Hezkuntza

Lanbide-heziketako zentroekin elkarlanean, ETEentzako babesa finkatzea berrikuntza teknologikoaren eta balidazio esperimentalaren eremuan.

Haurren zailtasunei arreta goiztiarra emateko programak indartzea, oraingo protokoloa eta horren aplikazioaren kudeaketa hobetuz. Horrez gain, zaurgarritasun-egoeran dauden ikasleentzako eskolaz kanpoko babes-programak indartu beharko dira.

Zentro publikoen autonomian sakontzea, ikasleen, horien familien eta ingurunearen ezaugarrietara egokitutako berezko proiektuak ahalbidetzeko helburuarekin.

Zentro publikoetako irakasleen jarraitutasun-tasa hobetzea, zehazki, % 80tik gora.

Irakasleen papera eta protagonismoa indartzea, horiek direlako hezkuntza-sistema osoaren eraldaketarako eragile nagusiak.

Hezkuntza-babeseko zerbitzuak ebaluatzea.

Irakasleen eginkizunaren ospea indartzea.

Enpresetan, berrikuntza aplikatuko proiektuak indartzea Tkguneren bidez eta lortutako ezagutzak elkarri transferitzea sustatzea.

TKNIKA indartzea, Euskadiko LHren Ikerketa eta Berrikuntza aplikatuko zentro gisa.

Irakaskuntza erdipresentziala eta online irakaskuntza indartzea, baita tituluen deialdia ere modalitate horretan.

Lanbide-heziketan inklusibitatea areagotzea, migratzaileen eta ezgaitasunen bat duten pertsonen presentzia sustatuz, horien laneratzea errazteko.

Emakumeak lanbide-heziketa industrialean sartzeko berariazko programa bat garatzea, emakumezkoen enpleguaren kalitatea hobetzeko eta soldata-arraila murrizteko tresna gisa.

Lanbide-heziketako irakaskuntzetan, apurka-apurka txertatzea ingelesa erreferentziazko hizkuntza gisa, ikasleen lan-aukeretarako sarbidea eta enpresen nazioartekotzea errazteko.

Euskal LH sistemaren prestakuntza-jardueren eskaintza sustatzea beste herrialde batzuetan.

Unibertsitate-sistemaren plan berria onestea, baliabide publikoak areagotuz. Horrek, baliabide lehiakor eta baliabide pribatuen erakarpena areagotzearekin batera, aukera emango du ikasle bakoitzeko unibertsitate-gastua Europako herrialderik aurreratuenen artean kokatzeko, prestakuntzarako, ikerketarako eta ezagutzaren transferentziarako baliabideak hobetuz.

Nazioarteko ikasleak erakartzeko gaitasuna duten masterren eskaintza handitzea.

STEAM bokazioak (zientzia, teknologia, ingeniaritza eta matematikak) indartzea hezkuntzaren eremuko emakume gazteen artean, horrela enpleguaren kalitatea areagotzeko.

Hezkuntzaren esparruan, eta Hezkuntza sailarekin lankidetzan, sexu- eta familia-aniztasuna onartzea sustatzea, haurrek beren nortasuna eta sexu-orientazioa askatasunez eta bereizkeriarik gabe gara dezaten.

Kulturaren arloko sormen, bitartekaritza edo alderdi teknikoekin lotutako profesionalen ibilbidea baliozkotzea sustatzea, bere ekarpena egiteko irakaskuntza arautuari eta, batez ere, lanbideirakaskuntzari (Hezkuntza Sailarekin eta Lan eta Enplegu Sailarekin elkarlanean).

Gaitasun sortzaileak sustatzea haurtzaroan, nerabezaroan eta gazterian eta diziplina artistiko desberdinekiko harreman goiztiarra bultzatzea, hezkuntza-sisteman sormen artistikoa eta kulturala ezagutzeko programak abiaraziz, zehazki, Hezkuntza Sailaren, hezkuntza-erkidegoaren, gurasoen elkarteen eta bestelako euskal erakunde publiko batzuen arteko adostasunarekin.

