Kontsumo eta ekoizpen modalitate jasangarriak bermatzea.

Berezko Arrantza Erakunde Ordaintzaile baten sorkuntza sustatzea, 2021-2027 programa operatibo berrian ahalik eta autonomiarik handiena lortzeko xedearekin.

Estatuko Gobernuarekin elkarlanean, euskal presentzia indartzea arrantzarekin lotutako nazioarteko akordioetan.

Dagozkion lankidetza-hitzarmenak sinatzea, arrantza-kuoten berezko kudeaketa ahalbidetzeko, Eusko Jaurlaritzaren eskumenen eremuaren barruan, bereziki lehenetsiz antxoa eta hegaluze espezieak.

Kolektiborik ahulenak identifikatzea eta informazio- eta prestakuntza-kanpainak egitea.

Kontsumo arduratsua eta jasangarria sustatzea. Horretarako, produktuen eta horien ingurumen- eraginaren inguruko informazioa sustatuko da, ingurumenaren kontserbazioa, gizarteberdintasuna eta langile guztien ongizatea bermatze aldera.

Enpresa-jardunbide egokien kodeen ezarpena sustatzea, akordioak lortuz elkarte profesionalekin eta enpresa-elkarteekin, kontsumitzaileen eta erabiltzaileen eskubideen babesa hobetze aldera. Zorroztasunez jardungo da merkatuan jardunbide desegokiak eta legeen urraketak jazartzeko eta deuseztatzeko.

Enpresen erantzukizuna eta gardentasuna sustatzea, kontsumitzaileen eskubideak errespetatzeko borondatezko mekanismoak garatuz.

Erreklamazioen izapidetze elektronikoa eta telematikoa bultzatzea, KontsumoNETen erabilera bakarra areagotuz eragile guztientzat.

Bitartekaritza sustatzea kontsumo-arbitrajearen aurretik gatazkak ebazteko bide gisa.

Nazioarteko sareetan parte hartzea potentzia bereziki, eremu europarrean, lankidetzan eta elkarlanean kontsumitzaileen babesa hobetzera zuzendutako jarduerak bultzatuz.

Sektore industrialari bereziki zuzendutako berariazko plan bat abiaraztea materialen eraginkortasuna % 30 handitzeko, zehazki, produkzio-eredu berriak hobetuz eta garatuz eta produktu industrialen ekodiseinua indartuz.

Produktu zehatz batzuetan, “ingurumen-aztarna” proiektu pilotu gisa ezartzea.

Europar Batasunak sustatutako “Iceberg Proiektuaren” barruan, eraikuntza- eta eraispen-hondakinen birziklagarritasuna handitzea.

Erosketa publiko berdea bultzatzea eta, lizitazio publikoetan, hondakin industrialen baloraziotik eratorritako azpiproduktuen erabilera sustatzea.

Tratamendurik gabeko lehen mailako hiri-hondakinen isurketarik ez egoterantz aurrera egitea, udalekin elkarlanean.

Zentro teknologikoekin elkarlanean, ikerketa-proiektuak garatzea, hondakin industrialen aprobetxamendua hobetze aldera.

Elikagaiak xahutzearen aurkako legegintzako ekimenak bultzatzea, elikadura-hondakinen sorkuntza % 30 murrizteko xedearekin.

Elikagaien soberakinak lehengoratzea erraztea, lehentasuna emanez gizakien erabilerari.

Nekazaritza-politika komunaren (PAC) Landa-garapenerako Plana Euskadirentzat onestea, jasangarria den eta pertsonen osasunarekiko zein ingurumenarekiko errespetua duen XXI. mendeko nekazaritza baterantz aurrera egiteko xedearekin. Horretarako, adostasuna bilatuko da erakunde-eragile desberdinen, hau da, Eusko Jaurlaritzaren eta foru aldundien eta erreferentziazko eragile sektorialen artean.

Nekazaritzako elikagaien eta egurraren sektorean, proiektu berritzaileen garapena bultzatzea, batez ere, ekonomia zirkularrarekin, urdinarekin eta gizarte-ekonomiarekin lotutako proiektuena.

Kalitatezko ziurtapenak garatzea abeltzaintza-produkzioetan.

Bere jarduera birziklapenaren sektorean garatzen duten enpresak indartzea.

Belaunaldi-erreleboa ziurtatzea eta neurriak sustatzea gure lehen sektorearen eta elikaduraindustriaren modernizazioa eta lehiakortasuna hobetzeko, berrikuntza, inbertsioa, lankidetza eta nazioartekotzearen bidez.

Euskadiko mahastizaintza eta ardogintzako guneen garapen integrala babestea, kalitate handiko ardoen produkzioa eta merkaturatzea sustatuz eta familia-bodegen eredua babestuz.

Kontsumitzaileen prestakuntza eta informazioa hobetzea, bere eskubideak eta betebeharrak ezagutu ditzaten eta kontsumo arduratsuagoa lortzeko duten paperaz eta garrantziaz jabe daitezen.

Hondakinen kudeaketa eta balorizazioa eta materialen berrerabilpena lantzea.

Belaunaldi-erreleboko neurriak erraztea arrantza-sektoreko enpresen titulartasunean, Euskadin errotzea eta etorkizunean hemen jarraitzea bermatzeko tresna gisa.

“ETE zirkularra” izeneko ETEak babesteko programa bat garatzea.

