Ezarpen-baliabideak sendotzea eta Garapen Jasangarrirako Munduko Ituna biziberritzea.

Jarduketa-plana egikaritzea nazioartekotzeko euskal sistemarekin elkarlanean, sektore anitzeko eta eragineko jarduketen finantzaketa barne, Euskadi - Basque Country marka atzerrian promozionatzeko.

Erronka demografikoari buruzko planaren sail arteko, erakunde arteko eta gizarteko koordinazioa bultzatzea, politiken koherentzia-ikuspegia sustatuz, maila anitzeko lankidetzako ikuspegi integral eta sistemiko batekin.

Euskal Autonomia Erkidegoak Nazio Batuen Garapen Jasangarrirako Helburuak betetzeko egiten duen ekarpenaren segimendua , ebaluazioa eta proiekzioa egitea, urtero, Garapen Jasangarrirako Helburuen bilakaera-mailaren berri emanez Eusko Legebiltzarrari.

Euskadi - Basque Country 2030 Agendan oinarrituz, 2030 Agendaren Lehentasunen Euskal Programa egitea eta horren koordinazioa eta sail arteko, erakunde arteko eta gizarteko lankidetza bultzatzea, zehazki, politiken koherentzia-ikuspegi batekin.

Kanpo Harremanetarako Idazkaritza Nagusiarekin elkarlanean, lerrokatzea eta nazioarteko aliantzak sustatzea 2030 Agendaren bultzadan eta garapenean.

Eusko Jaurlaritzaren politiketan giza eskubideetan, genero-berdintasunean eta garapenerako politiken koherentzian oinarritutako zeharkako ikuspegia garatzea. Konpromisoa Garapenerako Lankidetzaren Euskal Lege berri bat eginez eta onetsiz gauzatuko da. Garapenerako LankidetzarenV. Plan Zuzentzailea onartuko da ikuspegi hauekin: Afrika indartuz; garapenerako politiken koherentzia erreal bateranzko bultzada irmoa; Eusko Jaurlaritzako sail desberdinak bere jarduketa-eremuekin lotutako lankidetza-ekimenetan sartzeko ekintza zehatzen sustapena eta erakundeen barneko zein erakunde arteko koordinazioa, bereziki sakonduz Euskal Fondoarekiko. aliantzan

Euskadiko erronka demografikoari buruzko sail arteko plana egitea, gure gazteriaren emantzipazio- gaitasuna sustatzean eta familia eta jaiotza-tasa erantzunkidea babestean oinarritutakoa. Horrekin, lortu nahi dena da baldintza egokiak sortzea, pertsonak nahi dituztenak baino semealaba gutxiago izatera behartuta ez egoteko eta amatasuna/aitatasuna bere bizitza-proiektuko beste alderdi batzuekin bateratu ahal izateko.

Berdintasun, Justizia eta Gizarte Politiketako Sailarekin adostuta eta sail arteko ikuspegi batekin, jarduketa-proposamenak sustatzea eta koordinatzea, Migraziorako Euskal Itun Sozialaren aurreikuspenak garatzeko hori sinatu duten erakundeekin elkarlanean.

Euskadiren parte-hartze aktiboa indartzea mugaz gaindiko eta eskualde arteko lankidetza-sareetan, bereziki, Arku Atlantikoko Konferentzian eta Pirinioetako Lan-erkidegoan, hain zuzen ere, POCTEFA programa operatibo berrian oinarrituta.

Garapenerako Lankidetzarako Euskal Agentziaren paper aktiboa indartzea, Europa mailako lankidetza deszentralizatuaren berezko ereduaren sustatzailea gisa.

Harremanak areagotzea lehentasunezko herrialdeetako erakundeekin, ordezkaritza diplomatikoekin eta erreferentziazko Think Tankekin eta harremanak indartzea nazioarteko organismoekin eta sare nabarmenekin. Euskal eragileek nazioartekotze-proiektuak hedatzea erraztea.

Estatu azpiko beste gobernu batzuekin lankidetza ezartzea Europar Batasunean benetako maila anitzeko gobernantza sustatzeko.

Aktiboki lan egitea euskal parte-hartzea maximizatzeko Europako programa eta proiektuetan, bereziki, Next Generation EU programan eta honekin lotutako programetan: energiaren eta ingurumenaren arloko eraldaketak, eraldaketa teknologiko-digitala eta eraldaketa soziosanitarioa; ikerketaren eremua; ekosistema industrialak; kultura eta prestakuntza, bai unibertsitatekoa, bai lanbide-heziketa.

