Guztiontzat eta adin guztietan bizimodu osasungarria bermatzea eta ongizatea sustatzea.

Gai Epidemiologikoetarako Batzorde Iraunkor bat sortzea, Espainiako Gobernuarekin eta Europar Batasunean horretarako eratzen den koordinazio organismoarekin koordinatuta.

Osasunaren Behatoki bat abian jartzea, herritarren osasunari buruzko informazio guztia jardunbide klinikora gehitzea ahalbidetzen duena, genero-ikuspegia kontuan hartuz. Behatoki honek dagoeneko existitzen diren antolakuntza-egiturak eta giza baliabideen egiturak baliatuko ditu eta berariazko sail bat izango du, Euskadin suizidioari buruz dauden errealitateen eta datuen segimendua, analisia eta azterlana egiteko, suizidioa delako hilkortasun-kausarik garrantzitsuenetariko bat. Horrekin batera, estrategia suizidioa prebenitzera zuzenduko da.

Osasun-instalazioak eta ekipoak hobetzeko eta modernizatzeko berariazko plan bat onestea legegintzaldi osorako, zehazki, jarduera hauek aurreikusten dituena: osasun-azpiegituren berritzea; X izpien ekipamenduen eta anestesia-ekipoen berritze mailakatua; bloke kirurgikoak, endoskopia-gelak, hemodinamikoa, erradioterapia eta ospitaleetako gainerako ekipamendu medikoak eta instalazioak modernizatzea eta handitzea eta bereizmen handiko zentro bat eraikitzea Tolosan.

Enpresen, ikerketa-zentro teknologikoen eta unibertsitateen arteko lankidetzako trakzioko ikerketa- ekimen transbertsalak bultzatzea zahartze aktiboaren, mugikortasun elektrikoaren eta ekonomia zirkularraren eremuetan.

Osasun publikoko gailuen eta osasun-arretako zerbitzuen arteko integrazioa hobetzea.

Osakidetzako langileak berritzea eta horien kopurua zein egonkortasuna handitzea, 2020-2024 aldian 4.000 plaza deituz enplegu-eskaintza publikoetan; horiei hautaketa eta/edo promozioko prozesuen eredu berriak aplikatuko zaizkie, Eusko Legebiltzarrak onetsitako eta proposatutako neurriak gehituz, gardentasuna, justizia eta zuzentasuna bermatze aldera.

Osasun mentaleko estrategia berri bat diseinatzea eta garatzea.

Fakultatiboen kopurua eta barneko erizaintza egoiliarreko plazak handitzea eta medikuen zein erizainen lana desburokratizatzea.

Espezializazio adimenduneko estrategian sakontzea eta horrek lehentasunez egingo die aurre trantsizio teknologikoari eta digitalari, energia- eta ingurumen-trantsizioari eta osasun- zein gizarte-trantsizioari.

Azpiegitura berriak irekitzea eta behar duten lehen mailako zentroak birmoldatu eta eraberritzea, antzemandako beharren eta horretarako ezarritako plangintzaren arabera.

Itxarote-zerrendak hobetzeko plana garatzea.

Pazientearekiko hurbiltasuna hobetzea, telelaguntzako eta e-osasuneko programekin eta telemedikuntzako eta adimen artifizialeko aplikazio berriak garatuz, osasun gero eta pertsonalizatuago batean aurrera egiteko.

Osasun publikoko lege bat onestea, alertako eta erantzun azkarreko sistemak indartzeko, erkidegoaren osasunerako arriskuak prebenitzeko, babesteko eta detektatzeko. Lege berriak osasunarentzako mehatxu berrien araberako Osasun Publikoko zerbitzuak zehaztuko ditu, erkidego- osasunaren ideia garatuz eta teknologiaren eta ikerketaren aldeko apustua eginez, prebentziozko elementuak eta elementu zuzentzaileak diren aldetik.

Esfortzuak areagotzea Euskadira nazioarteko lehenengo mailako kirol-ekitaldiak erakartzeko, hori guztia foru aldundiekin eta udalekin koordinazioan.

Osasun-ikerketako sistemarekin elkarlanean, kluster biosanitarioa sustatzea.

Kirol-jarduera Mugiment proiektuaren bidez sustatzeko helburua duten programak indartzea, batez ere, txikien eta adinekoen artean.

COVID-19aren kutsapenak detektatzeko eta horien segimendua egiteko teknologia berriak ezartzea, Osasunaren Mundu Erakundearen gomendioei jarraiki eta segimendu-testak egitea bultzatuz lehen mailako arretako zerbitzuetatik.

Pazientearen autonomia sustatzea, osasun-profesionalek dagokien informazio, segimendu eta kontroleko protokoloa burutu ostean.

Fakultatiboen eta erizainen artean, berariazko prestakuntza-programak bultzatzea, bereziki, gaixotasun infekziosoen detekzio, segimendu eta tratamenduaren ingurukoak.

Osasunaren eremuko I+g erakundeen sareko funtzionamendu koordinatua indartzea, bere egiturasinplifikatuz eta estatu mailako zein nazioarteko mailako aliantza estrategikoak indartuz.

Mendekotasun berriak prebenitzea eta horien tratamendua sustatzea.

2021-2028 Osasun Plan berria onestea.

Plan bat garatzea COVID-19ari erantzutea lehenesteagatik eta konfinamenduagatik proben eta baheketen garapenean atzerapenak jasan dituzten gaixoak berreskuratzeko.