Hezkuntza-azpiegiturak hobetzea eta modernizatzea, onetsitako azpiegituren planarekin bat etorriz; hain zuzen ere, planak 200 jarduketa baino gehiago aurreikusten ditu, besteak beste, hauek: Tolosako Orixe, Gasteizko Salburua eta Leioako Barandiaran institutu berriak; Muskizko bigarren hezkuntzako institutua handitzea eta Dantzertiren egoitza berria.

Euskal unibertsitate-sistemaren parte-hartzea bultzatzea Zientzia, Teknologia eta Berrikuntzako Plan Estrategiko berrian, zehazki, Zientzia, Teknologia eta Berrikuntzarako Euskal Kontseiluaren bidez. Halaber, ikerketako proiektu europarrak sustatuko dira, bikaintasunezko ikerketa taldeen jarduera , bultzatuz.

Lankidetza indartzea enpresekin eta lanbide-heziketako zentroekin, lan-merkatuaren oraingo zein etorkizuneko premietara hobeto egokitutako jarduketa integralak diseinatu ahal izateko.

Ikaskuntzarako aukera-berdintasuna bultzatzea irakaskuntza guztietan eta hezkuntzarako sarbidean dagoen edozein oreka edo desberdintasun deuseztatzea.

Euskal unibertsitate sistemaren eta bikaintasunezko unibertsitate-sistemen arteko lankidetza sustatzea, arreta berezia jarriz Euskadi-Nafarroa Akitania Berria lankidetzan eta, orokorrean, Europako lankidetzan.

5.000 euskal enpresa sistema dualera atxikitzea lortzea.

Lanbide-heziketa dualaren bidez, prestakuntzako lankidetza-planak abiaraztea, hutsik daudenetxebizitzak birgaitzeko eta gazteentzako enplegua sortzeko.

Unibertsitateko zientziaren eremuan egiten diren I+G inbertsioen urteko batez bestekoa %6 igotzea.

Hezkuntza-sistema eraldaketa teknologiko eta digitalera egokitzea bultzatzea, eskola berritzailea, modernoa eta sortzailea eraikitzeko helburuarekin. Hezkuntza-zentro guztiek edukiko dute digitalizazio-plan bat, ikaskuntza birtualeko berezko plataforma bat garatzeko, hain zuzen ere, alderdi teknopedagogikoekin lotutako trebakuntza integraleko plan batekin batera.

Erradikalizazio biolentoaren prebentziorako gizarte-hezkuntzako Uztartu programa hedatzea.

Bikaintasunerantz orientatzen den eta talentua eta ezagutza aurreratua sortzen laguntzen duen unibertsitate-sistema baten alde egitea, horiek baitira erronka teknologiko-digitalari eta Euskadiren garapen ekonomiko eta sozialari erantzuteko palankak.

Txandakako prestakuntza dualaren eskaintza handitzea, zehazki, 50 titulazioetaraino.

Irakaskuntzan, adin goiztiarretatik, hezkuntza afektibo sexuala lantzea, baita Internetekin lotu tako prebentzioa eta erabilera segurua ere.

STEAM bokazio zientifiko-teknologikoak sustatzea hezkuntza-etapa guztietan, batez ere, nesken eta emakumeen artean, eten teknologikoa eta soldata-arraila murrizteko.

Gizarte-kohesioa sustatzea dibertsitatearen eta kulturartekotasunaren aurrean, atzerriko ikasleen ehuneko altua duten ingurune baztertuetako zentroak lehenetsiz.

Doktoregoaren aurreko eta osteko ikertzaileen prestakuntza-programak indartzea, horiek euskal politika zientifikoaren estrategiara egokituz. Ikerbasquen bidez bikaintasunezko ikertzaileak erakartzea sustatzea, bikaintasunezko ikerketa-taldeen eta Basque Excelence Research Centers (BERCS) zentroen arteko lankidetza bultzatuz.

Aurrera egitea 0 eta 2 urte bitarteko haurren eskolatze goiztiarrean, arreta berezia jarriz gizarte-ingurune baztertuetako familien seme-alaben eskolatzean.

