Ekimena 67.5. Irakasleen hasierako prestakuntza eta etengabeko prestakuntza sustatzea, prestakuntza dualeko eta lankidetza-ikerketako programen bidez.

Lehendakariak Unibertsitatea+Enpresa II. Euskal Estrategia 2022-2026 aurkeztu du Euskadiko Unibertsitate Kontseiluan. Estrategia horretan unibertsitateko prestakuntza dualaren eta i-dualaren eskaintzaren bultzada jasotzen da: Unibertsitateko titulazio dualen eskaintza 80 titulaziora iritsi arte handituko da; horietan 1.000 enpresak eta 10.000 ikaslek hartuko dute parte, eta 10 titulazio i-dual unibertsitario jarriko dira abian, Europako unibertsitateen proiektuekin lankidetzan.

Era berean, eredu berriak sustatuko dira, prestakuntzaren eta ikerkuntzaren eta berrikuntzaren arteko loturak ezartzen dituztenak, eta gizartearekin lankidetza estua eskatzen dutenak, euskal talentuaren, ikerketaren eta berrikuntzaren nazioarteko garapena eta posizionamendua bultzatuz. Bestalde, IKUR programaren bidez elkarlaneko ikerketa bultzatuko da.