Industria

Eragile ekonomikoen eta gizarte-eragileen parte-hartzearekin, Gizarte Elkarrizketarako Mahaian, trantsizio teknologikoaren eta digitalaren ondoriozko prestakuntza-premiak eta berriz trebatzeko premiak jorratzea, 4.0 industriarako bidezko trantsizioa lortze aldera.

“Eskualde-intereseko/Interes estrategikoko Proiektuaren” ideia sortzea, kanpoko inbertsio produktiboak erakartzea erraztuko duena.

Espedienteen kudeaketa integratua ahalbidetzen duen leihatila bakarra abiaraztea indarkeria matxistaren biktimei arreta eta babesa emateko, horrela pertsonalizatutako ekintza-programak ezarri ahal izateko.

Eraikinen birgaitze energetikoari buruzko berariazko prestakuntza, bidezko trantsizio energetikoa eta enplegu berdeen sorkuntza errazten dituena.

Foru aldundiekin elkarlanean eta Zerga-koordinaziorako Organoaren bidez, zerga-pizgarriak sustatzea sektore industrialaren, merkataritzaren eta zerbitzuen energia-eraginkortasuneko inbertsiorako.

Sektore industrialari bereziki zuzendutako berariazko plan bat abiaraztea materialen eraginkortasuna % 30 handitzeko, zehazki, produkzio-eredu berriak hobetuz eta garatuz eta produktu industrialen ekodiseinua indartuz.

Udalen eremuarekiko lankidetza ezartzea energia eta klima-ekintzako plan bateratuen garapenerako; horrela, aukera izango dute, Udalsarea 2030 sarearen bidez, toki- zein lurralde-eremuetatik klima-ekintza hedatzen jarraitzeko.

Autokontsumorako elektrizitatearen sorkuntza sustatzea eraikinetan eta etxebizitzetan, zehazki, teknologia fotovoltaikoa, eolikoa eta biomasakoa bezalako teknologien bidez.

Lehentasunez jardun beharreko eskualdetan eta udalerrietan berariazko jarduketa-planak egitea eta zailtasunak dituzten edo berreraikitze prozesuetan dauden enpresei laguntza ematea.

Garapen Industrialerako eta Nazioartekotzerako Plan Estrategikoaren esparruan, ETEak babesteko berariazko programa baten alde egitea, horien lehiakortasuna hobetzeko helburuarekin. Babes-programa horrek berrikuntza teknologikoa eta digitalizazioa txertatzea erraztuko du eta berrikuntza ez-teknologikoa ere indartuko du, negozio-, antolakuntza- eta marketin-eredu berrien bitartez.

Kluster-politika berriz orientatzea, Euskadin birlokalizazio industriala eta trakzio-proiektuen garapena bultzatzeko, Europako balio-kateetan eta ekosistema industrialetan integratuta.

Helburu horrekin, aurreko legegintzaldian onetsitako Administrazio Publikoen Jasangarritasun Energetikoaren Legea erabat hedatuko dugu.

5.000 euskal enpresa sistema dualera atxikitzea lortzea.

“Trantsizio energetikoaren eta klima-aldaketaren legea” onestea, besteak beste, 2050eko horizonterako berotegi-efektuko gasen emisioen neutraltasuna lortzeko (karbono-neutraltasuna). Horrekin batera, klima-aldaketaren eremuko erakunde arteko koordinaziorako organoak eta mekanismoak ezarriko dira.

Enpresa handiak eta ertainak ixtearen edo lekuz aldatzearen ondorioz erabiltzen ez diren lurzoru eta/edo instalazio industrialak jarduera ekonomikoetarako berrerabiltzea sustatzea.