Ikasleen nazioarteko mugikortasuna sustatzea egungo beken sistema indartuz.

Zientzia, teknologia, ingeniaritza eta matematikekin (Science Tecnology Enginering and Mathematics) lotutako bokazioak bultzatzea, hezkuntza zikloaren etapa guztiak barne hartuz eta arreta berezia jarriz adar industrialetan emakumearen presentzia areagotzean.

Indartzea unibertsitate-prestakuntzan eta ikerketa zientifikoan gizonezkoen eta emakumezkoen arteko berdintasun erreala bermatzeko estrategiak, unibertsitatearen eremutik, STEAM Euskadi estrategiaren garapenean lagunduz.

Euskararen eta gaztelaniaren erabilera eta ezagutza finkatzea, hezkuntza-sistema eleaniztun baterantz aurrera eginez. Sistema horrek euskara edukiko ardatz nagusi gisa eta hobekuntza eta aurrerapen nabarmenak txertatuko ditu ingelesaren prestakuntzan Lehen Hezkuntzatik; horrekin batera, ikasleen ingelesaren ezagutza hobetzeko jarduerak indartuko dira. Beraz, ho rretarako, zentro guztietan hedatuko dira hizkuntza-proiektu eleaniztunak, horien errealitate soziolinguistikora egokituz eta euskara hartuz ardatz nagusitzat.

Nazioarteko aipamena duten doktorego-tesiak egitea sustatzea.

Lanbide-heziketa osoa (hezkuntzakoa eta enplegurako heziketa) barne hartzen duten LHko zentro integratuak sustatzea, inguruko produkzio sektore desberdinen antzeko espezialitateak garatuz.

Bokazio zientifikoak eta emakumearen parte-hartzea eta lidergoa sustatzea Euskadiko espezializazio adimentsuko estrategiaren ardatzetan zientziarekin lotutako ikerketa-proiektuetan eta ekimenetan.

Titulazio bikoitzak eta norabide bikoitzeko transmisioa sustatzea lanbide-heziketaren eta unibertsitatearen artean, apurka-apurka ezarriz baterako azterlan desberdinak ibilbide integratuen testuinguru batean.

Sistema judizialaren zabalkundea sustatzea “Justizian heztea” programaren bidez.

Aplikatutako berrikuntza teknologikoa eta 4.0 industria adimentsurako trantsizioa sustatzea.

Lanbide-heziketaren eremuan, aurrerapenak sustatzea ikasleen euskarazko eta eleaniztasunezko prestakuntzan, bigarren hezkuntzaren hizkuntza-jarraitutasuna eta integrazioa lortzen saiatzeko.

Erasmus bekak indartzea lanbide-heziketan, ikasleen trebakuntza eta esperientzia hobetze aldera.

Irakasleen eta hezkuntza-langileen egonkortasuna finkatzea, egiturazko bitartekotasuna 10 puntu murrizteko helburuan aurrera.

Beken berezko sistema indartzea, ikaslerik ahulenen egoera sozioekonomikoan eta aukera berdintasuneko politikan oinarritutako lehentasun irizpideak ezarriz.

Aktibo dauden helduen etengabeko ikaskuntza indartzea, horien birziklapen profesionala errazteko.

Hezkuntzaren Lege bat onestea, gure hezkuntza-sistemaren etorkizuneko erronkei erantzuteko, eskola publikoaren funtsezko papera eta izaera laikoa aitortu eta sustatzeko eta aukera berdintasuna bultzatzeko irakaskuntza-maila guztietan ikasteko, pertsonen bizitokia, egoera pertsonala, soziokulturala eta ekonomikoa edo eskolatuta dauden zentroa gorabehera, hezkuntza-zentro guztien bikaintasuna bilatuz. Lege honek aurreko legegintzaldian lortutako oinarrizko akordioa hartuko du kontuan eta abiapuntua euskal eskola publikoaren funtsezko izaera aitortzea izango da. Horrez gain, hauek izango dira bere ezaugarririk garrantzitsuenak: euskal hezkuntza-sistema modernizatzea eta horren egonkortasuna hobetzea; eleaniztasunean aurrera egitea; aukera-berdintasuna bermatzea, irakaskuntza guztietan ikaskuntza bultzatzeko; hezkuntza-sistemaren finantziazioa berrikustea, hezkuntza-zentroek benetan egiten duten gizarte-eginkizunarekin eta eginkizun hezitzailearekin lotuz eta zentroen autonomia areagotzea, arreta berezia jarriz zuzentasunean eta bikaintasunean, bizikidetza positiboko esparru batean.

