Ekimena 56.3. Zentroen sareak sustatzea, lidergo-esperientzia positiboak partekatzeko eta hezkuntza-proiektuan oinarritutako hezkuntza-zentroaren eta administrazioaren arteko erantzunkidetasun akordioak ezartzeko.

Eraldatzen programa. Hautatutako ikastetxeekin lankidetzan garatu beharreko kontratu-programa da, eskola-arrakasta eta bizitzarako gaitasunen garapen-maila hobetzea helburu duena, ikasleekin planteamendu inklusibo batetik esku hartuz. Kontuan hartutako etapa guztiak edo horietako batzuk ematen dituzten Haur eta Lehen Hezkuntzako eta Bigarren Hezkuntzako ikastetxe publikoak dira hartzaileak, honako hauek kontuan hartuta, besteak beste: hezkuntza-konplexutasunaren indizea, ikasleen tipologia, plantillak egonkortu eta/edo zehaztu beharra, hezkuntza-proiektuak hobetzea, ingurunerako erakargarriagoak izan daitezen.
2021-2022 ikasturtean 56 ikastetxek parte hartu dute.