Ekimena 141.3. Kanpo Harremanetarako Idazkaritza Nagusiarekin elkarlanean, lerrokatzea eta nazioarteko aliantzak sustatzea 2030 Agendaren bultzadan eta garapenean.

Euskadi 2030 Agenda Foroaren VI. Osoko Bilkura, Garapen Iraunkorreko Helburuen (GJH) Gobernantza Partekatuaren Euskal Organoa. Foroaren 2023 Memoria eta 2024 Kudeaketa Plana onartu dira. Memoriaren ondorioetan hobetzeko hiru eremu aipatzen dira: (1) energia berriztagarriak sortzeko eta kontsumitzeko lehentasuna, (2) erronka demografikoari emandako erantzunak eta (3) 2030 Agendari buruzko zabalkundea eta ezagutza soziala indartzen jarraitzeko beharra.

Tokiko 2030 Koalizioa osatzen duten Nazio Batuen agentzia, erakunde eta programetako zuzendarien eta arduradunen topaketa.

Dirulaguntza zuzen bat eman zaio UNRWAren (Ekialde Hurbilean dauden Palestinako errefuxiatuentzako Nazio Batuen Agentzia) Espainiako Batzordearen Elkarteari, "UNRWAren larrialdi-deia: Gazako Zerrendan gora egiteko 90 eguneko larrialdi-erantzuna" proeiktua babesteko. (250.000.-€)

Kanpo Arazoetako, Europar Batasuneko eta Lankidetzako Ministerioarekin, Gizarte Eskubideen eta Agenda 2030 Ministerioarekin, Bilboko Udalarekin eta BBK Banku Fundazioarekin lankidetza-hitzarmen bat, 2030 Tokiko Koalizioaren Idazkaritzaren egoitza Bilbon ezartzeko.

Nazio Batuen GJHen goi-bilera New Yorken: Euskadik GJHak toki- eta eskualde-mailan garatzearen alde egiten du Nazio Batuen aurrean.
Deia

Lehendakariak modu telematikoan parte hartzen du Nazio Batuen High Level Political Forum 2023an. Euskadiren lankidetza eskaini du, Garapen Iraunkorreko 17 helburuen balantze ahalik eta onena egiten laguntzeko.

Nazio Batuen High Level Political Forumean parte hartzea, GJHek munduan duten betetze-mailari buruzko hausnarketa kritikoa partekatuz. Izan ere, proiekzio unibertsaleko aukera historikoa dira, kontratu soziala berritzeko eduki argiak emateko, mundu aldakor eta krisian dagoen honetan.

Euskadik 45 eskualdetako gobernuen adierazpen bat gidatzen du Klimaren COP 27n, ekintzara deitzeko eta klima-finantziazioa handitzeko.

Nazio Batuen 2030 Tokiko Koalizioaren Idazkaritzaren irekiera eta Hirien Munduko Egunaren ospakizuna.

Euskadik hartuko du Nazio Batuen Local 2030 Koalizioaren Idazkaritzaren egoitza global eta iraunkorra 2030erako. Tokiko Koalizioaren Idazkaritza izateko Bilboko hautagaitza onartu dutela baieztatu dute.

Unesco Etxea-Centro Unesco Euskal Autonomia Erkidegoarekin sinatu beharreko lankidetza-protokolo orokorra. Protokolo hori 2030 Agendaren eremuan gizartea zabaltzera, herritarren inplikaziora eta nazioartekotzera bideratuta dago.

New Yorkeko High Level Political Forumean Nazio Batuen Local 2030 Koalizioaren Idazkaritzaren egoitza Euskadin kokatzeko proiektuaren aurkespena.

2030 Agendari buruzko Tokiko eta Eskualdeko Gobernuen Bosgarren Foroan, honako goiburu honen pean: «Garapen Jasangarriko Helburuak tokiko mailatik 2023ko GJHen Gailurrerantz lor daitezen sustatzea» parte hartzea. Foro hori Global Taskforcek antolatu du, NBE, DESA, PNUD, ONU-Habitata eta 2030 Lokalarekin batera.

Eusko Jaurlaritzak Euskadiren hautagaitza aurkeztu du Nazio Batuetan, Bilbon Tokiko 2030 Ekimenaren Idazkaritzaren egoitza nagusia hartzeko. Toki2030eko euskal egoitzari esker, Bilbo eta Euskadi erreferentzia-puntu orokor gisa kokatuko lirateke GJHen kokapenari dagokionez, bai eta maila anitzeko koherentzia eta lankidetza publiko-pribatua bultzatzeari dagokionez ere, 2030 Agenda benetan inplementatzeko.

Eusko Jaurlaritzak Klimaren Goi-bileraren ondorioei buruzko dokumentu bat onartu du. Bertan adierazten denez, Glasgowko Klimaren Goi-bileran (COP 26) hartutako erabakiak bat datoz eta bere gain hartzen ditu, urrats erabakigarri gisa; eta, akordio inperfektutzat jotzen duen arren, historikotzat jotzen du, lortu duen adostasun-mailagatik.

Lehendakariak Euskadiko 2030 Agendaren aurrerapena aurkeztu du "Nazio Batuen Garapen Iraunkorrari buruzko Goi Mailako Foro Politikoan". Foro politiko hori Regions4k antolatutako ekimena da. Regions4  garapen iraunkorraren, klima-aldaketaren eta biodibertsitatearen arloetan eskualdeetako 40 gobernuk osatutako munduko sare bat da.

2030 Agendaren arloko lankidetzarako berariazko akordioa sinatu dela jakitea, Iberoamerikako Idazkaritza Nagusiaren eta Eusko Jaurlaritzaren arteko lankidetzarako esparru-akordioaren esparruan.

UNDESAri (Nazio Batuen Ekonomia eta Gizarte Gaietako Sailari) bidali zaio Euskadi Basque Country 2030 agendari buruzko aurrerapenen laugarren txostena, 2020ari buruzkoa.