta Otxarkoaga.

Helburua
8. Auzoen garapena.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Dibertsitate funtzionala / Irisgarritasuna, Obrak eta azpiegiturak, Hiri-birgaitzea eta -berroneratzea, Hiri-plangintza, Espazio publikoa
Eremu geografikoak
4. barrutia (Begoña), 2. barrutia (Uribarri), 3. barrutia (Otxarkoaga-Txurdinaga), 7. barrutia (Errekalde), 8. barrutia (Basurtu-Zorrotza)
Goi auzoetako irisgarritasuna hobetzeko obren aurrerapen-maila.

%60

8.6. Bilboko auzoak hiriberritzeko plana.
Azken eguneratzea: 2021/06/30

Bilbok hiriko auzo guztiak modu kohesionatu eta orekatuan garatzea du helburu, bai hirigintzaren aldetik bai ekonomiaren eta gizartearen aldetik ere, haien arteko oreka sustatuaz eta auzoak gero eta osasungarriagoak eta adiskidetsuagoak izan daitezen bultzatuaz, zerbitzu hurbilagoak dituztenak gazteentzat eta auzokoentzat oro har.
Testuinguru horretan, Udalak auzoak eraldatzeko plana bat prestatu eta ezarriko du, ikuspegi osoa harturik eta ekintza faktore-aniztunak epe laburrean eta epe ertainean eginaz. Planak auzoak biziberritzeko ekintza eta proiektu estrategikoak zehaztuko ditu 2050 urtea helmuga jarrita, premia handienak dituzten auzoei arreta berezia eskainiaz.

Helburua
8. Auzoen garapena.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Hiri-plangintza, Ekonomiaren Garapena, Espazio publikoa, Gazteria, Obrak eta azpiegiturak, Herritarren parte-hartzea eta gobernu irekia, Adinekoak, Hiri-birgaitzea eta -berroneratzea
Eremu geografikoak
Guztiak
Auzoak hiriberritzeko planaren funtsezko ekintzen definizioan eta ezarpenean izandako aurrerapen-maila.

%40

8.7. Gaueko aisiaren zarata mapa lantzea.
Azken eguneratzea: 2021/06/30

Zabal frogatuta dago, esposizio maila handian modu jarra tuan egonez gero, kutsadura akustikoak osasun fisiko eta psikologikoko arazoak sortzen dituela. Udalaren Hots Estrategiak zarata ateratzen duten gune nagusi bi identifikatzen ditu. Garraioak eta hiriko jarduerak eragiten duten zarata eta jendea pilatzen den aisia jardueretatik datorrena.
Gaur egun “Zarata Mapa Estrategikoa” daukagu, udalaren eskumeneko zarata guneak markatzen dituena, udalerriko hiri zirkulazioa eta industria, eta beste administrazio publiko batuei dagozkien zarata guneak, horien emisio akustikoek udalerrian eragiten dutelako. Horrez gain, “Gaueko Aisiaren Zarata Mapa” landuko da, gehiegizko kutsadura akustikoa (zarata) gertatzen den egoerak identifikatu eta konpondu ahal izateko, hiriko auzo guztietan.

Helburua
8. Auzoen garapena.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Ingurumena, Trafikoa eta mugikortasuna, Osasuna, Kultura eta aisia, Bizikidetza
Eremu geografikoak
Guztiak
Gaueko aisiaren zarata mapa diseinatzen eta ezartzen izandako aurrerapen-maila.

%100

5.6. Azkuna Zentroa Gizarte eta Kultura Garaikidearen Gune gisa finkatzea.
Azken eguneratzea: 2020/12/31

Azkuna Zentroa, hiriaren eraikinik adierazgarrienetako batean, kultura eta aisia eremu bat da, bertaratzen diren pertsona guztiei askotariko eskaintza ematen diena. Elkargune bat da, banaka, taldeka edo familian publiko guztientzako zenbait kultura, aisia eta kirol proposamenez elkarrekin gozatzeko, ikasteko eta ondo pasatzeko.
Azkuna Zentroak hemen eta nazioartean gizarte eta kultura garaikidearen erreferentziako zentro moduan duen posizioa finkatzeko helburuz, ikuspegi berri bat eman zaio eta ikuspegi hori datozen urteotan martxan jartzeko bide orria zehaztu da. Lan egiteko eta programatzeko ildo berriak gizarte eta kultura garaikidearen esparruetan zentratuko dira, erdigunea barrurantz eta kanporantz konektatzen, erabiltzaileen esperientziak hobetzen eta oraingo eta etorkizuneko publikoekin komunikatzeko modu berrietan.

Helburua
5. Kultura eta kirola.
Hasiera-data
2019/06/01 (aurreikusitakoa)
Amaiera-data
2023/04/30 (aurreikusitakoa)
Gai sektorialak
Enplegua eta talentua, Ekonomiaren Garapena, Kultura eta aisia
Azkuna Zentroaren lan-ildo berriak abian jartzean izandako aurrerapen-maila.

%60