Hiriak eta giza kokaguneak inklusiboak, seguruak, erresilienteak eta jasangarriak izatea lortzea.

Lille-Vitoria-Gasteiz tren-autobidearen garapena sustatzea, Jundizko plataforma multimodala amaituz.

Forondako Aireportuaren VIAP plataforma garatzea eta digitalizazioa sustatzea azpiegitura logistikoen kudeaketan.

Bilbo-Loiu Aireporturako trenbide-konexioan aurrera egitea.

Hiri-izaera edo dimentsioa duten politika publikoen osagarritasuna eta osotasuna aztertzea eta indartzea.

Planak eta programak garatzea hutsik dauden lokalak eta lonjak etxebizitza bihurtzeko, hori guztia udalekiko elkarlan estuan.

Aldundiekin eta udalekin elkarlanean, zerga-neurriak artikulatzea, hutsik dagoen parkea murrizteko eta hutsik dauden etxebizitzak alokairu eskaintzan txertatzea sustatzeko.

Genero-berdintasuna bultzatzea sektorean, zehazki, “Enpresa turistikoetako berdintasun-plan” bat garatuz.

“Euskal Y” amaitzea, Irun, Donostia, Ezkio, Bilbo eta Gasteizko geltokien eraikuntzarekin.

Eraikuntza-birgaitzeko estrategia integral baten barruan, birgaitzerako laguntza-programak hobetzea eta handitzea, etxebizitzak eta eraikinak birgaitzeko Renove Plan berri bat onetsiz, zehazki, irisgarritasuna (igogailuak eta arkitektura-hesiak kentzea) energia-eraginkortasuna eta kanpo-bizigarritasuna lehenetsiz.

Gobernantza Publiko eta Autogobernuko Sailarekin batera, dagokion akordioa lantzea trenbideekin eta aireportuekin lotutako gai eta zerbitzuen transferentzia egiteko, Gernikako Estatutua osorik betez eta garatuz, Gobernu Kontseiluak 2017ko irailean babestutako eta Eusko Jaurlaritzaren Autogobernuaren Ponentziara bidalitako Euskal Autonomia Erkidegoari egin beharreko Transferentzien Eguneraketari buruzko 2017ko Txostenak jasotako terminoen barruan eta Espainiako Gobernuak formalki 2020ko otsailaren 20an bidalitako Eusko Jaurlaritzak eskatutako transferentziei buruzko balizko negoziazioetarako kronograma-proposamen orientagarriarekin bat eginez.

Enpresen, ikerketa-zentro teknologikoen eta unibertsitateen arteko lankidetzako trakzioko ikerketa- ekimen transbertsalak bultzatzea zahartze aktiboaren, mugikortasun elektrikoaren eta ekonomia zirkularraren eremuetan.

Alokairura bideratzea etxebizitza publikoko promozioaren % 100a.

Etxebizitza publiko berriaren eta zuzkidura-bizitokien promozioa sustatzea.

Donostiako lurperatutako trenbide-saihesbidearen obra amaitzea.

Larrialdiei Aurre Egiteko eta Babes Zibilerako Euskal Sistemarekiko lankidetza-mekanismoetan sakontzea, larrialdietarako zentro adimendun bat abiaraziz eta hondamendietan laguntzeko unitateak sortuz, beharrezkoa izatekotan, lurralde artean eta autonomia erkidegotik kanpo jarduteko gaitasuna izango dutenak.

Etxebizitzarako sarbiderako aukera berritzaileak abian jartzea, cohousinga, erabilera-lagapeneko kooperatibak eta erosketa eta alokairuaren arteko bitarteko aukerak garatuz. Horrez gain, ekimen pribatuarekiko eta udalekiko lankidetza indartuko da, eraikinetan eta auzoetan bertan belaunaldi arteko bizikidetza-formulak sustatzeko.

Espezializazio adimenduneko estrategian sakontzea eta horrek lehentasunez egingo die aurre trantsizio teknologikoari eta digitalari, energia- eta ingurumen-trantsizioari eta osasun- zein gizarte-trantsizioari.

Hiri-nukleotan trenbide-bilbearen baterako existentziarako eta integraziorako ekintzetan aurrera egitea, udalekin horretarako hitzarmenak garatuz.

Emakumeen aurkako indarkeriaren arrisku-egoeren detekzio eta prebentzio goiztiarrerako programak indartzea.

Prebentzioa sustatzea Interneten erabileran, bereziki, haurrei eta nerabeei dagokienez.

Herritarrekin elkartzeko etengabeko sistema bat ezartzea, segurtasunaren eremuan, bere kezkak ezagutzeko eta bere eskariei prebentzioz erantzuteko.