Beharrezko hobekuntzak defendatzea Euskadik euskal autogobernuari eragiten dizkioten Europar Batasuneko Kontseiluetan Estatuko Delegazioaren parte gisa parte hartzeari eta ordezkatuta egoteari dagokienez, batez ere, bere eskumen esklusiboko gaiak jorratzen direnean.

Mugaz gaindiko lankidetza irekiagoa eta parte-hartzaileagoa sustatzea.

Euskal Etxeen ekimenak eta proiektuak babesteko programak handitzea, gazteriari zuzendutako berariazko lan-plan batekin, belaunaldi-erreleboa bermatzeko helburuarekin.

Bazkide estrategikoen sarea indartzea, sektore anitzeko eta alde biko lankidetzako baterako proiektuak garatuz.

Lankidetzarako euskal eragile tradizionalen (GGKE) gaitasunak indartzea eta garapenerako eragile berrien arteko aliantzak bultzatzea, horien papera funtsezkoa delako Euskadiko garapenerako lankidetza hedatzeko eta finkatzeko. Helburua da lankidetza teknikoko eta itunpeko lankidetzako esperientzia berriak garatzea, nazioarteko lankidetzarako babesa eusten duen gizarte- oinarria zabaltzen dutenak. Zentzu horretan, dagoeneko abian dauden ekimen ezagunak (auzolankide) hartuko dira erreferentziatzat.

Esfortzuak areagotzea Euskadira nazioarteko lehenengo mailako kirol-ekitaldiak erakartzeko, hori guztia foru aldundiekin eta udalekin koordinazioan.

“Euskadi - Basque Country 2025 nazioartekotzeko esparru-estrategia” definitzea, sektore anitzeko ikuspegi parte-hartzaile batekin. Hori abian jartzea sustatzea, koordinazioa eta lankidetza areagotuz, bai Eusko Jaurlaritzaren barruan, bai nazioartekotzeko euskal ekosistemako gainerako erakunde eta eragileekin ere.

Gizarte-trantsizioko eta 2030 Agendako Idazkaritza Nagusiarekin elkarlanean, nazioartean proiektatzea Euskadik Nazio Batuen 2030 Agendaren garapen jasangarrirako helburuetan egiten duen ekarpena.

Nazioartekotzerako euskal esparru-estrategiarekin lerrokatutako Euskadi - Basque Country markaren kanpoko sustapenerako plan bat onestea.

Trantsizio soziosanitarioko “Bizi Berri Plana” eguneratzea eta koordinatzea, bere edukiak eta prebentzioko, murrizketako edo normaltasun-estandarrak lehengoratzeko xedapenak Covid 19aren pandemiaren eta horren ondorioen bilakaerara egokituz.

“Basque Global network” sare birtuala finkatzea eta hedatzea, munduan benetako euskal erkidego globala eratzeko.

Atzerriko euskal erkidegoan ahultasun-egoeran dauden pertsonei arreta ematea.

“Basque Team” bultzatzea maila altuko euskal kirolaren erreferente gisa, kirolarien presentzia areagotzeko nazioarteko lehiaketetan eta Joko Olinpiko eta Paralinpikoetan.

Euskal selekzioei ematen zaien babesa indartzea, bi alderdiok Eusko Legebiltzarrean 2017ko urtarrilaren 22an sinatutako bat eginez. Horrez gain, nazioartean lehiatzen diren maila altuko kirolari eta taldeentzako babesa indartuko da, Euskadi - Basque Country marka kanpoan proiektatzeko elementuak baitira.

Prestakuntza eta enplegua indartzea mugaz gaindiko eremuan.

Euskadiren atzerriko delegazioen erakunde-sarea indartzea.

Nafarroarekiko eta Communauté d´Agglomération du Pays Basque edo Iparralderekiko lankidetza indartzea kulturaren eremuan, kirolean eta, bereziki, euskararen eremuan, mugaren bi aldeetako “euskararen lurralde” guztien hizkuntza komun gisa.

Itzultzea erabakitzen duten pertsonei aholkularitza ematea, eskuragarri dituzten programen eta ekimenen berri emanez.

Mugaz gaindiko eta Euroeskualdeko lehiakortasuna eta berrikuntza babestea, espezializazio adimenduneko eremu komunetako ikerketa-proiektuetan eta proiektu industrialetan parte hartuz eta Euroeskualdearen lurralde-ekintzako politika integratua garatzea.

Gure kirol autoktonoak sustatzea (pilota, herri kirolak eta arrauna), euskal gizartearen ohituren eta identitatearen adierazgarri gisa.

Euskal emigrazio berriaren mapa bat ezartzea, euskal diaspora berri honetara egokitutako arreta- eta lotura-politikak diseinatzeko.