Ekimena 87.4. Euskadin, Estatuan eta Europan “Share Proposamena” sustatzea, erantzunkidetasun-printzipioa aplikatzeko mekanismo gisa.

Euskadik Ceutako Hiri Autonomora iritsi diren eta erreferentziarik ez duten adingabe atzerritarren harrera humanitarioan parte hartuko duela, Gizarte Eskubideen eta Agenda 2030en Ministerioaren proposamenari erantzunez.

Berdintasun, Justizia eta Gizarte politiketako sailburuak Europako Batzordeari igorri dizkio Eusko Jaurlaritzak migrazioari eta asiloari buruzko Europako Itunaren Erregelamenduaren zirriborro-proposamenari egindako ekarpenak, Batasunaren politiken ikuspegi bateratuaren barruan, abenduan amaitzen den kontsulta-epean. Dokumentuan eskatzen da Erregelamendu horrek jaso dezala eskualdeek eta haien estatu azpiko gobernuek, Europako estatu eta erakundeekin batera, "Zeregin aktiboa izatea Itunaren erregelamenduzko kudeaketan eta kudeaketa betearazlean, eta migrazio- eta asilo-politika zehazten eta gauzatzen parte hartzea".

Eusko Jaurlaritzak Kanariar Uharteetara iritsitako hirurogei migratzaile berehala hartzeko aukera eskaintzen dio Espainiako Gobernuari, Migrazioen Estatu Idazkaritzaren bitartez, bereziki adingabeak dituzten familienak.

Berdintasun, Justizia eta Gizarte Politiketako sailburua Migrazioen Estatu Idazkaritzarekin eta Espainiako Gobernuak EAEn duen ordezkariarekin bildu zen gazte migratzaileen migrazio-fluxuak eta jarduera-programak aztertzeko, eta honako ideia hauek helarazi zituen: migratzaileen egoera erregularizatzeko beharra "horrela, beren bizi-proiektuak landu eta aurre egin ahal izan dezaten”; errefuxiatuak hartzeko eta gizarteratzeko politiken transferentzia burutzea, baita nazioarteko babes-eskatzaileena ere; eta Euskadik Estatuko eta Europako erakundeei egin dien SHARE proposamena, migrazio-arloko beharrei erantzun hobea emate aldera.