Pertsona ahulak babestea utzarazpen-prozeduretan.

Berariazko programak ezartzea kolektiborik ahulenetan, segurtasun-arriskuak saihesteko, bereziki, drogen kontsumoari eta jokoarekiko edo bestelako portaera-mendekotasun batzuei dagokienez gazteen kolektiboan.

Bide-segurtasunarekin lotutako kontzientziazio-programak indartzea, trafikoaren kudeaketa Europar Batasunak ezarritako parametroetan hobetzeaz gain.

Trenbide-trazadura hobetzeko obrak egitea Aginagan, Eibar eta Donostialdea arteko zerbitzuak hobetze aldera.

Eraikinen Ikuskapen Teknikoak (EIT) egiteko emandako bultzada berritzea.

Etxebizitza, eraikuntza-birgaitze eta hiri-berroneratzeari buruzko 3/2015 Legearen VII. Kapitulua garatzen duen dekretu bat onestea, birgaitzearen kudeaketa bateratua errazteko, narriatutako eta lehentasunez esku hartzeko guneen adierazpena sinplifikatuz.

Lanbide-heziketa dualaren bidez, prestakuntzako lankidetza-planak abiaraztea, hutsik daudenetxebizitzak birgaitzeko eta gazteentzako enplegua sortzeko.

Segurtasun Publikoko 2025 Plan berria onestea, segurtasunean esku hartzen duten organo guztien esku-hartze eta koordinaziorako gida gisa.

Integratutako garraio publiko kolektiboa eta horren intermodalitatea sustatzea tarifa-integrazioarekin eta txartel bakarrarekin, Hiri-mugikortasun Jasangarriko Planen garapena sustatuz tokiko eskalan eta garraio publikoaren erabilera intentsiborako hobariak emanez.

Kudeaketa-entitate baten sorkuntza sustatzea eta horretan parte hartzea (Europako HIROSS4all Proiektuaren garapen gisa); horren misioa izango da Hiri-berroneratzeko eta Birgaitzeko politika ezartzen eta garatzen laguntzea, bere ekintza Euskadiko lurralde osora hedatuz. Hiri berroneratze integraleko jarduketak bultzatzea, ingurumen, gizarte, ekonomia, hiri eta gobernantzako alderdiak jorratuz, zehazki, auzo zaurgarrietan epe luzera esku hartzeko programa baten esparruan.

Hutsik dauden etxebizitzak birgaitzeko programak sustatzea, arreta berezia jarriz gazteentzako, 55 urtetik gorakoentzako eta iraupen luzeko langabeentzako enpleguaren sorkuntzan.

Euskadiko Epe Luzerako Hiri Berroneratzeko Estrategia lantzea, arreta berezia jarriz honekin lotutako alderdietan: energia-eraginkortasuna, osasuna bermatzeko baldintzak, erosotasuna edo txirotasun energetikoaren arriskuaren deuseztapena.

Zibersegurtasuneko gorabeheren aurrean sentiberak diren azpiegituren babeserako prebentzio- sistema bat sortzea.

Etxebizitza ordaintzeko laguntzen sistema indartzea eta gizarte-alokairuko parkea handitzea. Babestutako alokairua sustatzeko ekintzak garatzea, horien promozioa eta etxebizitza pribatuak helburu horretarako mugiaraztea bultzatuz.

Arkitektura-berrikuntza eta ikerketa-proiektuak sustatzea eraikuntza jasangarriaren, ekoberrikuntzaren eta energia-eraginkortasunaren eremuetan, hain zuzen ere, Espezializazio Adimenduneko RIS3 Euskadi Estrategiarekin bat etorriz, zehazki, Hiri-agenda – Bultzatu 2050en ezarpenaren eta hiri-berroneratze integraleko proiektuen esparruan.

Gizarte-sentsibilizazioko jarduketak garatzea eta mugikortasun jasangarriaren aldeko gizarte itun bat proposatzea.

Euskadiko Bultzatu 2050 Hiri Agenda Berria hedatzea eta ezartzea, maila anitzeko gobernantza-sistema bat garatuz Bultzatu 2050 Foroa abiaraztearen inguruan.

Etxebizitzarako eskubide subjektiboaren araudi-garapena burutzea, Diru-sarrerak Bermatzeko Errentaren egungo Etxebizitzarako Prestazio Osagarritik Etxebizitzaren Legean aurreikusitako etxebizitzarako prestazio ekonomikorako trantsizio eta kudeaketa antolatuak bermatuz. Hori guztia, horretarako egokiak diren akordioen eta zuzkiduren bidez.

Eibar eta Donostia arteko linearen trenbide-azpiegiturak hobetzen amaitzea.

