Euskadi

Eragile ekonomikoen eta gizarte-eragileen parte-hartzearekin, Gizarte Elkarrizketarako Mahaian, trantsizio teknologikoaren eta digitalaren ondoriozko prestakuntza-premiak eta berriz trebatzeko premiak jorratzea, 4.0 industriarako bidezko trantsizioa lortze aldera.

“Eskualde-intereseko/Interes estrategikoko Proiektuaren” ideia sortzea, kanpoko inbertsio produktiboak erakartzea erraztuko duena.

Babes-programa bat abiaraztea, Zientzia, Teknologia eta Berrikuntzaren Euskal Sareko eragileek proiektu europar gehiago zuzentzea lortzeko.

Administrazio publikotik, enpresa-konponbide eta produktu berrien eskaria indartzea, erosketapubliko berritzailea indartuz.

Lanbide-heziketako zentroekin elkarlanean, ETEentzako babesa finkatzea berrikuntza teknologikoaren eta balidazio esperimentalaren eremuan.

Ekintzak garatzea publikoki aintzatesteko ekintzaileen papera eta gizarteari egiten dioten ekarpena.

Berezko Arrantza Erakunde Ordaintzaile baten sorkuntza sustatzea, 2021-2027 programa operatibo berrian ahalik eta autonomiarik handiena lortzeko xedearekin.

Estatuko Gobernuarekin elkarlanean, euskal presentzia indartzea arrantzarekin lotutako nazioarteko akordioetan.

Dagozkion lankidetza-hitzarmenak sinatzea, arrantza-kuoten berezko kudeaketa ahalbidetzeko, Eusko Jaurlaritzaren eskumenen eremuaren barruan, bereziki lehenetsiz antxoa eta hegaluze espezieak.

Euskadiko eta Akitania Berriko kirol-portuen zerbitzuen eta jardueren baterako eskaintza bat sustatzea.

Lille-Vitoria-Gasteiz tren-autobidearen garapena sustatzea, Jundizko plataforma multimodala amaituz.

Forondako Aireportuaren VIAP plataforma garatzea eta digitalizazioa sustatzea azpiegitura logistikoen kudeaketan.

Bilbo-Loiu Aireporturako trenbide-konexioan aurrera egitea.

Hiri-izaera edo dimentsioa duten politika publikoen osagarritasuna eta osotasuna aztertzea eta indartzea.

Planak eta programak garatzea hutsik dauden lokalak eta lonjak etxebizitza bihurtzeko, hori guztia udalekiko elkarlan estuan.

Aldundiekin eta udalekin elkarlanean, zerga-neurriak artikulatzea, hutsik dagoen parkea murrizteko eta hutsik dauden etxebizitzak alokairu eskaintzan txertatzea sustatzeko.

Genero-berdintasuna bultzatzea sektorean, zehazki, “Enpresa turistikoetako berdintasun-plan” bat garatuz.

Sektorearen trebakuntza digitalaren diagnostikoa egitea eta eraldaketa digitalerako egokitzapen-plan bat bultzatzea, Itourbask Sareko turismo bulegoak “XXI. mendeko turismo-bulegoaren” eredura egokitzea eta diseinatzea barne.

Prestakuntza-plan bat ezartzea, sektoreko profesionalak trebatzeko, bereziki, digitalizazioaren, negozio-eredu berrien, berrikuntzaren eta turismo jasangarriaren eremuetan.

Lanbiderekin koordinatuta, trebakuntza profesionaleko ziurtapen-programa bat sustatzea.

Merkataritzaren eremuko berariazko heziketa aurreratuko zentro bat abian jartzea, gure gizartearen errealitatera egokitutako negozio-ereduekin lehiatzeko beharrezko eskumen berriak dituzten profesional berriak trebatzeko.

Zaintza lehiakorreko sistema bat garatzea, sektorearen bilakaera aztertzen duena eta nazioarteko joerak zein jardunbide egoki berritzaileak identifikatzen eta zabaltzen dituena.

Merkataritza eta ostalaritzarako prestakuntza-plan berri bat onestea. “E-learning” plataforma eta prestakuntza-eredu berriak sustatzea, profesionalen gaitasunak indartzeko, betiere lehenetsiz eraldaketa digitalarekin lotutakoak.

Lan-mahaiak sortzea merkataritza-hirigintzaren irizpidea txertatzeko herrien eta hirien diseinuan, hori guztia udalekin koordinazioan eta udalen mugikortasun-planaren esparruan, merkataritza-guneetarako irisgarritasuna hobetzeko helburuarekin.

Ekintzailetza eta merkataritza-negozioko eredu berrien sorkuntza babestea, hutsik dauden lokalak merkataritza-erabilera baterako berreskuratzea bultzatuz.

Udalekin batera, jarduketak bultzatzea, eraginkorrak ez diren araudiak identifikatzeko eta beharrezko jarduketak eta erreformak bultzatzeko.

Turismoaren eta merkataritzaren arteko aliantzak indartzea, merkataritza- eta ostalaritza-eskaintza indartuz hiriaren atrakzio turistikoko ardatz gisa.

Kolektiborik ahulenak identifikatzea eta informazio- eta prestakuntza-kanpainak egitea.

Kontsumo arduratsua eta jasangarria sustatzea. Horretarako, produktuen eta horien ingurumen- eraginaren inguruko informazioa sustatuko da, ingurumenaren kontserbazioa, gizarteberdintasuna eta langile guztien ongizatea bermatze aldera.

Enpresa-jardunbide egokien kodeen ezarpena sustatzea, akordioak lortuz elkarte profesionalekin eta enpresa-elkarteekin, kontsumitzaileen eta erabiltzaileen eskubideen babesa hobetze aldera. Zorroztasunez jardungo da merkatuan jardunbide desegokiak eta legeen urraketak jazartzeko eta deuseztatzeko.

Enpresen erantzukizuna eta gardentasuna sustatzea, kontsumitzaileen eskubideak errespetatzeko borondatezko mekanismoak garatuz.