Elikaduraren arloko ekintzailetza sustatzea BIND 4.0 programa indartuz eta EIT Food (European Innovation Technology) Erakundearen euskal egoitzan sortutako start-upak ezarriz Euskadin.

Egurraren balio-katea sustatzea, hobekuntzak bultzatuz horren produktibitatean, eraldaketan eta kontserbazioan, zehazki, baliabide energetiko gisa (biomasa) dituen aukerak indartuz

Kontsumitzaileak defendatzen lan egiten duten organismo guztien jarduketak koordinatzea, horrela horien eskubideak babesteko ekintzak indartzeko. Kontsumitzaileen babes integrala bermatzea lehenetsiko da, sail zein erakunde arteko lankidetza hobetuz. Akordio berriak diseinatuko dira eragile giltzarriekin eta kontsumo-politikekin lotutako eragile guztien erantzunak homogeneizatuko dira.

Elikagaien eta zuraren balio-katean, transferentzia teknologikoa eta 4.0 konponbideen garapena sustatzea.

Basque Ecodesign Center Europako erreferentziazko zentro gisa sustatzea.

Ekonomia Zirkularreko Estrategia hedatzea.

Ekonomia zirkularra eta ekoberrikuntza txertatzea Zientzia, Teknologia eta Berrikuntzaren 2030erako plan berriaren funtsezko elementu gisa.

Produktu ekologikoen produkzioa, eraldaketa eta merkaturatzea bultzatzea, nekazaritza ekologikoaren produkzioa 7.500 hektareetara handituz.

Elikagaien eta zuraren balio-katean ezarriko diren estrategia eta politika guztietan klima-agindua txertatzeko prozesuan aurrera egitea.

Uretako eta arrantzako prestakuntza-zentroen talentua erakartzea eta mantentzea sustatzea, hain zuzen ere, aginte-postuetarantz.

Akuikultura eta, bereziki, itsaso-akuikultura jasangarria sustatzea, ikerketa eta proiektu berritzaile berriak sustatuz ekonomia urdinaren eta zirkularraren eremuan.

Kontsumitzen diren plastikozko ontzien % 75 birziklagarriak izatea lortzea eta birziklatu ezin diren erabili eta botatzeko plastikozko poltsak kentzea.

Euskadiko Itsas eta Arrantza Funts Europarraren (FEMP 2021-2027) Programa Operatiboa onestea, sektorearen lehiakortasuneko eta baliabideen jasangarritasuneko printzipioen pean.

Ekonomia zirkularreko berrikuntza-ildoak uztartzea BRTA (Basque-Research Tecnology Alliance) Aliantzan, industria berria eta enplegua garatzeko xedearekin.

Ekonomia zirkularraren prestakuntza-programa bat garatzea unibertsitatearekin eta lanbideheziketako zentroekin elkarlanean.

Kontsumo etikoa eta arduratsua eta arbitrajeko borondatezko sistemarako atxikipena txertatzea laguntza, diru-laguntza, sari eta enpresa-babeseko beste edozein modalitateren emakidairizpideetan.

Arriskutsuak ez diren hondakin industrialen gaikako bilketarako, karakterizaziorako, biltegiratzerako eta balorizaziorako kudeaketa publikoko zentro bat abian jartzea sustatzea, erreferentziazko puntako zentro europar bat izan dadin.

Ekintzailetza eta enpresa-jarduera berrien sorkuntza sustatzea bioekonomiaren eremuan, nekazaritza-basogintzaren sektorean eta elikaduraren industriaren jarduera eraldatzaileetan zentratuz.

“Bioekonomiako Euskal Estrategia” garatzea eta “Bioekonomiarako Euskal Aliantza” bat bultzatzea, Bioeskualdeen Europako Sarearen lider izateko xedearekin.

Ekonomia zirkularrerako estrategia europarrarekin bat eginez, ekotasa bat edo hondakin industrialen isurketa-kanon bat ezartzea ekonomia zirkularra eta balorizatu ezin diren hondakinak murriztea sustatzeko, industria-egituraren lehiakortasunik handieneko elementu gisa.

Kontsumitzaileen erreklamazioak eraginkortasun handiagoarekin kudeatzea eta Kontsumoko Sistema Arbitrala optimizatzea, administrazio prozedurak sinplifikatuz.

Kontsumobiden, joeren eta gatazka- zein iruzur-mota berrien analisia indartzea, analisirako eta prebentzio-neurriak hartzeko beharrezko tresnak gehituz.

Elikagaiak xahutzearen aurkako ekimenak garatzea, elikagaiak lehengoratzea eta berriz erabiltzea erraztuz.

Lege-araudi zehatza barne hartzen duen hondakinen estrategia bat sustatzea, non hiru lurralde historikoen helburu komunak ezartzen diren. Horrez gain, estrategiak lurralde osorako gobernantza komuneko oinarriak ezarriko ditu eta erkidego gisa hondakinik gabeko lurralde bat izatera eramango gaituzten estrategia zehatz guztiak finkatuko ditu.

2030 Bioekonomia Euskadi Estrategia hedatzea.

Ekonomia eta Ogasun Sailarekin elkarlanean, ingurumen-irizpideak eta zero kilometroko produkzioentzako babesa txertatzen dituzten kontratazio publikoko klausula berriak gehitzea sustatzea.