Lezoko plataforma logistikoa eta horren trenbide-sarearekiko konexioa garatzea, Pasaiako Portuaren eraginkortasuna hobetzea ahalbidetuz.

Zerbitzu industrialeko bokazioa duten azpiegitura logistikoak indartzea, horiek berritzeko eta modernizatzeko plan batekin, trenbide-portuko konexioen hobekuntza barne hartzen duena.

2021-2025 Mugikortasun Jasangarriko Plan bat onestea, Euskadiko Garraio Jasangarriaren2030 Plan Zuzentzailean integratuta egongo dena. Horrek mugikortasun jasangarriko eredu berri baten eta berotegi-efektuko gasen emisioetan baxua den garraio baten aldeko apustua indartuko du, ibilgailu elektrikoa sustatuz ibilgailu elektrikoentzako kargaguneak eta zerga-pizgarriak abiaraziz.

Flotak berritzea sustatzea eta birkarga elektrikorako hobariak ematea, ibilgailu elektriko arinen (bizikleta barne) bidezko hiri-mugikortasuna bultzatzeaz gain.

Gizarte zibilarekiko eta herritarren elkarteekiko komunikaziorako bide egonkorrak indartzea, egiaztatutako informazioa helarazteko denbora errealean, horrela sare sozialetan “fake news” edo albiste faltsuak hedatzea saihestuz.

Genero-ikuspegia integratzea hiri-garapenaren eremuan.

Birkarga elektrikoko azpiegiturak sustatzea eta potentzia altuko birkarga-sarea hirukoiztea, Euskadin birkarga azkarrerako 100 gune lortu arte; horiek “birkarga azkarreko azpiegituren korridore iberiarrean” zein sare europarrean integratuta egongo dira.

Aurrera egitea Ertzaintzaren interkonexioan eta Estatu zein nazioarteko mailako beste poliziaestamentu batzuekiko datuen eta informazioaren trukean.

Loiolako Erriberetako aldageltokia eraikitzea.

Ikerketa-sistema zein espezialista-taldeen prestakuntza egokitzea, ingurumen-delituak, salerosketa- sareak eta Interneten bidezko finantza-delituak bezalako delitu-forma berriei prebentzioz erantzuteko.

I+G+b prozesuak bultzatzea hiri jasangarrien eremuan.

Jarduketa-eremuaren ordenamendu juridiko arautzailea eguneratzea, jasangarritasun-paradigma berrietara egokituz.

Euskadin, “European transport networks, TEN-t” salgaien korridore atlantikoaren garapena bultzatzea. Helburu horrekin, Bilboko hegoaldeko trenbide-saihesbidearen eraikuntza eta Bilboko Portuarekiko trenbide-konexioa dinamizatuko dira.

Edozein erradikalizazio biolento prebenitzeko programak indartzea, sinesmen edo iritzi desberdinak ez errespetatzeagatik eragindako bereizkeria-, xenofobia- edo arrazakeria-adierazpenak barne, baita fanatismo totalitarioa bereizten duen gorrotora erakartzeko eta horretan hezteko tresna berriak ere, propaganda jihadistarekiko ahulenak diren kolektiboetan sakonduz.

Gasteizen, Salburua eta Zabalganarako hedapenak garatzea.

Euskadiko Turismoaren Kode Etikoa ezartzea, sektoreko eragile guztien atxikipena eta sektore turistikoan Garapen Jasangarrirako Helburuen aplikazioa sustatuz.

Topoaren trenbide-azpiegituren hobekuntzak amaitzea Pasaian eta Irunen.

Zientzia, Teknologia eta Berrikuntzako Plan Estrategiko berri bat (PCTI Euskadi 2030) onestea administrazioen, enpresen, klusterren, unibertsitateen eta eragile zientifiko eta teknologikoen parte-hartzearekin; hala, plana Europarekin lerrokatuta egongo da eta Euskadiren erronka sozial eta ekonomikoei aurre egiten lagunduko du.

Garraio publikoaren elektrifikazioa sustatzea, flotak berritzea azkartuz, zehazki, foru aldundiekin eta udal erakundeekin elkarlanean.

Etxebizitza parke publikoaren kudeaketa aurreratua eta integrala sustatzea, energia-eraginkortasuneko eta digitalizazioko irizpideekin, txirotasun energetikoari aurre egiteko estrategia barne. Hori guztia etxebizitza parke publikorako berezko kudeatzaile energetiko bat sortuz.

2021-2023 Etxebizitza Plan Zuzendari berri bat onestea.