Erreklamazioen izapidetze elektronikoa eta telematikoa bultzatzea, KontsumoNETen erabilera bakarra areagotuz eragile guztientzat.

Bitartekaritza sustatzea kontsumo-arbitrajearen aurretik gatazkak ebazteko bide gisa.

Nazioarteko sareetan parte hartzea potentzia bereziki, eremu europarrean, lankidetzan eta elkarlanean kontsumitzaileen babesa hobetzera zuzendutako jarduerak bultzatuz.

Haurren zailtasunei arreta goiztiarra emateko programak indartzea, oraingo protokoloa eta horren aplikazioaren kudeaketa hobetuz. Horrez gain, zaurgarritasun-egoeran dauden ikasleentzako eskolaz kanpoko babes-programak indartu beharko dira.

Zentro publikoen autonomian sakontzea, ikasleen, horien familien eta ingurunearen ezaugarrietara egokitutako berezko proiektuak ahalbidetzeko helburuarekin.

Zentro publikoetako irakasleen jarraitutasun-tasa hobetzea, zehazki, % 80tik gora.

Irakasleen papera eta protagonismoa indartzea, horiek direlako hezkuntza-sistema osoaren eraldaketarako eragile nagusiak.

Hezkuntza-babeseko zerbitzuak ebaluatzea.

Irakasleen eginkizunaren ospea indartzea.

Enpresetan, berrikuntza aplikatuko proiektuak indartzea Tkguneren bidez eta lortutako ezagutzak elkarri transferitzea sustatzea.

TKNIKA indartzea, Euskadiko LHren Ikerketa eta Berrikuntza aplikatuko zentro gisa.

Irakaskuntza erdipresentziala eta online irakaskuntza indartzea, baita tituluen deialdia ere modalitate horretan.

Lanbide-heziketan inklusibitatea areagotzea, migratzaileen eta ezgaitasunen bat duten pertsonen presentzia sustatuz, horien laneratzea errazteko.

Emakumeak lanbide-heziketa industrialean sartzeko berariazko programa bat garatzea, emakumezkoen enpleguaren kalitatea hobetzeko eta soldata-arraila murrizteko tresna gisa.

Lanbide-heziketako irakaskuntzetan, apurka-apurka txertatzea ingelesa erreferentziazko hizkuntza gisa, ikasleen lan-aukeretarako sarbidea eta enpresen nazioartekotzea errazteko.

Euskal LH sistemaren prestakuntza-jardueren eskaintza sustatzea beste herrialde batzuetan.

Unibertsitate-sistemaren plan berria onestea, baliabide publikoak areagotuz. Horrek, baliabide lehiakor eta baliabide pribatuen erakarpena areagotzearekin batera, aukera emango du ikasle bakoitzeko unibertsitate-gastua Europako herrialderik aurreratuenen artean kokatzeko, prestakuntzarako, ikerketarako eta ezagutzaren transferentziarako baliabideak hobetuz.

Nazioarteko ikasleak erakartzeko gaitasuna duten masterren eskaintza handitzea.

Gai Epidemiologikoetarako Batzorde Iraunkor bat sortzea, Espainiako Gobernuarekin eta Europar Batasunean horretarako eratzen den koordinazio organismoarekin koordinatuta.

Osasunaren Behatoki bat abian jartzea, herritarren osasunari buruzko informazio guztia jardunbide klinikora gehitzea ahalbidetzen duena, genero-ikuspegia kontuan hartuz. Behatoki honek dagoeneko existitzen diren antolakuntza-egiturak eta giza baliabideen egiturak baliatuko ditu eta berariazko sail bat izango du, Euskadin suizidioari buruz dauden errealitateen eta datuen segimendua, analisia eta azterlana egiteko, suizidioa delako hilkortasun-kausarik garrantzitsuenetariko bat. Horrekin batera, estrategia suizidioa prebenitzera zuzenduko da.

Europar Batasunaren gomendioei jarraiki, haur-bermeko programa sustatzea, haurren txirotasunaren aurkako estrategia globalaren funtsezko elementu gisa, ardurapeko seme-alabak dituzten familientzako diru-sarrerak bermatzeko errenta hobetuz.

Diskriminazioaren Behatoki bat abiaraztea.

Gizarte Zerbitzuen euskal sistemaren prestazioen eta zerbitzuen zorroa amaitzea, batez ere, adinekoentzako arretari dagokionez, zaintzaren, laguntzaren, ostatuaren eta arretaren eremuetan.

Programa integral bat abiaraztea gizarteratzerako babesak antolatzeko, hobetzeko eta bermatzeko, zehazki, gizarteratze-hitzarmenen bidez eta erreferentziazko profesionalak esleituz, betiere diru-sarrerak bermatzeko politikaren eta bestelako politiken (gizarte-zerbitzuak, gizarte-lanekoak, soziosanitarioak...) arteko osagarritasuneko berariazko premien arabera.

Arreta-piramidearen inbertsioaren segimendua egitea eta estrategia integral bat planifikatzea, bere ohiko etxebizitzan bizi diren pertsonentzako zerbitzuak indartuz, bizitzeko erabateko autonomia bermatzeko.

Gizarte-berrikuntzako sistema bat eta I+G+b sistema bat abiaraztea gizarte-zerbitzuen eremuan.

Erantzukizun publikoko gizarte-zerbitzuen ebaluazioa indartzea, arreta berezia jarriz pertsona hartzaileengan eta horien familiengan. Aurrekoaz gain, ezagutzaren sistematizazioa eta transferentzia indartuko dira.

“Euskadi Langunkoia Sustraietatik” Sarean integratzea zahartze aktibo eta osasuntsuko estrategia eta baita ere adinekoen talentuaren garapena, genero-ikuspegia txertatuz, bizitza osoa (bere premiak asetzea) eta berezko gizarte-premiei edo hirugarrenen premiei erantzuteko prozesuan aktiboki parte hartzea bultzatuz.

Hirugarren adinerako trantsizioa prestatzeko programa berri bat sustatzea.