Osasun publikoko gailuen eta lehen mailako arretako zerbitzu guztien arteko integrazio eta koordinazio handiagoak bultzatzea.

Berariazko laguntza-programa bat abiaraztea, produkzio zientifikoa eta emakumeek osasunikerketan parte hartzea bultzatze aldera.

“Basque Team” bultzatzea maila altuko euskal kirolaren erreferente gisa, kirolarien presentzia areagotzeko nazioarteko lehiaketetan eta Joko Olinpiko eta Paralinpikoetan.

Maila guztietako kirolean eta kirolaren eremuko erabaki- eta ordezkaritza-organoetan emakumeak babesteko eta ikusarazteko programak indartzea, baita emakumezkoen kirol-politiketan Europa mailan erreferentziazkoa den zentro aurreratu bat abiaraztea ere.

Osasun-ikertzaileen estatutu berri bat sustatzea, horien eta sistema zientifiko-teknologikoaren eta enpresa-sistemaren arteko harremana eta lankidetza errazteko.

Bizitzaren amaierako arretari buruzko 11/2016 Legea garatzea eta horren betetze-maila ebaluatzea.

Zientzia, Teknologia eta Berrikuntzako Plan Estrategiko berri bat (PCTI Euskadi 2030) onestea administrazioen, enpresen, klusterren, unibertsitateen eta eragile zientifiko eta teknologikoen parte-hartzearekin; hala, plana Europarekin lerrokatuta egongo da eta Euskadiren erronka sozial eta ekonomikoei aurre egiten lagunduko du.

Foru aldundiekin elkarlanean, euskal federazio-sistema berrantolatzea, horren kudeaketaren eraginkortasuna areagotzeko eta kirolean duen eragina handitzeko.

Osasun Sailak eta Berdintasun, Justizia eta Gizarte Politiketako Sailak eskatuta eta foru aldundiekin eta udalekin elkarlanean, gobernantza soziosanitarioa arautzeko tresnak garatzea.

Dibertsifikazio ekonomikoa eta teknologikoa planteatzea, Euskadik suspertzen ari diren gaitasunak dituen lau abagune-arlo hauek indartuz: elikadura osasungarria; ekoberrikuntza; hiri jasangarriak eta kultura eta sormen industriak.

Euskal selekzioei ematen zaien babesa indartzea, bi alderdiok Eusko Legebiltzarrean 2017ko urtarrilaren 22an sinatutako bat eginez. Horrez gain, nazioartean lehiatzen diren maila altuko kirolari eta taldeentzako babesa indartuko da, Euskadi - Basque Country marka kanpoan proiektatzeko elementuak baitira.

Osasun-ikerketako plan estrategiko berri bat onestea Zientzia, Teknologia eta Berrikuntzako Plan Estrategikoaren eta Euskadiko RIS3 Espezializazio Adimendunaren Estrategiaren esparruan.

Osakidetzaren egungo lanpostuen zerrenda berrikustea, profesionalen kategoria berriak txertatzeko eta beharrezkoa baino zuzkidura txikiagoa duten kategorien zuzkidurak areagotzeko,betiere gure inguruko konparazio-parametroekin bat eginez.

I+G+bren orientazioa indartzea Nazio Batuen Garapen Jasangarrirako Helburuekin lerrokatutako gizarte-erronka handien ebazpenera: kalitatezko enplegua; osasuna; klima-aldaketa; digitalizazioa eta genero-berdintasunaren zeharkako erronka.

Kirol-txartel bakarraren eredua hedatzea Euskadi osora, herritarrek jarduera fisikoa egitea sustatzeko tresna gisa, zehazki, kirol-instalazio publikoen erabileraren bidez.

Mugikortasun-sistema ireki bat eta osasun-langileen kontziliazio erantzunkideko programak sustatzea, zehazki, ordutegi-malgutasuneko eta telelaneko neurriekin.

Dopinaren aurkako egungo legea Dopinaren kontrako Mundu Agentziaren kode berrietara egokitzea eta Dopinaren kontrako Euskal Agentziaren erreferentziazko izaera indartzea.

Osasun-ekipamenduekin eta zerbitzuekin lotutako euskal enpresa-egituraren garapena bultzatzea, osasun-sistemaren premiei erantzun hobea emateko eta osasun-material estrategikoaren produkzioa bermatzeko, baita osasun-materialaren erreserba estrategikoko stocka zehazteko ere.

Jarduera fisikoaren eta kirolaren lege berri bat onestea, sektorearen erronkei eta premiei erantzungo diena.

Euskararen presentzia eta erabilera indartzea kirol-espazioetan eta jarduera fisikoko espazioetan, aisialdia eta errealizazio pertsonala euskararekin lotzeko ingurune egokia delako. Era berean, euskal kirolarien hizkuntza-eskubideak defendatzeko lan egingo dugu.

Gure kirol autoktonoak sustatzea (pilota, herri kirolak eta arrauna), euskal gizartearen ohituren eta identitatearen adierazgarri gisa.

Neurriak garatzea kirol inklusiboa eta egokitua babesteko, pertsona desgaituei edo dibertsitate funtzionala duten pertsonei jarduera fisikorako-kirolerako sarbidea bermatuz eremu guztietan.

Euskal Autonomia Erkidegoan Kirol arloko Lanbideetan Sartzeari eta Jarduteari buruzko Legea onestea.