Ebaluazio- eta segimendu-sistema bat ezartzea, Euskadiko egoeraren aldizkako txostenak igorriko dituena eta aurreikusitako helburuen betetze mailaren irismena ebaluatuko duena.

Hiri-zaurgarritasunaren Inbentarioa eguneratzea.

Etxebizitza berriak ia-ia energia-kontsumorik gabe eraikitzeko 2010/31-Ec Europako Zuzentarauaren (“NZEB-Nearly Zero Energy building”) parametroen pean eraikitzearen aldeko apustu irmoa egitea.

Tresna teknologiko berriak ezartzea pertsonen babesa indartzeko; sistema informatikoak eta komunikazioak eguneratuz eta agenteei banakako kamerak emanez, bere jarduketen gardentasuna bermatzeko eta delituzko egitateen aurrean froga hobeak emateko.

Dibertsifikazio ekonomikoa eta teknologikoa planteatzea, Euskadik suspertzen ari diren gaitasunak dituen lau abagune-arlo hauek indartuz: elikadura osasungarria; ekoberrikuntza; hiri jasangarriak eta kultura eta sormen industriak.

Metropoli-trenbidearen 4. eta 5. lineen garapenarekin hastea Euskal Trenbide Sarea (ETS) Bilboko Metropoli-trenbidearen Hegoaldeko Gunearen eta 4. Linearen inguruko Informazio-azterlanaren zein 5. Linearen eta hori Durango-Bilbao-Txorierri trenbide-linean integratzearen inguruko informazio-azterlanaren gainean egiten ari den informazio-azterlanen ondorioak ezagutzen ditugunean, zehazki, gobernuaren barruan partekatutako konponbide bat aurkitzeko konpromisotik.

Via Irun Proiektua babestea, hirigintza garatzeko eta gune hori jaregiteko.

Mugikortasun Jasangarriari buruzko Lege bat onestea, Lurraldeko Mugikortasun Agintaritza desberdinen eginkizunak finkatzen eta garatze dituena, Euskadiko Garraioaren Agintaritzarekin koordinazioan. Horren helburua izango da garraio-sistema integratua lortzea, klima-aldaketaren aurkako borrokan eta horren gizarte- eta ingurumen-efektu kaltegarriei aurre egiten laguntzen duena.

I+G+bren orientazioa indartzea Nazio Batuen Garapen Jasangarrirako Helburuekin lerrokatutako gizarte-erronka handien ebazpenera: kalitatezko enplegua; osasuna; klima-aldaketa; digitalizazioa eta genero-berdintasunaren zeharkako erronka.

Hobetzea etxebizitzak esleitzeko prozedurak eta horietarako sarbide-eskakizunak, gizarte-profil desberdineko kolektiboen etxebizitzarako sarbidea errazte aldera, bereziki, hauena: gazteak, adinekoak, seme-alabak dituzten guraso bakarreko familiak eta genero-indarkeriaren biktimak, edonola ere, ghettoak sortzea saihestuz.

Araudi-esparrua garatzea bizigarritasun-dekretuari dagokionez; non honekin lotutako oinarrizko irizpideak ezarriko diren: telelanerako espazioak, osasun-ikuspegia (aireztapena), balkoiak eta familia-kontziliazioa (haurrak eta adinekoak). Horrekin batera, aldi baterako etxebizitzaren (Ada) araudi- eta kontzeptu-berrikuspena egin beharko da.

Edukiera handiko autobus elektriko adimenduneko proiektuak hedatzea biztanleria-dentsitate altuko hiri-guneetara eta metropoli-guneetara.

Bilbon, trenbidea Boluetara hedatzea, Abusu auzorako sarbideekin.

Ustelkeria-, ekonomia- eta zerga-delituak ikertzeaz eta jazartzeaz arduratzen diren Ertzaintzaren unitateen baliabideak indartzea.

Hutsik dauden etxebizitzen araudi-esparrua garatzea. Merkatuan hutsik dauden etxebizitzak gizarte-alokairurako hartzea sustatzea, Bizigune Programa eta arrazoizko prezioan alokatzeko ASAP Programa indartuz.

Sektorearen profesionalizazioa sustatzea eta lanbide turistikoak babestea.

Eraginkortasuna hobetzea babestutako etxebizitzen parkearen kudeaketan, Alokabideren erkidegoko esku-hartze programa zabalduz eta hirugarren gizarte-sektorearekiko lankidetza indartuz.

Nazioarteko arauen arabera ziurtatutako kudeaketa-sistemen ezarpena sustatzea, sektore seguruagoa eta jasangarriagoa bultzatzeko, enpresa erantzukizun sozialeko printzipioak txertatzeko eta sektoreko langileentzako lan-baldintza duinak bermatzeko.