Adinekoen talentua baliatzea eta sustatzea, politika publiko guztietan parte har dezaten babestuz.

Nahi gabeko bakardadearen aurka borrokatzeko erakunde arteko plan bat abiaraztea aldundiekin, udalekin eta hirugarren gizarte-sektoreko antolakuntzekin elkarlanean, hain zuzen ere, gizarte-sektore ugariei eragiten dizkieten egoera hauen begirada zabal eta global batetik abiatuta. Gainera, plan honek etxez etxeko bisitak indartzea jasoko du adinekoen kasurako.

Telelaguntzako zerbitzua hedatzea 80 urtetik gorako pertsona guztietara eta, apurka-apurka, 65 urtetik gorakoetara eta, zerbitzu horretatik, bakarrik dauden pertsonei arreta profesionala emateko berariazko lerro bat abiaraztea.

Gizarte-zerbitzuetako profesionalekin koordinazioan, lehen mailako solidaritateko eta gizarte boluntariotzako berariazko programa bat garatzea, adinekoen gizarte-isolamendua txirotasun, menpekotasun eta/edo gaixotasuneko egoerekin elkartzen den egoerak goiz detektatzeko.

Espezializazio Adimenduneko RIS3 Euskadi Euskal Estrategiaren esparruan, ikerketa aplikatuko proiektuak sustatzea adinekoekin lotutako produktuetan eta zerbitzuetan.

Jardunbide kulturalak sustatzea adinekoen artean, garun-jarduera, oreka emozionala, elkarrekintza eta bakardadea indartzeko, bizitza osoagoa eskainiz.

Foru aldundiekin batera, hausnarketa bat abiaraztea, seme-alabengatik ematen diren zergakenkariak handitzeko eta progresibitate handiagoko elementuak txertatzeko familien zerga tratamenduan.

Sektore pribatuan, gutxienez 16 asteko aitatasun- eta amatasun-baimen berberak eta besteren ezinak sustatzea, Lan eta Enplegu Sailarekin lankidetzan.

Migratzaileek Euskadiko lan-merkatuan eta aberastasunaren sorreran egiten duten ekarpena nabarmentzea.

Zaurgarritasun-egoeran dauden adingabe eta gazte migratzaileak gizarteratzea eta laneratzea sustatzea.

Laguntza-azpiegitura balioaniztunen plan bat egitea, migrazio-errealitate desberdinek sortzen dituzten harrera-premiei erantzuteko.

Espedienteen kudeaketa integratua ahalbidetzen duen leihatila bakarra abiaraztea indarkeria matxistaren biktimei arreta eta babesa emateko, horrela pertsonalizatutako ekintza-programak ezarri ahal izateko.

Euskadiko laneko ikuskatzailetzan, berdintasun-unitateak indartzea.

STEAM bokazioak (zientzia, teknologia, ingeniaritza eta matematikak) indartzea hezkuntzaren eremuko emakume gazteen artean, horrela enpleguaren kalitatea areagotzeko.

Emakumeen laneratzea erraztea etorkizunean eskari handiagoa izango duten lanbideetan.

Hezkuntzaren esparruan, eta Hezkuntza sailarekin lankidetzan, sexu- eta familia-aniztasuna onartzea sustatzea, haurrek beren nortasuna eta sexu-orientazioa askatasunez eta bereizkeriarik gabe gara dezaten.

Diskriminazio-egoerak jasaten dituzten LGTBI pertsonak babesteko “Berdindu Programa” indartzea.

Programak garatzea, bere sexu-orientazioagatik, pertsonen osasuna gutxitzen duten kalteak eta bestelako gizarte-faktoreak murrizteko.

Udalekin eta beste operadore juridiko batzuekin, hausnarketa bat garatzea Euskadiko egungo mugaketa- eta barruti-egituraren inguruan.

Justizia babesteko zerbitzuen hedapena eta horietarako orientazioa sustatzea, hain zuzen ere, zerbitzu-kartak garatuz.

Fiskaltzaren eta polizia judizialaren jarduketa-unitatea indartzea desagertutako pertsonei dagokienez.

Jarduera judiziala berraktibatzeko jarduketa-plan bat ezartzea, horrela COVID-19aren ondorioei aurre egiteko.

Justiziaren zerbitzu guztiak egokitzea Istanbuleko Hitzarmenak jasotzen duen emakumearen aurkako indarkeriaren definiziora.

Emakumearen aurkako indarkeriaren aurrean jarduteko plana garatzea, erakunde arteko koordinazioa indartzeko, emakumeen aurkako indarkeriako epaitegietako langileen prestakuntza hobetzeko eta biktimei informazioa, arreta eta laguntza emateko zerbitzu integralak indartzeko eta instalazioak egokitzeko (Zurekin Programa).

Kanpoko profesionalek aldizka ikuskatzea adingabe arau-hausleak barneratzeko hezkuntzazentroen funtzionamendu-sistemak eta langileen lana.

Terrorismoaren Biktimei Aitorpena eta Erreparazioa egiteko 4/2008 Euskal Legea garatzea eta biktimak eta gizartea bizikidetzarako eta etorkizunerako elkartzeko Batera Proiektua sustatzea.

Gazteentzako hezkuntza-bisitak antolatzea gerrak edo indarkeriako bestelako esperientzia traumatikoek markatutako Europako hirietara.

Giza Eskubideen aldeko Pedagogia-baliabideen Aieteko “Eskura” Zentroa finkatzea.

Etikasi Programaren esparruan, Euskadiko Gazteriaren Kontseiluarekin elkarlanean aritzea, giza eskubideen gaineko sentsibilizazioan eta kontzientziazioan.

Kulturaren arloko profesionalen kontratazioan jardunbide egokien kodeak zehaztea, adostea eta ezartzea, kultura-politiketan erantzunkideak diren gainerako euskal erakundeekin elkarlanean.

Kulturaren arloko sormen, bitartekaritza edo alderdi teknikoekin lotutako profesionalen ibilbidea baliozkotzea sustatzea, bere ekarpena egiteko irakaskuntza arautuari eta, batez ere, lanbideirakaskuntzari (Hezkuntza Sailarekin eta Lan eta Enplegu Sailarekin elkarlanean).