“Garapen Industrialerako eta Nazioartekotzerako Plan Estrategikoan” sartutako 2025 Enpresa nazioartekotzeko Programa bat onestea, besteak beste, jarduketa hauek aurreikusiko dituena: nazioarteko abaguneei aurrea hartzen dien adimen “lehiakorreko” eredu bat eraikitzea; Eusko Jaurlaritzaren kanpoko sarea indartzea; alde biko akordioak finkatzea hautatutako eskualdeekin; nazioarteko merkatueta espezializatutako profesionalen kopurua areagotzea; enpresa nazioartekotzerako finantza-babeseko programak garatzea eta euskal enpresen kapitalean funts publiko-pribatuen bidezko aldi baterako partaidetza izatea, garatzea eta kanpoan hedatzea babesteko.

Kluster-elkarteen eta Merkataritza-ganberen lankidetza estutzea, nazioartekotzeari emandako babes publikoa finkatze aldera.

Euskadi - Basque Country marka indartzea eta sustatzea, euskal enpresek atzerrian aitorpena eta ospea irabazteko tresna gisa.

Enpresako I+G bultzatzeko programak indartzea eta proiektu estrategikoen garapena erraztea, liderrak diren trakzio-enpresen, balio-kateko enpresa txikien eta Zientzia, Teknologia eta Berrikuntzaren Euskal Sareko eragileen parte-hartzearekin.

Enpresa inbertsioak egiten laguntzeko finantziazio-tresnak sustatzea, beste enpresa batzuekiko eta Zientzia, Teknologia eta Berrikuntzaren Euskal Sareko zentroekiko lankidetza indartzea eta euskal trakzio-enpresek zuzendutako berrikuntza eta garapen teknologikoko proiektuetan parte hartzea bultzatzea.

Enpresa-berrikuntza babesteko programak indartzea, bereziki zuzenduko zaizkienak ETE industrialei eta industriarekin lotutako zerbitzuen ETEei, 5.000 ETE gehitzeko eraldaketa digitalera eta berrikuntzara.

Euskadin jarduera industriala mantentzea eta errotzea errazten duten eta enpresa-proiektu berriak erakartzea bultzatzen duten proiektu industrial estrategikoen garapena indartzea.

Sorkuntza energetikoko parkea handitzea iturri berriztagarrien instalazioen bidez, lurreko zein itsasoko parke eolikoen garapena eta ezarpena bultzatuz, hasitako parke fotovoltaikoak amaituz eta proiektu berriak abiaraziz.

Ezkerraldea-Meatzaldeko Parke Teknologiko berria garatzea.

Gipuzkoako zenbait gune handitzea eta garatzea babestea (Eibar [Erisono]; Galarreta-Hernani, Hondarribia-Irun; Pasaia, …), lurraldearen premiak asetzeko.

Arabako Parke Teknologikoa dinamizatzea eta antzemandako premien arabera handitzea.

Enpresen lehiakortasuna hobetzea sustatzea, horien digitalizazioa bultzatuz, eta lankidetza publiko-pribatuko eredu batean oinarritutako Data Center berri bat sortuko da.

Bidezko trantsizio energetikoko plan estrategiko bat onestea, pertsonarik ahulenen gizarte-babesa sustatzeko eta txirotasun energetikoko egoerak saihesteko.

Estrategia Klimatikoaren eta Estrategia Energetikoaren arteko beharrezko koordinazioaren alde egitea, zehazki, adierazitako parametroetan.

Garapen jasangarriko printzipioak sartzea nazioartekotzerako laguntzak ematerakoan kontuan hartu beharreko funtsezko irizpideen artean.

Makineriaren Renove Planak indartzea, ETEak robotikara eta digitalizaziora azkar egokitzea errazteko.

Garraio eta mugikortasun jasangarriak sustatzea, Lurralde Plangintza, Etxebizitza eta Garraioetako Sailarekin elkarlanean, garraio publikoa bultzatuz eta ibilgailu pribatuen flota berrituz, eraginkorragoak diren eta beste erregai batzuk erabiltzen dituzten ibilgailuekin ordeztuz.

Sorkuntza banatu berriztagarriko eta kogenerazioko proiektuak bultzatzea, banakako autokontsumoa eta autokontsumo kolektiboa sustatzen duten laguntza-lerroekin.

Abiadura handiko komunikazio-azpiegitura berriak hedatzea babestea, euskal enpresa guztietara hel daitezen.

