Ekimena 137.3. Aktiboki lan egitea euskal parte-hartzea maximizatzeko Europako programa eta proiektuetan, bereziki, Next Generation EU programan eta honekin lotutako programetan: energiaren eta ingurumenaren arloko e...

Lehendakaria Europako Batzordeko arduradunekin bildu da: Demokrazia eta Demografiako Lehendakariordea, Itun Berdeko, Erakunde arteko Harremanetarako eta Prospektibarako Lehendakariordea eta Europako Batzordeko Kohesio eta Erreforma Komisarioarekin.

Lehendakaria Parisera joan zen, eta Frantziako Errepublikako Kanpo Arazoetako Ministerioko idazkari nagusiarekin bildu zen, Euskadik Frantzian zuen ordezkaritza irekitzeko. Carole Delgá Regions de Franceko (eta Okzitaniako Eskualde Kontseiluko) presidentearekin ere bildu zen. Halaber, Notre Europe Institutuan izandako eztabaida batean parte hartu zuen. Eztabaida horren xedea Europar Batasunaren etorkizuna izan zen, eta, zehazki, euskal ekarpena Europaren Etorkizunari buruzko Konferentzian.

Euskadi eta Portugal partaide Europako proiektua. Historia klinikoa eta errezetak partekatzea. Europar Batasunak Euskadi eta Portugal aukeratu ditu kontinente zaharrean programa pilotu bat martxan jartzeko. Programa horrek bermatuko du hainbat lurraldetako medikuek Europako pazienteen historia klinikoan sartzea eta erabiltzaileek beste edozein herrialdetako farmazietan sendagaiak lortzea. Horrela, uztailaren 15etik aurrera, Portugalgo edozein osasun-langilek eskura dezake Euskal Autonomia Erkidegoan bizi den eta arreta behar duen edozein pertsonaren historia klinikoa.

Lehendakariak harrera egin zien Kroaziako Lurralde Politikako, Plangintza Estrategikoko eta Europar Batasuneko Funtsetako estatu-idazkariari eta Kroaziako enbaxadoreari.

Lehendakariak Mercedes-Benzek Stuttgarten duen egoitza bisitatu du.

Lehen aldiz, PLEk mugaz gaindiko lankidetzarako mikroproiektuen deialdia egin du, Pirinioetako euroeskualdeen bidez. Horren bidez, 78 erakunde onuradun lagundu dira guztira, eta horietatik 34 Akitania Berria Akitania Berria Nafarroa LLETak kudeatutako mendebaldeko eremukoak izan dira.

Lehendakariak “Next Generation Euskadi” lan-jardunaldian parte hartu du, eta bertan, Europako Funtsei buruzko lau proposamen eraikitzaile partekatu ditu: 1) Bizkortasun handiagoa Europako Funtsen gauzatzean; 2) Parte-hartze handiagoa PERTEetan; 3) Eskualdeek protagonismo handiagoa izatea funtsen inplementazioan, Eskualdeetako PERTEren bidez; eta 4) Autonomia-erkidegoekn parte hartzea Espainiako Berreskuratze Planaren Adenda diseinatzen, Bruselara aurkezteko eta 70.000 milioi euroko maileguak eskuratzeko.

Lehendakariak harrera egin zion Europako Herriaren defendatzaileari.

Lehendakariak Suitzako enbaxadorea hartu du.

Lehendakariak, bideokonferentzia bidez, Espainiako Gobernuko presidenteak deitutako erkidegoetako presidenteen bileran parte hartu zuen, eta elkarlaneko gobernantza eta subsidiariotasun-printzipioa defendatu zituen eta autonomia-erkidegoek krisi honetatik irteteko parte-hartze aktiboa izan dezatela planteatu zuen. Bileran Europako Batzordeko presidentea egon zen, "Next Generation" Europako Funtsen irizpide eta ildo nagusiak partekatzeko.