Gaitasun sortzaileak sustatzea haurtzaroan, nerabezaroan eta gazterian eta diziplina artistiko desberdinekiko harreman goiztiarra bultzatzea, hezkuntza-sisteman sormen artistikoa eta kulturala ezagutzeko programak abiaraziz, zehazki, Hezkuntza Sailaren, hezkuntza-erkidegoaren, gurasoen elkarteen eta bestelako euskal erakunde publiko batzuen arteko adostasunarekin.

Euskal hiriburuekiko elkarlanean, antzerki, dantza, literatura eta musikako jaialdiak eta zirkuitu kulturalak nazioartekotzea bultzatzea, horietan tokiko artisten presentzia sustatuz.

Maileguko Liburutegi Digitala (eLiburutegia) garatzea, Euskal Kulturaren Atarira lotuz eta ikusentzunezko edukien eta soinu- eta hezkuntza-edukien eskaintza handituz.

Euskadira, besteak beste, nazioarteko komisarioak, programatzaileak eta editoreak erakartzeko programak garatzea, euskal sormen-egitura hobeto ezagutzeko.

Euskadiko industria kulturalen parte-hartzea indartzea nazioarteko azoka eta merkatuetan, zehazki, Kultura Sustatzeko Zuzendaritzaren bidez eta lan hori Etxepare Euskal Institutuak produzitutako zabalkunde eta promozio kulturaleko ekintzekin indartuz.

Erreforma horiek egiteko, XI. Legegintzaldiko Eusko Legebiltzarraren berariazko ponentzian hasitako bidean jarraitzeko konpromisoa hartzea, presidentetzak proposatutako testuari jarraiki.

Indarreko Euskara Sustatzeko Ekintza Planaren (ESEP) ebaluazioa egitea eta, gizarte-eragile nagusiekin, hurrengo aldirako hizkuntza politika zehaztuko duen plangintza egitea eta adostea.

Migratzaileei zuzendutako euskara ikasteko eta hobetzeko programak areagotzea, bai eremu sozioekonomikoan, bai hezkuntzaren eremuan, horien gizarteratzean eta laneratzean laguntzeko xedearekin.

Sozietate publikoentzako normalizazio-plana abiaraztea.

Urratsak ematen jarraitzea Elebide zerbitzuaren bidez herritarren hizkuntza-eskubideak bermatzeko.

Erakunde arteko eta EAEko eragile pribatuekiko lankidetza eta koordinazioa indartzea koordinazio- organo desberdinen bidez (Euskararen Aholku Batzordea eta HAKOBA).

Eraikinen birgaitze energetikoari buruzko berariazko prestakuntza, bidezko trantsizio energetikoa eta enplegu berdeen sorkuntza errazten dituena.

Foru aldundiekin elkarlanean eta Zerga-koordinaziorako Organoaren bidez, zerga-pizgarriak sustatzea sektore industrialaren, merkataritzaren eta zerbitzuen energia-eraginkortasuneko inbertsiorako.

Teknologia garbien euskal zerrenda handitzea, zerga-kenkariekin lotuz.

Ekoberrikuntzako eta berriz landatzeko proiektuak, zuhaitz-azalera 10.000 hektarea handituz; horrek urtean CO2ko 25.000 tona xurgatzea ahalbidetuko du.

Sektore industrialari bereziki zuzendutako berariazko plan bat abiaraztea materialen eraginkortasuna % 30 handitzeko, zehazki, produkzio-eredu berriak hobetuz eta garatuz eta produktu industrialen ekodiseinua indartuz.

Produktu zehatz batzuetan, “ingurumen-aztarna” proiektu pilotu gisa ezartzea.

Europar Batasunak sustatutako “Iceberg Proiektuaren” barruan, eraikuntza- eta eraispen-hondakinen birziklagarritasuna handitzea.

Erosketa publiko berdea bultzatzea eta, lizitazio publikoetan, hondakin industrialen baloraziotik eratorritako azpiproduktuen erabilera sustatzea.

Tratamendurik gabeko lehen mailako hiri-hondakinen isurketarik ez egoterantz aurrera egitea, udalekin elkarlanean.

Zentro teknologikoekin elkarlanean, ikerketa-proiektuak garatzea, hondakin industrialen aprobetxamendua hobetze aldera.

Elikagaiak xahutzearen aurkako legegintzako ekimenak bultzatzea, elikadura-hondakinen sorkuntza % 30 murrizteko xedearekin.

Elikagaien soberakinak lehengoratzea erraztea, lehentasuna emanez gizakien erabilerari.

Ur edangarriko sareen kudeaketa eraginkorra optimizatzea, eraginkorrak ez diren sistemaren galerak murriztuz eta egungo hornidura-sareak eraldatuz, ur edangarriaren erabileran kontrol eta segurtasun handiagoak ematen dituzten sare adimendunak bihurtzeko.

Teknologia berriak aplikatzea ureztatze-sistemetan, ur-kontsumoa optimizatzeko, bereziki, klima- aldaketaren eraginak gehiago pairatuko dituzten Euskadiko guneetan.

Lurralde Plangintza, Etxebizitza eta Garraioetako sailarekin lankidetzan, Lurralde-antolamenduan “ingurumen-aldagaia” txertatzea eta aldizkako segimendu-txostenak egitea lurralde-antolamenduaren eremuan, ingurumen-adierazleen bilakaera aztertzeko.

Udal zein eskualde mailan kutsadura akustikoa murrizteko ekintza-planak egitea sustatzea eta 2.000 Natura Sarea bultzatzea.

Europar Batasunarekin lerrokatutako zerga-politika berdea planteatzea, foru aldundiekin elkarlanean eta Zerga-koordinaziorako Organoaren bidez.

Jarduketa-plana egikaritzea nazioartekotzeko euskal sistemarekin elkarlanean, sektore anitzeko eta eragineko jarduketen finantzaketa barne, Euskadi - Basque Country marka atzerrian promozionatzeko.

