Hiriak eta giza kokaguneak inklusiboak, seguruak, erresilienteak eta jasangarriak izatea lortzea.

Bonu horiek Bilboko kultur sektorean kontsumo zuzena sustatzeko dira, eta 2.2.1. neurrian dagoeneko azaldutako irizpideekin eta irismenarekin.

Kultura Arloaren eta Ekonomia Garatzeko Arloaren artean koordinatuta, zuzeneko jarduerak antolatuko dira eta ekimenak babestuko dira, sormen- eta kultura-industrien tokiko sektorea arlo horietan integratuz. Sormen- eta kultura-proiektuetarako poltsa bakarra proposatu du, zeina edozein motatako kulturajardueratara eta pertsona juridikotara irekita egongo den, eraginkorragoa izan dadin. Bereziki kontuan hartuko da auzoetako kultura-bizitza indartzea, auzoen arteko oreka bermatuz.

Bi ildotan lan egitea dakar:
- Renove programa. 2020an hasitako ildo orokorrari jarraipena ematea, etxebizitzetan birgaitze- eta konponketa-obra txikiak egitera zuzendutakoa.
- Egokitu programa. Adinekoentzako edo mugikortasun urriko pertsonentzako beste ildo espezifiko bat garatzea, beren kabuz bizitzeko aukera emango dieten zaharberritze-obrak egin ditzaten beren etxebizitzetan.
Bi ildo horiek Bilboko barruti guztietan aplikatuko dira.

Beste erakunde batzuekin batera sortutako funtsa da, etxerik gabeko pertsonei aldi baterako ostatua bermatu ahal izateko sortutakoa (janaria barne). Horrela, eskumena duten administrazioek aukera izango dute krisi honen ondorioz sortutako eta diagnostikatutako profilen aniztasunera egokitzen diren baliabide sozial espezifikoak sortzeko. Funts horren bidez, hiriko ostatuei laguntzeaz gain (aterpetxeak, ostatuak eta pentsioak), turismomugimenduen beherakadak ekarritako erreserben murrizketari aurre egiten lagunduko dio.

Luzaroan nahi gabeko bakardade-egoeran, familiaren laguntzarik gabe eta konpainiarik gabe dauden adinekoen premiei erantzuteko beste kopuru bat hornituko da, eta laguntza-zerbitzu hori eskainiko zaie adinekoen autonomia sustatzeko, ingurunearekin dituzten harremanak errazteko eta bakardade-egoerak saihesteko.