Ekonomiaren Garapena

Ekintzak garatzea publikoki aintzatesteko ekintzaileen papera eta gizarteari egiten dioten ekarpena.

Susperraldi Ekonomikorako eta Enplegurako sail eta Esparru-programa bat lantzea, koordinatzea eta sustatzea. Programa hori Euskadiren berreraikitze sozial eta ekonomikora bideratuko da; hazkunde jasangarria bultzatuko du eta 2030 Agendarekin eta Nazio Batuen Garapen Jasangarrirako Helburuekin lerrokatuta egongo da, baita Europako “Sure” eta “Next Generation EU” Programen lehentasunekin ere.

Lehentasunez jardun beharreko eskualdetan eta udalerrietan berariazko jarduketa-planak egitea eta zailtasunak dituzten edo berreraikitze prozesuetan dauden enpresei laguntza ematea.

Garapen Industrialerako eta Nazioartekotzerako Plan Estrategikoaren esparruan, ETEak babesteko berariazko programa baten alde egitea, horien lehiakortasuna hobetzeko helburuarekin. Babes-programa horrek berrikuntza teknologikoa eta digitalizazioa txertatzea erraztuko du eta berrikuntza ez-teknologikoa ere indartuko du, negozio-, antolakuntza- eta marketin-eredu berrien bitartez.

Nekazaritza-politika komunaren (PAC) Landa-garapenerako Plana Euskadirentzat onestea, jasangarria den eta pertsonen osasunarekiko zein ingurumenarekiko errespetua duen XXI. mendeko nekazaritza baterantz aurrera egiteko xedearekin. Horretarako, adostasuna bilatuko da erakunde-eragile desberdinen, hau da, Eusko Jaurlaritzaren eta foru aldundien eta erreferentziazko eragile sektorialen artean.

Euskadiko kooperatiben lege berriaren arautegia garatzea.

“Garapen Industrialerako eta Nazioartekotzerako Plan Estrategikoan” sartutako 2025 Enpresa nazioartekotzeko Programa bat onestea, besteak beste, jarduketa hauek aurreikusiko dituena: nazioarteko abaguneei aurrea hartzen dien adimen “lehiakorreko” eredu bat eraikitzea; Eusko Jaurlaritzaren kanpoko sarea indartzea; alde biko akordioak finkatzea hautatutako eskualdeekin; nazioarteko merkatueta espezializatutako profesionalen kopurua areagotzea; enpresa nazioartekotzerako finantza-babeseko programak garatzea eta euskal enpresen kapitalean funts publiko-pribatuen bidezko aldi baterako partaidetza izatea, garatzea eta kanpoan hedatzea babesteko.

Hezkuntzaren, zientzia-teknologiaren eta enpresaren eremuetan, izaera eta kultura ekintzailea sustatzeko programa bat bultzatzea.

Bikaintasunerantz orientatzen den eta talentua eta ezagutza aurreratua sortzen laguntzen duen unibertsitate-sistema baten alde egitea, horiek baitira erronka teknologiko-digitalari eta Euskadiren garapen ekonomiko eta sozialari erantzuteko palankak.

“Silver economy” delakoaren eremuan enpresa-ekimenak eta gizarte-berrikuntza bultzatzea, lerro hori indartuz egungo deialdietan eta laguntza programetan.

BIND 4.0 ekimena indartzea eta enpresa berritzaile berrien eta oinarri teknologikoko enpresa berrien sorkuntza babesteko azpiegiturak eta zerbitzuak hobetzea, leihatila bakar gisa jarduten duen atari zentralizatu bat garatuz.

“ETE zirkularra” izeneko ETEak babesteko programa bat garatzea.

Enpresa-ekimen berrien lehenengo faseetan, finantza- eta inbertsio-babeseko tresnak hobetzea, zehazki, Ekintzaile, Aurrera eta Basque Fondo programen bitartez.