Erronka demografikoari buruzko planaren sail arteko, erakunde arteko eta gizarteko koordinazioa bultzatzea, politiken koherentzia-ikuspegia sustatuz, maila anitzeko lankidetzako ikuspegi integral eta sistemiko batekin.

Datu irekien eta lotutako datuen estrategia indartzea. Euskadiko berrerabiltzaileen kolektiboak eta herritarrek eskatutako datu-multzoak identifikatzea eta datu horiek normalizatzea eta lotzea, erakunde arteko zerbitzu berriak garatuz.

Administrazioaren eremuko adimen artifizialeko proiektu pilotu bat abian jartzea, hori izanik adimen artifizialeko euskal zentroaren aplikazio-arloetako bat. Horrela, teknologia berriak eta berrikuntza teknologikoa baliatuko ditugu, gobernuaren ekintza eta herritarrei ematen zaien zerbitzua hobetze aldera.

Aurrera egitea Gobernu Arduratsuaren Ereduaren garapenean, baita, ekonomiaren eremuan, Arriskuak Kudeatzeko Esparru Bateratuaren garapenean ere, Euskal Autonomia Erkidegoko sektore publikoaren kudeaketa hobetzeko eta horren helburuak lortzea errazteko.

Ekonomia eta aurrekontuaren plangintzarako esparru bat ezartzea, inbertsio eta sustapeneko plan operatiboak, aurrekontu-programak eta politika publikoen plangintza integratzea eta elkarrekin lotzea ahalbidetzen duena, bere ebaluazioa bultzatuz, politika publiko guztiekin eta horiek garatzen dituzten tresnekin lotuz. Gainera, gardentasuna eta kontu-ematea errazten dituzten politika publikoen etengabeko segimendu gardena bultzatuko da.

Zerga-koordinaziorako Organoaren barruan, Euskal Autonomia Erkidegoko zerga-sistemaren berrikuspena sustatzea, fiskalitate progresiboago baterantz aurrera eginez; horretarako, hauxe hartu beharko da kontuan: COVID-19aren pandemiak eragindako osasun-krisiaren eta krisi ekonomikoaren osteko errealitate ekonomiko berria; gure enpresen enpleguaren, gaitasunaren eta lehiakortasunaren balizko bilakaera eta Espainiako Gobernuak eta Europar Batasunak hornitutako funtsetatik lor litekeen ez-ohiko finantziazioa. Agertoki berri honetan, gobernuak eta hori eusten duten alderdiok konpromisoa hartzen dugu, erakunde eskudunekin batera, fiskalitate berri baten inguruko hausnarketa sakona egiteko. Fiskalitate berri horrek finantza-nahikotasuna bermatuko du; enplegua sortzen duen ekonomia babestuko du; zerbitzu publikoak indartuko ditu eta Europako fiskalitatearekiko konbergentzia eta progresibitaterantz joko du.

Euskal sektore publikoa osatzen duten erakundeen, nagusiki, enpresen eta fundazio publikoen kontrol-sistemak indartzea, baita administrazio publikoen itunpeko zerbitzuak ematen dituzten eta finantziazio gehiena bide horretatik jasotzen duten entitateen kontrol-sistemak ere.

Udalen eremuarekiko lankidetza ezartzea energia eta klima-ekintzako plan bateratuen garapenerako; horrela, aukera izango dute, Udalsarea 2030 sarearen bidez, toki- zein lurralde-eremuetatik klima-ekintza hedatzen jarraitzeko.

Saneamenduko, hornidurako eta uholdeen aurreko defentsako oinarrizko azpiegiturak egikaritzea, arro hidrografikoen uraren kalitatea hobetzeko.

Euskal Autonomia Erkidegoak Nazio Batuen Garapen Jasangarrirako Helburuak betetzeko egiten duen ekarpenaren segimendua , ebaluazioa eta proiekzioa egitea, urtero, Garapen Jasangarrirako Helburuen bilakaera-mailaren berri emanez Eusko Legebiltzarrari.

Euskadi - Basque Country 2030 Agendan oinarrituz, 2030 Agendaren Lehentasunen Euskal Programa egitea eta horren koordinazioa eta sail arteko, erakunde arteko eta gizarteko lankidetza bultzatzea, zehazki, politiken koherentzia-ikuspegi batekin.

Kanpo Harremanetarako Idazkaritza Nagusiarekin elkarlanean, lerrokatzea eta nazioarteko aliantzak sustatzea 2030 Agendaren bultzadan eta garapenean.

Gazteriaren Legea onestea; lege horrek gazte-ikuspegia txertatuko du politika publiko guztietan eta bere helburu nagusiak izango dira gazteen laneratzea, Euskadiren gizarte-kapitalerako ekarpenik onena delako.

Abian jartzea Ingurumenaren V. Esparru Programa 2030.

“Euskal Y” amaitzea, Irun, Donostia, Ezkio, Bilbo eta Gasteizko geltokien eraikuntzarekin.

Autokontsumorako elektrizitatearen sorkuntza sustatzea eraikinetan eta etxebizitzetan, zehazki, teknologia fotovoltaikoa, eolikoa eta biomasakoa bezalako teknologien bidez.

Eraikuntza-birgaitzeko estrategia integral baten barruan, birgaitzerako laguntza-programak hobetzea eta handitzea, etxebizitzak eta eraikinak birgaitzeko Renove Plan berri bat onetsiz, zehazki, irisgarritasuna (igogailuak eta arkitektura-hesiak kentzea) energia-eraginkortasuna eta kanpo-bizigarritasuna lehenetsiz.

Zaintzaileak laguntzeko euskal estrategia abian jartzea.

Haurren eta nerabeen eskubideei buruzko lege bat onestea, haurtzaroaren eta nerabezaroaren babes, prebentzio eta sustapeneko sistema arautze eta garatze aldera.

Dibertsitate-berdintasunari eta sexu-orientazioaren ondoriozko bereizkeriaren aurka borrokatzeari buruzko lege integral bat onestea.