“Produktuen industriatik” “konponbideen industriara” aurreratzea eta “industria eta zerbitzu aurreratuen” berariazko programa bat abiaraztea.

Adimen Artifizialeko Estrategia bat egitea, administrazio publikoan, zerbitzu publikoetan eta gizarte-politiketan berritzeko konpromisoen elementu integratzaile gisa. Europako funtsekin lotuta egongo da; hodeiko konponbideak eta big data hartuko ditu barne administrazio prozesuak hobetzeko eta datuak biltegiratzeko sistema bat sustatuko du, behin betiko osatzeko premia publiko eta pribatu guztiak. Horrekin, enplegua eta lehiakortasuna sortzen dituzten gaitasun teknologikoak gehitu ahalko dira.

Euskadi zaurgarritasun energetikorik gabeko lurraldea izatea lortzea eta zerbitzu energetiko eskuragarri, fidagarri eta modernoetarako sarbide unibertsala bermatzea.

Lurralde-antolamenduan eta hirigintza-plangintzan energiaren ikuspegia apurka-apurka txertatzea, udalak aholkatzeko eta babesteko neurriekin, horiek energia-eraginkortasuneko planak gara ditzaten.

Zailtasunak dituzten enpresen berregituraketa erraztea Bideratu Programa indartuz eta inbertsio teknologikoak egiteko babesa emango da egungo Luzaro Funtsaren partaidetzako maileguekin. Hori guztia ukitutako pertsonek lanpostu berria aurkitzea eta birziklatzea errazten duten ekintzekin osatuta.

Berrikuntza “azkenengo miliara” arte eramatea, hau da, enpresa txikietara eta ertainetara heltzea. Berrikuntza teknologikoen eta ez-teknologikoen ezarpena sustatuko da produktu etaprozesu desberdinetan, karbono-aztarna txikiagoko produkzio-eredu jasangarriagoetaranzko trantsizioa sustatuz.

Lehentasunez jardun beharreko eskualdeen garapen industrialerako eta sozio-ekonomikorako estrategia bat sustatzea, jarraitutasuna emango diona 2018-2020 Gune Behartsuetarako Txoke-planari.

Finkatuz Funtsaren zuzkidura handitzea, euskal trakzio-enpresen errotzea eta gure ekonomiarengan duten dinamizazio-efektua bermatzeko.

Ezkerraldea-Meatzaldea, Enkarterria-Encartaciones eta Oarsoaldea eskualdeetako plan estrategikoak onestea eta Aiarako Eskualdera eta gune baztertutzat hartzeko errekerimenduak betetzen dituzten beste eskualde batzuetara ere hedatu ahalko dira.

Energiaren eremuan, ikerketako, garapen teknologikoko eta enpresa-egiturako arloak sustatzea, betiere espezializazio adimenduneko RIS3 Euskadi euskal estrategian zehaztutako lehentasun estrategikoekin bat eginez.

Administrazio publikoen berariazko eremutik, energia berriztagarriaren % 100 erostea eta bestelako energia-iturrien instalazioa bultzatzea eraikin publikoetan. Gainera, administrazio publikoetan karbono-aztarna neutroa bultzatuko da, sektore pribatuarentzako paper eredugarri eta dinamizatzaile gisa.

Euskal produkzio-egitura babestea, bereziki, ETEak eta mikroETEak, berrikuntza aplikatuaren eta sistema adimentsuen eremuko garapenean eta aurrerapenean, Zientzia, Teknologia eta Berrikuntza Plan Estrategikoak ezarritako jarraibideen arabera.

Energiaren Klusterrarekin lotutako enpresa-taldearen ekarpena bultzatzea, bidezko energia eta klima-trantsizioa dinamizatzeko.

Honakoak bezalako eremuetan euskal posizionamendu industriala eta teknologikoa errazten dituzten ekimenak indartzea: olatuen energia, biltegiratzea, off-shore eoliko flotatzailea, sare adimendunak eta hidrogeno berdearen produkzioa.

