Ekimena 6.4. Sektoreko elkarte eta antolakuntzekin elkarlanean, berrikuntza teknologikoko zein ez-teknologikoko proiektuak bultzatzea gizarte-ekonomiako enpresetan.

Euskadiko Kooperatiben Goren Kontseiluarekin eta Euskadiko Kooperatiben Konfederazioarekin (Konfekoop) sinatu beharreko asmo- eta lankidetza-akordioa. Lankidetza publiko eta pribatuko tresna horren bidez, aldeek helburu partekatu bat lortu nahi dute: hazkunde ekonomikoa pertsonaren garapen integralarekin integratzea, horrekin gizarte jasangarriagoa eta kohesionatuagoa eraikitzen lagunduz.

Ekintza Biribila proiektua gauzatu da. Koopera Ingurumen Zerbitzuak, Sdad. Koop. Proiektua hiru helburu nagusitan gauzatzen da:

1.- Laneratzearen eraldaketa: gizarte-bazterkeriako egoeran edo arriskuan dauden langabeei enplegu egonkorrerako eta kalitaterako aukerak eskaintzea da helburua, prestakuntzaren, banakako laguntzaren, enplegu inklusiboa sustatzearen eta Ekonomia Sozial eta Solidarioan ingurumen-inpaktu handiko enpresa-jarduerak garatzearen bidez.
2.- Ekonomia zirkularra: proiektuaren muina da. Helburu nagusia berrerabiltzeko prestakuntza-lerro berri bat abian jartzea da, lehiakorragoak izateko eta sailkatutako ehun-hondakinen bolumena handitzea lortzeko. Horrela, kooperatibak ehun-hondakinen aprobetxamendua handitzea lortuko du, berrerabiltzeko, orain arte lortu dugun enplegu inklusiboa mantenduz edo are gehiago handituz.
3.- Digitalizazioa: Kooperak adinekoen eta mendekotasuna duten pertsonen zaintzan teknologia digital berriak txertatuta, kooperatiba sendotu nahi da, eraginkorragoak, lehiakorragoak eta iraunkorragoak izan daitezen.

Gizarte Ekonomiako Sailarteko 2021- 2024 Plan Estrategikoaren berri izateko eta Legebiltzarrari bidaltzeko erabakia. Plan hori konpromiso baten parte da, eta legegintzaldi honetan Jaurlaritzak gizarte-ekonomiaren zeregina indartzeko dituen helburuei erantzuten die. Akordio hori osatzeko, 2021eko martxoaren 4an, gizarte-ekonomiaren esparru estrategiko bat prestatu zen, sailen arteko zeharkakotasunetik eta sektorearen partaidetzarekin