Eusko Jaurlaritzaren politiketan giza eskubideetan, genero-berdintasunean eta garapenerako politiken koherentzian oinarritutako zeharkako ikuspegia garatzea. Konpromisoa Garapenerako Lankidetzaren Euskal Lege berri bat eginez eta onetsiz gauzatuko da. Garapenerako LankidetzarenV. Plan Zuzentzailea onartuko da ikuspegi hauekin: Afrika indartuz; garapenerako politiken koherentzia erreal bateranzko bultzada irmoa; Eusko Jaurlaritzako sail desberdinak bere jarduketa-eremuekin lotutako lankidetza-ekimenetan sartzeko ekintza zehatzen sustapena eta erakundeen barneko zein erakunde arteko koordinazioa, bereziki sakonduz Euskal Fondoarekiko. aliantzan

Euskadiko antolamendu juridikoa etengabe eguneratzen jarraitzea arlo ekonomiko-finantzarioari dagokionez (aurrekontu-araubidea, laguntza eta diru-laguntza publikoak, finantza-politika eta tresnak, etab.), Euskal Autonomia Erkidegoko Ogasunaren berezko gaien arauketa eraginkorra, modernoa, egonkorra eta gardena mantentze aldera.

Susperraldi Ekonomikorako eta Enplegurako sail eta Esparru-programa bat lantzea, koordinatzea eta sustatzea. Programa hori Euskadiren berreraikitze sozial eta ekonomikora bideratuko da; hazkunde jasangarria bultzatuko du eta 2030 Agendarekin eta Nazio Batuen Garapen Jasangarrirako Helburuekin lerrokatuta egongo da, baita Europako “Sure” eta “Next Generation EU” Programen lehentasunekin ere.

Enplegurako gobernantza integraleko eredu berri bat bultzatzea, zehazki, Euskal Enplegu Sis temaren Legearen bidez. Eredu berriaren ardatz egituratzailea izango den Lanbide-Euskal Enplegu Zerbitzuak bere lan-merkaturako orientazioa indartuko du eta arreta handiagoa jarriko du enpresengan eta pertsonengan, Euskadin enplegagarritasuna hobetzeko eta enplegua sortzeko egiten duen ekarpena indartzeko helburuarekin.

Saihestea 45 urtetik gorako pertsonen langabezia kronifikatzea, laneratzeko prestakuntza ekintza integralekin eta laguntza pertsonaleko ekintzekin, genero-ikuspegia txertatuz. Arreta berezia emango zaie ezgaitasunen bat duten pertsonei.

Proiektu pilotuak eta lankidetza-proiektuak burutzea hirugarren sektoreko enpresa eta antolakuntzekin, egoerarik ahulenean dauden langabeen gizarteratzea eta laneratzea sustatze aldera.

Lehentasunez jardun beharreko eskualdetan eta udalerrietan berariazko jarduketa-planak egitea eta zailtasunak dituzten edo berreraikitze prozesuetan dauden enpresei laguntza ematea.

Hezkuntza-azpiegiturak hobetzea eta modernizatzea, onetsitako azpiegituren planarekin bat etorriz; hain zuzen ere, planak 200 jarduketa baino gehiago aurreikusten ditu, besteak beste, hauek: Tolosako Orixe, Gasteizko Salburua eta Leioako Barandiaran institutu berriak; Muskizko bigarren hezkuntzako institutua handitzea eta Dantzertiren egoitza berria.

Aurrera egitea hizkuntza-normalizaziorako planean, Euskadiko hizkuntza ofiziala den aldetik, herritarrak justiziaren eremuan euskara erabiltzeko duten eskubidea betearazteko.

Gure konpromisoa garatzea indibidualizazio, humanitate, eragindako kaltearen konponketa eta birgizarteratzeko lege-printzipioen promozio aktiboan oinarritutako espetxe-politika batekin. Hain zuzen ere, horren ondorioetako bat da presoak bere familia-ingurunearengandik hurbilago dauden espetxeetara lekuz aldatzea babestea, Konstituzioak eta espetxe-legezkotasunak orientatutako terminoetan. Konpromiso hau bideratzea espetxe-politikan eskuduna den Espainiako Gobernuarekiko elkarrizketaren eta lankidetzaren bidez. Izan ere horren funtsezko orientazioa birgizarteratzea izan behar da; lehentasunez kudeatu behar ditu gizakiengan eta osasunarengan eraginik handiena duten arazoak eta presoak bere familia-ingurunearengandik hurbil dauden espetxeetara hurbiltzea erraztu behar du, Konstituzioak eta espetxe legezkotasunak orientatutako terminoetan.

Kulturaren sorkuntzarako eta produkziorako babes publikoa mantentzea eta eguneratzea, bereziki.sustatuz euskarazko kultura eta emakumeen ahalduntzea sorkuntzaren eta kulturaren eremuan.

Espainiako Gobernuarekin batera lan egitea, transferitu ahal diren eskumen, gai eta zerbitzuei buruzko negoziazioak gauzatzeko, Gobernu Kontseiluak 2017ko irailean babestutako eta Eusko Jaurlaritzaren Autogobernuaren Ponentziara bidalitako Euskal Autonomia Erkidegoari egin beharreko Transferentzien Eguneraketari buruzko 2017ko Txostenak jasotako terminoen barruan eta Espainiako Gobernuak formalki 2020ko otsailaren 20an bidalitako Eusko Jaurlaritzak eskatutako transferentziei buruzko balizko negoziazioetarako kronograma-proposamen orientagarriarekin bat eginez. Izan ere, jakin badakigu beharrezkoa dela horiek elkarren artean adostuta eguneratzea, batez ere, kontuan hartuta COVID-19aren pandemiaren eragina.

“Euskal enplegu publikoaren lege” bat onestea, euskal administrazio publikoaren bitarteko kontratuen tasa altuak murrizten dituena, zehazki, bitarteko langileak finkatzeko prozesuen eta enplegu- eskaintza publiko berrien bidez, funtzionarioak berritzea eta horien belaunaldi-erreleboa ahalbidetzeko.

