Hiriak eta giza kokaguneak inklusiboak, seguruak, erresilienteak eta jasangarriak izatea lortzea.

Denbora luzean bakarrik bizi diren, familiaren laguntzarik ez duten eta oro har laguntasunik ez duten adineko pertsonen beharrizan berriei erantzuteko kopuru gehigarria emango da, osasun krisiak iraun bitartean egindako deien bidez hautematen direnean. Laguntza-zerbitzu hau eskainiko zaie haien autonomia sustatzeko, inguruarekin duten harremanari mesede eginez eta bakardadea ekidinez.

Bestelako ostatua behar duten adineko pertsona guztiei erantzuteko funtsa sortuko da. Etxebizitza komunitario batean edo Oinarrizko Gizarte Zerbitzuak balioetsitako gela-baliabideren batean sartzeko eskatuko da, adineko pertsonaren isolamendu-egoera prebenitzeko eta hala, pertsona hori mendekotasun-egoera batera heltzea ekiditeko.

Funts bat sortuko da beste instituzio batzuekiko lankidetza oinarri hartuta, etxerik ez duten pertsonei behin-behineko ostatua eskaintzeko, mantenua barne. Horrela, administrazio eskudunek koronabirusak ekarritako itxialdiaren harira diagnostikatu diren profil desberdinetara egokitutako gizarte-baliabide espezifikoak sortu ahalko dituzte. Gainera, funts horren bidez, hiriko ostatuei (aterpetxeei, hostalei eta pentsioei) lagunduko diegu, koronabirusaren ondorioz gutxienez urtebetean, 2020an, erreserba kopuruan egongo den jaitsierari aurre egiteko.

Obra txikiak egiteko 6.000 eurorainoko zuzeneko laguntzak; Udalak zenbateko osoaren % 20 jarriko du obra egin ahal izateko, Surbisaren eremuan. RENOVE Viviendas Bilbao Plana du izena.

2020rako Garapenerako Lankidetzarako onetsitako laguntzen ehunekoa mantentzea, aurrekontu-aurreikuspen berria kontuan hartuz.

Bonu horiek Bilboko kultur sektorean kontsumo zuzena sustatzeko dira.
20 euroko 25.000 bonu dira.
Adibidez: % 20ko deskontu-bonua Bilbon egindako edozein erosketarako, 100 eurora arte.

Neurri hau, funtsean, kaleko jarduera kulturaletara eta, oro har, merkataritza-jarduera bultzatzera zuzenduta dago.
Kultura eta Ekonomiaren Garapena Sailen artean koordinatuta, jarduera zuzenak antolatuko dira eta ekimenak sustatuko dira, horietan Kultura eta Sormen Industrien tokiko sektorea integratuz.

Proposamen honen helburua da establezimendu eta saltoki kulturalen jarduera zuzenean sustatzea.
Sustatu egingo da formatu txikiko zenbait promozio-jardueren antolakuntza (errezitaldiak, kontzertu akustikoak, aurkezpenak, hitzaldiak, ipuin-kontalariak, performanceak), hain zuzen ere, liburutegietan, arte-galerietan, kontzertu-aretoetan eta bestelako establezimendu kulturaletan, horiei ikusgarritasuna emateko eta kontsumo kulturala pizteko.

Programa hau Bilbao Arteren bidez garatuko da 2021eko urtarrilean makro erakusketa bat antolatzeko; horretan, Bilboko artista bisualek aukera izango dute Covid-19aren eraginaren inguruan duten ikuspegi artistikoa erakusteko.
Deialdi publiko baten bidez hautatuko lirateke erakusketarako artistak eta komisarioak eta bakoitzari obra-produkzioko beka bat emango litzaioke.

Tokiko ikus-entzunezko sektorea babestea hiribilduaren aktibo kultural eta turistikoak nabarmentzera zuzendutako ez-fikziozko produktuen kontratazioaren bidez; horiek, sektorea dinamizatu ez ezik, hiribilduaren promoziorako ikus-entzunezko funts bat ere eskainiko digute, ondare-erakinak, saltokiak, tradizioak eta kultura- zein jaialdi-jarduerak bezalako elementuekin.

Egoitza Bilbon duten autonomo zein mikroenpresa kulturalei zuzendutako proiektuen poltsa baten zuzkidura, 2021eko martxora arte egikaritu beharreko proiektu kulturalen garapena babesteko.
Poltsa hori Bilbao 700 Fundazioaren bitartez bideratzen da, eta helburu du egoitza soziala Bilbon duten eta kulturaren eta sormenaren sektoreko profesional autonomoen, enpresen edo beste erakunde mota batzuen (gehienez 9 langile dituztenak) proposamenak jasotzea. Proposamen horiek hiriaren kultura-jardueren programazioan sartuko lirateke 2020ko azken lauhilekoan. Poltsaren kargura, 20 proiektu aukeratuko dira gehienez. 5.000 € eta 14.900 € arteko zuzkidura izango dute proiektu bakoitzeko, ezarritako hiru proiektu-kategorien arabera.

Harrobia euskal sektore eszeniko profesionaleko kolektibo profesional guztien eskura dagoen aktibo bat da eta horiei guztiei laguntzen die bere proiektuen garapenean. Laguntza honekin, arte eszenikoen tokiko konpainiek aukera izango dute bere entseguak 2020ko abendura arte edo 2021eko lehenengo hiruhilekora arte kosturik gabe egiteko.

Kultura Sailak diru-laguntza izendunak eta deialdi orokorrak hasiera batean aurreikusitako terminoetan mantenduko ditu, gure elkarte kulturalak mantentzea errazteko.

Kultura Saila saiatuko da eten diren Bilboko eragile kulturalekin aurreikusitako jarduerak berreskuratzen, bestelako formula batzuk bilatuz (etorkizunean programatzeko konpromisoa, emankizuna online, produkzio berrien enkarguak) ezinezkoa denean horiek berriz programatzea.

2020ko azken hiruhilekorako, agenda kultural erabat bilbotarra eta euskalduna aktibatzea udal ekipamendu eta programa kulturaletan.
Arriaga Antzokiak berriz antolatuko ditu bere programazioa eta berezko produkzioen plana, tokiko konpainiak, produkzioak eta artistak ehenesteko. Era berean, Bilbao 700 Fundazioak eta AZek zero kilometroko programazioa lehenetsiko dute.
Aztertu egingo da produkzio berriak sortzeko kostuen eta emankizunen streaming bidezko igorpenaren kostuen zenbatekoaren ordainketa aurreratzea, baldin eta horien edukiera mugatu behar bada osasun-zuhurtziako arrazoiengatik.