Kompromisoa 42. Euskadi - Basque Country bikaintasunezko norako turistikoa.

Euskadiko turismoa lehentasunezko merkatuetan sustatzea, berariazko protagonismoa emanez gure erreferentziazko merkatu nagusietan erakartzeko gaitasun handiagoa duten produktu turistikoei, besteak beste, hauei: mendi-ibiliak; bide berdeak, enogastronomia edo turismo industrialaren aldeko apustua, berezitasun eta dibertsifikazio turistikorako elementu gisa.

Murgilketa-errealitateko tresnak sustatzea, nazioarteko turistak Euskadiko paisaiak eta baliabideak esperimentatzeko.

Sektoreko enpresekin elkarlanean, jardunbide turistiko egokien sistema bat egitea, sustatzea eta zabaltzea, gure produktu eta zerbitzu turistikoen kalitatea eta bikaintasuna bermatze aldera.

Sektorearekin batera lan egitea, bidezko xedapenak sustatzeko, eta araudia eguneratzea, kontsumitzailearen babes osoa bermatzeko.

Eskaintza turistikoaren bikaintasuna sustatzea, hori norakoen dibertsifikazioarekin eta bere berezitasunarekin lotuz eta bestelako eskaintzekin uztartuz: gastronomikoa, enologikoa, kirolekoa eta kulturala. Aurrekoaz gain, familia-, erosketa-, ongizate- eta negozio-turismoarekin uztartuko da. Helburua da bidaiariak eta horien segurtasuna jartzea estrategiaren erdigunean.