Lankidetzako prebentzio-neurriek emaitzarik ez badute, autogobernuaren defentsan eskuduna den sailak, ukitutako sail sektorialarekin kontsultatu ostean, Gobernu Kontseiluari aurkeztuko dizkio euskal autogobernuaren, Euskadiri esleitutako eskumenen eta Euskal Autonomia Erkidegoaren erakundeen antolaketaren defentsan oinarritzen diren mota guztietako konstituzioprozesuak edo prozesu judizialak jartzeko proposamenak.

Garapen Industrialerako eta Nazioartekotzerako Plan Estrategikoaren esparruan, ETEak babesteko berariazko programa baten alde egitea, horien lehiakortasuna hobetzeko helburuarekin. Babes-programa horrek berrikuntza teknologikoa eta digitalizazioa txertatzea erraztuko du eta berrikuntza ez-teknologikoa ere indartuko du, negozio-, antolakuntza- eta marketin-eredu berrien bitartez.

Basque Research and Technology Alliance (BRTA) finkatzea, euskal eskaintza teknologikoaren tresna integratzaile gisa eta Europan eta munduan gure ikertzeko gaitasuna proiektatzeko helburuarekin.

Start-up berritzaileen ezarpena sustatzea Euskadin, gure Erkidegoa Europako berrikuntza-interesgune gisa kokatzeko, gehiago parte hartuz Horizonte Europa esparru-programaren misioetan eta Digital Innovation Hub sare europarrean eta EIT Food erkidegoan.

Gobernantza Publiko eta Autogobernuko Sailarekin batera, dagokion akordioa lantzea trenbideekin eta aireportuekin lotutako gai eta zerbitzuen transferentzia egiteko, Gernikako Estatutua osorik betez eta garatuz, Gobernu Kontseiluak 2017ko irailean babestutako eta Eusko Jaurlaritzaren Autogobernuaren Ponentziara bidalitako Euskal Autonomia Erkidegoari egin beharreko Transferentzien Eguneraketari buruzko 2017ko Txostenak jasotako terminoen barruan eta Espainiako Gobernuak formalki 2020ko otsailaren 20an bidalitako Eusko Jaurlaritzak eskatutako transferentziei buruzko balizko negoziazioetarako kronograma-proposamen orientagarriarekin bat eginez.

Osasun-instalazioak eta ekipoak hobetzeko eta modernizatzeko berariazko plan bat onestea legegintzaldi osorako, zehazki, jarduera hauek aurreikusten dituena: osasun-azpiegituren berritzea; X izpien ekipamenduen eta anestesia-ekipoen berritze mailakatua; bloke kirurgikoak, endoskopia-gelak, hemodinamikoa, erradioterapia eta ospitaleetako gainerako ekipamendu medikoak eta instalazioak modernizatzea eta handitzea eta bereizmen handiko zentro bat eraikitzea Tolosan.

Enpresen, ikerketa-zentro teknologikoen eta unibertsitateen arteko lankidetzako trakzioko ikerketa- ekimen transbertsalak bultzatzea zahartze aktiboaren, mugikortasun elektrikoaren eta ekonomia zirkularraren eremuetan.

Alokairura bideratzea etxebizitza publikoko promozioaren % 100a.

Etxebizitza publiko berriaren eta zuzkidura-bizitokien promozioa sustatzea.

Osasun publikoko gailuen eta osasun-arretako zerbitzuen arteko integrazioa hobetzea.

Osakidetzako langileak berritzea eta horien kopurua zein egonkortasuna handitzea, 2020-2024 aldian 4.000 plaza deituz enplegu-eskaintza publikoetan; horiei hautaketa eta/edo promozioko prozesuen eredu berriak aplikatuko zaizkie, Eusko Legebiltzarrak onetsitako eta proposatutako neurriak gehituz, gardentasuna, justizia eta zuzentasuna bermatze aldera.

Bere etxeetan edo egoitzetan bizi diren adinekoentzako arreta soziosanitarioko eredu integral berri bat sustatzea, osasun-laguntzako lehen mailako sarearekin koordinatuta egongo dena.

Administrazio publikoetan euskararen erabilera sustatzeko dekretu bat onestea.

Euskadiko erronka demografikoari buruzko sail arteko plana egitea, gure gazteriaren emantzipazio- gaitasuna sustatzean eta familia eta jaiotza-tasa erantzunkidea babestean oinarritutakoa. Horrekin, lortu nahi dena da baldintza egokiak sortzea, pertsonak nahi dituztenak baino semealaba gutxiago izatera behartuta ez egoteko eta amatasuna/aitatasuna bere bizitza-proiektuko beste alderdi batzuekin bateratu ahal izateko.

Berdintasun, Justizia eta Gizarte Politiketako Sailarekin adostuta eta sail arteko ikuspegi batekin, jarduketa-proposamenak sustatzea eta koordinatzea, Migraziorako Euskal Itun Sozialaren aurreikuspenak garatzeko hori sinatu duten erakundeekin elkarlanean.

Legegintzaldi-programa onestea gobernu berria eratu osteko lehenengo hiru hilabeteetan eta bere jarraipena egitea eta betetzea bultzatzea.

Kluster-politika berriz orientatzea, Euskadin birlokalizazio industriala eta trakzio-proiektuen garapena bultzatzeko, Europako balio-kateetan eta ekosistema industrialetan integratuta.

Donostiako lurperatutako trenbide-saihesbidearen obra amaitzea.

Osasun mentaleko estrategia berri bat diseinatzea eta garatzea.

Larrialdiei Aurre Egiteko eta Babes Zibilerako Euskal Sistemarekiko lankidetza-mekanismoetan sakontzea, larrialdietarako zentro adimendun bat abiaraziz eta hondamendietan laguntzeko unitateak sortuz, beharrezkoa izatekotan, lurralde artean eta autonomia erkidegotik kanpo jarduteko gaitasuna izango dutenak.

