Espazio publikoa

COVID-19aren ondoriozko murrizketak direla eta, jardueren hasiera atzeratzea eta 2021eko otsaila, martxoa eta apirila bitartean gauzatzea erabaki zen. 

Hasierako aurrekontua (propioa) = 300.000 €

2020/12/31n konprometitutako aurrekontua = 300.000 €

Deialdi horren oinarriak irailaren 11n onetsi zituen Bilbao Ekintzaren Administrazio Kontseiluak.  

Guztira 103 eskaera jaso dira, eta 26 proiektu onartu dira. Proiektu bakoitzak 5.000 € eta 20.000 € bitarteko dirulaguntza jaso du. Proiektuen profila askotarikoa da, eta sormen- eta kultura-sektoreetako diziplina guztiak hartzen ditu: arte eszenikoak, musika, elkarlaneko diseinua, ikusizko arteak, moda jasangarria... Garatuko diren formatuak ere askotarikoak dira: joko antzeztuak, performanceak, ibilbide gidatuak, erakusketak, irrati-showak, eta abar, betiere herritarrak dinamizatzeko helburua badute.  

26 proiektuei dirulaguntzak eman ondoren, elkarrizketak izan dira dirulaguntza jaso duten enpresa guztiekin, datak eta kokapen onenak elkarrekin adosteko, bai eta jarduerak hiriko barruti guztien artean modu orekatuan banatzeko ere. 

Hasierako aurrekontua (propioa) = E/D (kostu erantsirik gabe)

2020/12/31n konprometitutako aurrekontua = E/D (kostu erantsirik gabe)

Neurri horrek hainbat fase izan ditu 2020an pandemiaren egoerara egokitzeko, eta zenbait aldi bereiz daitezke: 

- Martxoaren 9ra arte, Espazio Publikoko Zuzendaritzak 1.185 terraza zituen baimenduta.

- Konfinamendu-aldiaren ondoren, Espazio Publikoko Zuzendaritzak terrazak instalatzeko baldintzak aldatu behar izan zituen, terrazak instalatzea ahalbidetzeko eta ostalaritza-sektorearen garapen ekonomikoari laguntzeko. Gauzak horrela, erabaki zen aukera ematea galtzadan (TAO gunea) (140 baimen), 4 metrotik beherako espaloietan (16 baimen), 4 metrotik gorako espaloietan (532 baimen) eta espaloietan terraza berriak (86 baimen) instalatzeko. Hainbat arrazoirengatik (leku faltagatik, oro har) 351 eskaera ukatu dira. Baimen horiei Zazpikaleetan (6) edukiera txikiko tabernetan mahai altuak eta bi aulki jartzeko baimenak gehitu beharko litzaizkieke. Guztira, 1.131 espediente izapidetu dira aldi horretan, eta guztira 780 baimen eman dira.

- Gaur egun, titular-aldaketen, terraza berrien eta ordutegi-aldaketa baimenduta duten 3. taldeko ostalaritza-lokalen kasuan baino ez dira izapidetzen terrazak jartzeko eskaerak.

Deialdi ireki bat diseinatu da Kultura Arloaren eta Ekonomiaren Garapena, Merkataritza eta Enplegua Arloaren artean, urtearen azken hiruhilekoan gauzatuko liratekeen jarduera mota horiek babesteko. 

Deialdia irailaren lehen hamabostaldian argitaratuko da, Bilbao Ekintzaren Administrazio Kontseiluak onetsi ostean.

Irizpideak malgutu dira, baina betiere jarduera mota horien eta bizilagun eta oinezkoen beharrizan eta segurtasunen arteko bizikidetzari eutsiz.