Kompromisoa 116. Euskararen eta euskal kulturaren nazioarteko presentzia indartzea.

Etxepare Euskal Institutuaren bidez, euskara eta euskal kultura irakasteko programak indartzea unibertsitateetako katedren eta irakurletzen sarearen eta Euskara Munduan programaren bitartez, euskal artistek nazioarteko programazioetan eta jaialdietan parte hartuz eta atzerrian jarduera kulturalak produzituz.

Etxepare Euskal Institutuaren bidez, alde biko programa kulturalak garatzea Euskadirentzat estrategikoak diren herrialde eta eskualdeekin, kultura-trukea eta euskal sortzaileen atzerriko presentzia indartuz.

Euskadira, besteak beste, nazioarteko komisarioak, programatzaileak eta editoreak erakartzeko programak garatzea, euskal sormen-egitura hobeto ezagutzeko.

Diplomazia kulturala indartzea, Etxepare Euskal Institutuaren eta bestelako nazioarteko institutuen arteko koordinazioaren bidez eta horiek nazioarteko sareetan eta foroetan parte hartuz.

Euskadiko industria kulturalen parte-hartzea indartzea nazioarteko azoka eta merkatuetan, zehazki, Kultura Sustatzeko Zuzendaritzaren bidez eta lan hori Etxepare Euskal Institutuak produzitutako zabalkunde eta promozio kulturaleko ekintzekin indartuz.