HE7 Kalitatezko enplegua

Plan integral bat prestatzea lurraldeko enpresetan, enpleguaren kalitatea sustatzeko eta bazterkeria arriskuan dauden pertsonei lan aukerak eskaintzeko.

Gizonen eta emakumeen arteko soldata arrakala saihestera bideratutako neurriak indartzea, eta emakumeen garapen profesional eta pertsonal erabatekoa ez ezik kontziliazio arduratsua ere bultzatzea.

Sustatzea enpresa eraldatzaileak, antolaketa eta kudeaketa aurreratuko ereduekin, langileen parte-hartzean oinarrituta eta kalitatezko enpleguaren aldeko testuinguruak bultzatuta, langile bakoitzaren ekarpena aintzat harturik eta antolakundearen gaitasunen araberako ordainsariak ezarrita, konpromisoa eta balio sozial partekatua sortuz.

Elkarlana bideratzea beste eragileekin (erakundeak, enpresak, zientzia eta teknologia, eskualdekoak eta tokikoak), lankidetza gune egokiak sortuta, Gipuzkoak izan ditzan lehiakortasun abantaila dinamikoak, eta lurraldearen kohesioa bultzatzeko.

Bultzatzea bizitza osoko ikaskuntza, talentua erakarri eta bertakotzea, enpresen barne gaitasunak mobilizatzea, pertsonen garapen osoa lortzeko behar diren gaitasunak eskuratu eta garatzea, herritartasun aktiboa, kohesio soziala eta enplegagarritasuna.

Gazteei laguntzea, Gipuzkoaren etorkizuneko oinarria baita, bekak, boluntariotza eta abar bultzatuta.