Garraioaren eta mugikortasun elektrikoaren (ibilgailu elektrikoa) sektorean energia elektriko berdearen zabalkundea eta erabilera sustatzea, emisio baxuko ibilgailuen alde eginez eta ibilgailu elektrikoentzako kargaguneen ezarpena sustatuz, hori guztia garraioaren sektorea deskarbonizatzeko helburuarekin.

Garapen Industrialerako eta Nazioartekotzerako Plan Estrategiko bat onestea, helburutzat industriak eta zerbitzu aurreratuek BPGdren % 40 gainditzea izango duena. Besteak beste, planak alderdi hauek aurreikusiko ditu: trantsizio ekologikoa eta digitala; ETEeentzako babesa; enpre sa-errotzea eta proiektu industrial estrategikoak; industriaren zerbitzu aurreratuak; enpresa-azpiegiturak eta lurzoru industriala; lehentasunez jarduteko guneak; zailtasunak dituzten enpresentzako babesa; enpresa-eredu inklusiboagoa eta parte-hartzaileagoa; enpresa-talentuaren çpromozioa eta nazioartekotzea.

Euskal industrien trantsizio energetikoa bultzatzea, honako laguntza-lerro hauek indartuz: aurrezpen eta eraginkortasun energetikoak; energia berriztagarrien erabilera eta CO2-ko igorpenen murrizketa klima-aldaketaren aurka borrokatzeko.

Langileen trebakuntza, prestakuntza eta birziklapenerako neurriak sustatzea, aro digital berrira orientatuta.

Batez ere, eremu publikoko etxebizitza eraikien parkea berritzeko politika bat garatzea, energia- eraginkortasuneko eta aurrezpeneko irizpideekin.

Biomasako eta geotermiako proiektuak garatzea erkidego-sareetan.

Hidrogenoaren ekonomia berria bultzatzea, erregai berde gisa.

Hondakin organikoen biogasa hartzeko eta sortzeko plantak eraikitzea sustatzea.

Biomasa eta bioekonomia bultzatzea, erregai fosilen murrizketa errazteko eta gure nekazaritza- eta basogintza-sektorearen balio erantsia handitzeko.

Sail arteko beharrezko koordinazioa zainduko da, beharrezko administrazio-izapidetzeei (ingurumenarekin lotutakoak barne) dagozkien enpresa-proiektuak abian jartzeko, betiere indarreko araudi-esparruak eskaintzen dituen aukeren barruan (hala badagokio, oinarrizko legerian zehaztutako kontsulta publikorako epeak bermatuz...). Horrez gain, deslokalizazio industrialen arriskua murriztuko da.

Basque Artificial Intelligence Center sortzea, enpresetan adimen artifizialaren ezarpena sustatzeko.

Sail arteko eta erakunde arteko funts bat abian jartzea, kutsatutako eta narriatutako lurzoruak nabarmentzea sustatzeko.

Osasun-ekipamenduekin eta zerbitzuekin lotutako euskal enpresa-egituraren garapena bultzatzea, osasun-sistemaren premiei erantzun hobea emateko eta osasun-material estrategikoaren produkzioa bermatzeko, baita osasun-materialaren erreserba estrategikoko stocka zehazteko ere.

Gure enpresak Europako balio-kate eta ekosistema industrialetan integratzea erraztea, bereziki, Euskadiko RIS3 Espezializazio Adimendunaren Estrategiaren lehentasunezko eremuetan.

Bereziki indartzea euskal osasun-industriaren klusterra, enpresen, zentro teknologikoen eta Osakidetzaren arteko lankidetza indartuz, hain zuzen ere, osasun-zerbitzuak, ekipamenduak eta produktuak hornitzeko eta gure gizartearen zerbitzura egongo diren teknologia aurreratuko produktu berriak garatzeko.

Hornidura termikoko sistema zentralizatuak aukeratzen dituzten hirigintza-garapen berriak sustatzea.

Eraginkortasun energetikoko irizpideak garatzea obren eta horniduren erosketa publikoan.