Uretako eta arrantzako prestakuntza-zentroen talentua erakartzea eta mantentzea sustatzea, hain zuzen ere, aginte-postuetarantz.

Lanbide-heziketako zentroak apurka-apurka berrikuntza eta aldaketa kudeatzeko gai izango diren antolakuntza adimendunak bihurtzea sustatzea.

Zentroen sareak sustatzea, lidergo-esperientzia positiboak partekatzeko eta hezkuntza-proiektuan oinarritutako hezkuntza-zentroaren eta administrazioaren arteko erantzunkidetasun akordioak ezartzeko.

Unibertsitate-kluster berri bat abiaraztea Kultura eta Sormen Industrien eremuan.

Irakasleen hasierako prestakuntza zein etengabeko prestakuntza sustatzea, apurka-apurka txertatuz txandakako prestakuntza duala unibertsitate hezkuntzan.

Berdintasun eta hezkidetzako programak indartzea adin goiztiarretatik eta, zehazki, Hezkidetzarako II. Planaren eta “Nahiko Programaren” ezarpena indartzea, lau urtetik beherako haurrei zuzendutako material berriekin.

Europako erakundeekin elkarlanean, LHrekin lotutako nazioarteko ikerketa-proiektuak egitea sustatzea.

Balio-hezkuntza indartzea, hezkidetza eta prebentzioa eta eskola-jazarpenaren erradikazioa errazten dituen bizikidetza positibo baterako.

“Eskumen-kontzeptutik” “talentu-kontzepturako” trantsizioa sustatzea, pentsamendu sortzailea garatuz eta Euskadin lanbide-heziketaren talentuaren mapa bat eginez.

Zientziaren eta unibertsitatearen aldeko itun bat lortzea, erreferentziatzat hartuko dituena ere du europarrik aurreratuenak eta euskal unibertsitate-ekosistema indartzen lagunduko duena.

Eskaintza laugarren iraultza industrialaren premiei erantzuten dizkieten eskumen eta titulazio berriekin eguneratzea.

Lanbide-heziketa Euskadiko espezializazio adimenduneko estrategiarekin lerrokatzea, sortzen ari diren erronka sozial eta osasun-erronka berriei erantzun ahal izateko: bioekonomia, elikadura, jasangarria, ingurune naturala eta itsasoa, biozientziak eta osasuna, ekonomia zirkularra eta eraikuntza adimenduna zein eraikuntza jasangarria.

Eskola-mapa eguneratzea, hezkuntza-sistemarako sarbidea bermatzeko orekaz, zuzentasunez eta gardentasunez.

Zentro publikoetako zuzendaritzan lidergo pedagogikoa indartzea, zuzendaritza-eginkizunaren prestakuntzaren eta profesionalizazioaren bidez, zuzendaritzaren lan burokratikoetatik eta administrazio-lanetatik deskargatuz.

Giza garapen jasangarria sustatzea, pertsonen prestakuntza indartuz teknologiaren eta ingurumenaren eremuko gaitasunetan eta giza gaitasunetan.

Euskal produkzio-egitura babestea, bereziki, ETEak eta mikroETEak, berrikuntza aplikatuaren eta sistema adimentsuen eremuko garapenean eta aurrerapenean, Zientzia, Teknologia eta Berrikuntza Plan Estrategikoak ezarritako jarraibideen arabera.

Adimenaren, jasangarritasunaren eta konplexutasunaren eremuekin lotutako ekintza desberdinak garatzea.