4.000 mikroenpresa berri eta autonomoen 5.500 enplegu berri sortzen laguntzea. Horretarako, ekintzailetzari buruzko prestakuntza-programa berriak burutuko dira hezkuntza-zentroetan beste gizarte-eragile batzuekin elkarlanean eta, horrekin batera, laneratzeko zailtasunak dituzten pertsonen kolektiboei laguntzeko eta babesa emateko jarduketak burutuko dira, mikroenpresak sortzen laguntzeko edo autoenplegua errazteko.

Produktu ekologikoen produkzioa, eraldaketa eta merkaturatzea bultzatzea, nekazaritza ekologikoaren produkzioa 7.500 hektareetara handituz.

Enpresa-kudeaketaren eta plangintzaren hobekuntza, gobernu onaren eraketa eta sustapena eta gizarte-erantzukizun korporatiboa babestea gizarte-ekonomiako enpresetan.

Ekintzailetzako erakunde arteko plan berri bat onestea, foru aldundiekin, udalekin eta ekintzailetzaren euskal ekosistemako eragilerik garrantzitsuenekin elkarlanean.

Zailtasun ekonomikoak dituzten enpresen likidezia erraztea eta autonomoak, mikroeteak eta ETEak bere finkapen- eta hazkunde-prozesuetan babesten dituen programa berri bat abiaraztea, hain zuzen ere, oraingo enpleguak mantentzeko eta berriak sortzeko.

Gizarte-ekonomiako enpresen garapena babestea, horien dimentsioa indartzera, bazkide berriak lortzera eta horien arteko lankidetza zein gizarte-ekonomiako enpresen arteko asoziazionismoa sustatzera zuzendutako jarduketak erraztuz.

Zailtasunak dituzten enpresen berregituraketa erraztea Bideratu Programa indartuz eta inbertsio teknologikoak egiteko babesa emango da egungo Luzaro Funtsaren partaidetzako maileguekin. Hori guztia ukitutako pertsonek lanpostu berria aurkitzea eta birziklatzea errazten duten ekintzekin osatuta.

Sektoreko elkarte eta antolakuntzekin elkarlanean, berrikuntza teknologikoko zein ez-teknologikoko proiektuak bultzatzea gizarte-ekonomiako enpresetan.

Lehentasunez jardun beharreko eskualdeen garapen industrialerako eta sozio-ekonomikorako estrategia bat sustatzea, jarraitutasuna emango diona 2018-2020 Gune Behartsuetarako Txoke-planari.

Finkatuz Funtsaren zuzkidura handitzea, euskal trakzio-enpresen errotzea eta gure ekonomiarengan duten dinamizazio-efektua bermatzeko.

Ezkerraldea-Meatzaldea, Enkarterria-Encartaciones eta Oarsoaldea eskualdeetako plan estrategikoak onestea eta Aiarako Eskualdera eta gune baztertutzat hartzeko errekerimenduak betetzen dituzten beste eskualde batzuetara ere hedatu ahalko dira.

Ekintzailetzaren eta barne-ekintzailetzaren sustapena lehenestea, batez ere, honako arloekin lotutako enplegu-hobi berrietan: digitalizazioa; “green economy” bidezko trantsizio ekologikoa; “silver economy” zahartze aktiboa eta zaintzen ekonomia.

Hiru foru aldundiekin eta udalekin batera, “silver economy” edo zilarrezko ekonomia bultzatzeko programa bat garatzea.

Tokiko garapen ekonomikoa bultzatzea eta autoenplegua zein ekintzailetza sustatzea, tokiko eta eskualdeko enplegu-planak indartuz, batez ere, lehentasunez jardun behar den eskualde horietan.

Elikagaiak xahutzearen aurkako ekimenak garatzea, elikagaiak lehengoratzea eta berriz erabiltzea erraztuz.

2030 Bioekonomia Euskadi Estrategia hedatzea.