Euskadiren parte-hartze aktiboa indartzea mugaz gaindiko eta eskualde arteko lankidetza-sareetan, bereziki, Arku Atlantikoko Konferentzian eta Pirinioetako Lan-erkidegoan, hain zuzen ere, POCTEFA programa operatibo berrian oinarrituta.

Gazteen emantzipaziorako zeharkako estrategia bat zehaztea, sustatzea eta koordinatzea. Estrategia hori sail arduradunekin elkarlanean gauzatuko da eta bere funtsezko oinarriak Gazteen Enplegurako Plana eta Gazte-etxebizitzako neurri bideratzaileak garatzea.

Garapenerako Lankidetzarako Euskal Agentziaren paper aktiboa indartzea, Europa mailako lankidetza deszentralizatuaren berezko ereduaren sustatzailea gisa.

Ikuskatzailetza-plan berezi bat abiaraztea ezarritako lanaldiak zuzen betetzen direla bermatzeko eta iruzurra behin-behinekotasun eta partzialtasun terminoetan jazartzeko. Xedea da lan-kontratuak erregularizatzea eta mugagabe egitea, batez beste, 7.000 pertsonentzat urtean. Horretarako, ikuskatzeko baliabide materialak eta giza baliabideak indartuko dira.

Euskal unibertsitate-sistemaren parte-hartzea bultzatzea Zientzia, Teknologia eta Berrikuntzako Plan Estrategiko berrian, zehazki, Zientzia, Teknologia eta Berrikuntzarako Euskal Kontseiluaren bidez. Halaber, ikerketako proiektu europarrak sustatuko dira, bikaintasunezko ikerketa taldeen jarduera , bultzatuz.

Lankidetza indartzea enpresekin eta lanbide-heziketako zentroekin, lan-merkatuaren oraingo zein etorkizuneko premietara hobeto egokitutako jarduketa integralak diseinatu ahal izateko.

Ikaskuntzarako aukera-berdintasuna bultzatzea irakaskuntza guztietan eta hezkuntzarako sarbidean dagoen edozein oreka edo desberdintasun deuseztatzea.

Fakultatiboen kopurua eta barneko erizaintza egoiliarreko plazak handitzea eta medikuen zein erizainen lana desburokratizatzea.

Nekazaritza-politika komunaren (PAC) Landa-garapenerako Plana Euskadirentzat onestea, jasangarria den eta pertsonen osasunarekiko zein ingurumenarekiko errespetua duen XXI. mendeko nekazaritza baterantz aurrera egiteko xedearekin. Horretarako, adostasuna bilatuko da erakunde-eragile desberdinen, hau da, Eusko Jaurlaritzaren eta foru aldundien eta erreferentziazko eragile sektorialen artean.

Etxebizitzarako sarbiderako aukera berritzaileak abian jartzea, cohousinga, erabilera-lagapeneko kooperatibak eta erosketa eta alokairuaren arteko bitarteko aukerak garatuz. Horrez gain, ekimen pribatuarekiko eta udalekiko lankidetza indartuko da, eraikinetan eta auzoetan bertan belaunaldi arteko bizikidetza-formulak sustatzeko.

Espezializazio adimenduneko estrategian sakontzea eta horrek lehentasunez egingo die aurre trantsizio teknologikoari eta digitalari, energia- eta ingurumen-trantsizioari eta osasun- zein gizarte-trantsizioari.

Azpiegitura berriak irekitzea eta behar duten lehen mailako zentroak birmoldatu eta eraberritzea, antzemandako beharren eta horretarako ezarritako plangintzaren arabera.

“Enplegu eta susperraldi ekonomikoko esparru-programan” txertatutako Gazteen Enplegurako Txoke-plan bat onestea eta abian jartzea, 30.000 gazteri lehenengo lan-esperientzia bat eskaintzeko. Hauek izango dira plan horren jarduketa-Ardatzak: gazteen enplegurako prestakuntza duala; hezkuntza-mundutik lanerako trantsizioa; prestakuntza-bekak eta esperientzia profesionala kontratazio-konpromisoarekin; gazteen laneratzerako eta enplegurako berariazko programak; ekintzailetzaren garapena; gazteen autoenplegua eta start-upak; tokiko zein eskualdeko enplegu-planak; enplegu publikoko eskaintzak eta gazteen kolektiboan bereziki enplegu-prekarietatea murrizteko programak.

Euskadiko kooperatiben lege berriaren arautegia garatzea.

Ikertzaileen prestakuntza indartzea doktorego industrialaren bidez, betiere enpresen premiekin bat eginez.

Euskal unibertsitate sistemaren eta bikaintasunezko unibertsitate-sistemen arteko lankidetza sustatzea, arreta berezia jarriz Euskadi-Nafarroa Akitania Berria lankidetzan eta, orokorrean, Europako lankidetzan.

Etxerik gabeko pertsonekin, energia-txirotasunarekin eta bereziki ahulak diren pertsonei eragiten dizkieten bestelako egoera batzuekin (adinekoak, gazteak, haurrak, ezgaituak...) lotutako prebentzio- eta kudeaketa-jarduketak indartzea, arreta berezia emanez diskriminazio anitzeko egoerak jasaten dituztenei eta/edo gizarte-babeseko sarerik ez duten pertsonei (nahi gabeko bakardadea...).

Indarkeria matxistaren prebentzioa eta horren aurkako borroka eta berdintasunaren bultzada berria berariaz aurreikusten dituen Berdintasun Lege berria onestea.

Helburu horrekin, aurreko legegintzaldian onetsitako Administrazio Publikoen Jasangarritasun Energetikoaren Legea erabat hedatuko dugu.

Finantza Publikoen Euskal Kontseiluaren barruan, beharrezko akordioak sustatzea Ekarpenen Lege berri baterako testua onesteko, erakundeen arteko adostasunean eta euskal administrazio publikoen finantza-nahikotasuna bermatzen jarraitzen duen baliabideen banaketa-eredu baten finkapenean oinarrituko dena.

5.000 euskal enpresa sistema dualera atxikitzea lortzea.