Errendimendu altuko lanbide-heziketa bateratu batean sakontzea, laneratzerako eta kalitatezko enplegu baterako palanka gisa. Helburu horrekin, errendimendu altuko prestakuntza-zikloen ereduaren ezarpena hedatuko da, pertsonen eskumen-garapena hobea izan dadin.

Gaitasun handiko ikasleentzako hezkuntza-arretako plana garatzea.

Lanbide-heziketaren eta euskal enpresa-egituraren arteko loturak indartzea, LH duala prestakuntza-ziklo guztietara hedatzeko, genero-ikuspegia kontuan hartuz.

Beharrezko ekintzak abiaraztea baliabide gutxiago dituzten ikasleei teknologia digital horietarako benetako sarbidea errazteko.

Ekonomia zirkularraren prestakuntza-programa bat garatzea unibertsitatearekin eta lanbideheziketako zentroekin elkarlanean.

Enpresen sorkuntza sustatzea lanbide-heziketaren eremuan, “Urratsbat” programa garatuz eskualde-garapenerako agentziekin elkarlanean.

Irakasleen atzerriko hizkuntzen prestakuntzarako eta prestakuntza metodologikorako berariazko plan bat garatzea, hizkuntzen didaktikan dituzten eskumenak eta hizkuntzen tratamendu integratua hobetzea ahalbidetzen duena. Zehazki, ingelesaren irakaskuntza hedatzeko plana eguneratu eta indartuko da, lehen hezkuntzako 4. mailatik aurrera, gutxienez irakasgai bat ingelesez emateko helburuarekin. Halaber, ikasleen ingelesaren ezagutza-maila hobetzeko jarduerak indartu egingo dira.

Enpresa-egiturarekin batera, etorkizuneko ikaskuntzen behatoki bat abian jartzea.

LH+Unibertsitatearen baterako titulazioen eskaintza handitzea.

Irakasleen hasierako prestakuntza eta etengabeko prestakuntza sustatzea, prestakuntza dualeko eta lankidetza-ikerketako programen bidez.

Kulturaren eta sormenaren sektoreko langile autonomoen eta mikroETEen kudeaketa-prestakuntza indartzea eta eragile kulturalen ekintzailetza babestea horien laneratzea erraztuz, bere jardueraren berezitasunetatik, zehazki, Lana eta Enpleguaren eta Garapen Ekonomikoa, Jasangarritasuna eta Ingurumenaren arloetan eskudunak diren sailekin elkarlanean.

Bikaintasunezko 100 ikertzaile berri gehitzea Ikerbasquen Research fellows programaren bidez.

Gizarte- edo lan-eremuan eskuratutako eskumenak egiaztatzeko prozesuak bultzatzea.

Hezkuntza- eta lan-eremuen artean koordinatutako lanbide-heziketa integratu batean aurrera egitea, LHko politika publiko guztientzat komuna den zuzendaritza-organo batekin, hain zuzen ere, ekainaren 28ko 4/2018 Legearekin bat etorriz.

Online prestakuntza-eskaintza bultzatzen duten programak indartzea, euskaraz, gaztelaniaz eta ingelesez.

Plan bat sustatzea euskal hezkuntza-adierazleen sisteman oinarritutako emaitzak hobetzeko, antzemandako hobekuntza-arloekin lotutako prestakuntza-ekimenak txertatuz.

Irakasle-eginkizunaren ebaluazioan aurrera egitea, irakasle-profilaren eskumenak hartuz erreferentziatzat.

4Gune klusterraren lana indartzea.

Graduetan eta graduondokoetan titulazio eleaniztunen ezarpena sustatzea.

Euskal unibertsitate-sisteman nazioarteko eskaintza bat izatea, legegintzaldiaren amaierarako, gutxienez ere, nazioarteko aipamena duten 40 titulazio lortuz. Horrekin lotutako beste erronka da irakasleen heren bat nazioarteko titulazioetan irakasteko gai izatea.

“HABIAN 2030” Estrategia finkatzea.

2 eta 16 urte bitarteko hezkuntza-ibilbidea duten zentro publiko integratuen finkapenean lan egitea eta horien ezarpenean aurrera egitea.

Euskarazko prestakuntza eta ikerketa sustatzea.