1. Kontratazio publikoko prozesuetan klausula sozialak txertatu, kontratazio publikorako ingurumen-irizpideen euskal araudian xedatutakoaren arabera.

Koronabirusaren krisia. Aparteko presazko neurriak ezarri dira kontratazio publikoan enplegua mantentzeko

Kontratazio Publikorako Aholku Batzordeak kontratazio publikoko ingurumen-klausulei buruzko gomendio bat egin du.

Gobernu Kontseiluak onartu egin du gizonen eta emakumeen arteko ordainsari-berdintasunerako klausulak eta euskal kontratazio publikoko soldata-etenaren aurkako neurriak sartzeko jarraibidea. Jarraibide hau “Euskadiko soldata-aldea murrizteko estrategia eta ekintza-plana” izenekoaren barruan kokatzen da. Horren helburua da Euskadi 2030erako soldata-tarte txikiena duten Europako bost herrialdeen artean kokatzea. Horren ondorioz, kontratazio-organoek emakumeen eta gizonen berdintasunerako esleipen-irizpideak sartuko dituzte kontratazio-pleguetan. Irizpide horien ponderazioa, gutxienez, baremoaren %5ekoa izango da. Baloratu daitezkeen irizpide horietako batzuk honako hauek dira: a) ardura-, kudeaketa- edo kualifikazio-lanpostuetan emakumeen % 50 bermatzea kontratu-prestazio osoan; b) enpresak kontratua emateko egiten dituen kontratazio berri guztietan emakumeak kontratatzea (subrogazio-eginbeharrik balego) eta c) kontratua gauzatzean emakumeen eta gizonen berdintasun-politikak ezartzea:

Gobernuak onartu du gizarte-klausulak sartzea kontratazio publikoan, egoera ahulenean dauden pertsonak gizarteratzen laguntzeko; horretarako, gizarte-ekimeneko enplegu-zentro berezietarako eta gizarteratze-enpresetarako kontratuen erreserba-ehuneko bat ezarri du. Horrenbestez, EAEko sektore publikoko kontratazio-organo bakoitzak gutxienez Sektore Publikoko Kontratuen Lege berriaren VI. eranskinean jasotako kategoria ekonomikoen lizitaziorako oinarrizko zenbatekoen %5 izapidetu beharko du kontratu erreserbatu gisa.