1. Jarduera ekonomikoa: industria, merkataritza eta zerbitzuak

Laudioko estrategia eta Merkataritzako Plan Estrategikoa berrikustea, gure merkataritzak dituen erronkak identifikatuta eta horiei aurre egiteko estrategiak garatuta.

Lankidetza aktiboa Arabako Foru Aldundiarekin “Aiala Industrial Lab” proiektuaren garapenean, Laudioren eta ingurunearen suspertze industrialean laguntzeko.

Udalerriko jarduera ekonomikoarekin lotutako tasak berrikustea (JEZ, EIOZ, etab.).

Ostalaritzako terrazei buruzko ikerlan bat egitea, horren bidez, Laudioko ostalaritza-establezimenduen beharrak kontuan hartuko dituen terrazen ordenantza arautzaile berria idatzi ahal izateko.

Laudio Hazi arloan proiektuen, funtsen eta diru-laguntzen zerbitzu bat martxan jartzea, enpresa-proiektuak eta funtsak erakartzeko udalerriaren garapenean eragina izango duten proiektuetarako.

Katalogo bat sortzea Laudiora inbertsio industrialak ekartzeko, udalerriaren balio-sorkuntza identifikatu eta enpresetara igarotzen laguntzeko.

Abasto plazan eskuragarri dagoen espazioa eta terraza aisialdi, ostalaritza eta gastronomia proiektu baterako aprobetxatzeko bideragarritasun ikerlan bat egitea.

Gure ETE-ek izaera berritzaileagoa izateko neurriak bultzatzea, SPRI-rekin eta Innobasque-rekin lankidetzan, baita berrikuntzaren arloko beste eragile batzuekin ere.

Laudio turismoa bultzatzeko plan bat diseinatzea, naturarekin eta kulturarekin erlazionatutako txangoak bultzatzean oinarrituta.

Tokiko Garapen Agentzia (Laudio Hazi) eraldatzea eta berrorientatzea, gure ETE-ei, hiri-negozioei eta ekintzaileei laguntzeko espazioa izan dadin.

Laudio Group programa indartzea udalerriko enpresen arteko sinergiak bilatzeko.

Lan-esparru berriak martxan jartzea APILL-ekin eta beste administrazioekin batera, Laudioko saltokien eta ostalaritza-establezimenduen egoera hobetzeko.