Turismoa

Genero-berdintasuna bultzatzea sektorean, zehazki, “Enpresa turistikoetako berdintasun-plan” bat garatuz.

Sektorearen trebakuntza digitalaren diagnostikoa egitea eta eraldaketa digitalerako egokitzapen-plan bat bultzatzea, Itourbask Sareko turismo bulegoak “XXI. mendeko turismo-bulegoaren” eredura egokitzea eta diseinatzea barne.

Prestakuntza-plan bat ezartzea, sektoreko profesionalak trebatzeko, bereziki, digitalizazioaren, negozio-eredu berrien, berrikuntzaren eta turismo jasangarriaren eremuetan.

Lanbiderekin koordinatuta, trebakuntza profesionaleko ziurtapen-programa bat sustatzea.

Euskadiko Baliabide Turistikoen Lurralde-plan Sektoriala garatzea, esparru zehatza ezartzeko garapen turistikorako.

“2030 Turismo Jasangarrirako Euskal Estrategia” berria onestea; horrek epe laburrerako agertokia jasoko du, COVID-19aren pandemiak eragindako krisi-egoerari erantzuteko eta enplegua zein jarduera mantentzeko. Epe ertainerako zein luzerako agertokian, estrategiak COVID 19aren osteko egoera aurreikusi behar du, begirada sektorearen erronka eta joera nagusietan jarrita. Euskadiko turismoaren jasangarritasunaren aldeko apustua egin behar du eta, gainera, balio behar du interes-talde guztiak sentsibilizatzeko eta kontzientziatzeko mugikortasun jasangarriaren eta ondare kulturalaren zein ingurune naturalaren babesaren garrantziaz. Aldi berean, jasangarritasun ekonomikoa eta soziala sustatuko da, tokiko biztanleriak turismoaren onurak baliatzeko.

Ekintzailetza eta belaunaldi-erreleboa sustatzen dituzten neurriak bultzatzea.

Murgilketa-errealitateko tresnak sustatzea, nazioarteko turistak Euskadiko paisaiak eta baliabideak esperimentatzeko.

Eskaintza turistikoaren bikaintasuna sustatzea, hori norakoen dibertsifikazioarekin eta bere berezitasunarekin lotuz eta bestelako eskaintzekin uztartuz: gastronomikoa, enologikoa, kirolekoa eta kulturala. Aurrekoaz gain, familia-, erosketa-, ongizate- eta negozio-turismoarekin uztartuko da. Helburua da bidaiariak eta horien segurtasuna jartzea estrategiaren erdigunean.

Euskadiko Turismoaren Kode Etikoa ezartzea, sektoreko eragile guztien atxikipena eta sektore turistikoan Garapen Jasangarrirako Helburuen aplikazioa sustatuz.

Euskadiko turismoa lehentasunezko merkatuetan sustatzea, berariazko protagonismoa emanez gure erreferentziazko merkatu nagusietan erakartzeko gaitasun handiagoa duten produktu turistikoei, besteak beste, hauei: mendi-ibiliak; bide berdeak, enogastronomia edo turismo industrialaren aldeko apustua, berezitasun eta dibertsifikazio turistikorako elementu gisa.

2024 Marketin Turistikoko Plan bat onestea eta turismoaren arloko adituen foro bat sustatzea, euskal sektore turistikoaren lehiakortasuna hobetzeko eta eskaria sustatzeko estrategiak diseinatzen lagunduko duena.

Turismoaren adimen lehiakorreko sistema bat garatzea, eragile publikoen eta pribatuen lankidetzarekin eta koordinazioarekin.

Sektoreko enpresekin elkarlanean, jardunbide turistiko egokien sistema bat egitea, sustatzea eta zabaltzea, gure produktu eta zerbitzu turistikoen kalitatea eta bikaintasuna bermatze aldera.

Sektorearen profesionalizazioa sustatzea eta lanbide turistikoak babestea.

Nazioarteko arauen arabera ziurtatutako kudeaketa-sistemen ezarpena sustatzea, sektore seguruagoa eta jasangarriagoa bultzatzeko, enpresa erantzukizun sozialeko printzipioak txertatzeko eta sektoreko langileentzako lan-baldintza duinak bermatzeko.

Inguruko jarduera eta joerak monitorizatzea, erabakiak hartzeko informazio erabilgarria lortzeko, arreta berezia jarriz COVID-19aren osteko agertokian eskaria sustatzeko estrategien diseinuan.

Sektorearekin batera lan egitea, bidezko xedapenak sustatzeko, eta araudia eguneratzea, kontsumitzailearen babes osoa bermatzeko.