11. Udal kudeaketa adimentsua

Arauak Garatzeko Plan bat diseinatzea, eguneratu edota promulgatu beharreko ordenantzak eta arauak identifikatzeko (ordenantzak, Udal Antolamendurako Araudia, udal kode etikoa, etab.).

Udal langileen prestakuntza-plana berrorientatzea, materia eta modalitate berriak erantsita.

Udalerri arteko lankidetza: inguruneko udalerri eta erakundeekin proiektu bateratuak bideratuko ditugu, sinergiak lortzeko asmoz.

Udalaren ondasunen eta higiezinen inbentarioa egitea, udal ondarea hobeto ezagutu eta kudeatzeko.

Erosketa Publiko berritzaileko ereduak garatzea, ondasun eta zerbitzuak kontratatzea efizienteagoa izan dadin eta tokiko ekonomiari ere laguntzeko.

Lanpostuen Zerrenda (LPZ) berria prestatzea.

Laudio Udala Modernizatzeko eta Teknologia Berriak Txertatzeko Plana diseinatzea, kudeaketa arinagoa, modernoagoa, efikazagoa eta efizienteagoa izateko, Arloen zeharkakotasuna ere areagotzeko.

Ordenantza fiskalak eguneratzea, berrikustea eta eguneko arauetara egokitzea, zerga, tasa eta prezio publiko guztiak aztertuta, eta horiek bermatzeko ikerlan ekonomiko eta finantzarioak eginda.

Aurrekontu estrategikoak; urteko aurrekontuak aukera eman behar du ekimenak martxan ipintzeko beharrezko baliabideak izateko.

Udal ibilgailuak elektrifikatzeko plana diseinatzea.

Zerga-bilketarako egutegi bat egitea, horren bidez, Laudioko familiek aukera izan dezaten udal tasa eta zergak aurreratzeko, horrez gain, "diru-zorro" sistema garatuko delako ordaintzeko.

Lan Eskaintza Publiko (LEP) desberdinak egitea eta lan-poltsak eratzea Udalean behar diren langile-profilak sartzeko eta Udaleko bitartekotasuna murrizteko. Horrez gain, deialdien aurreikuspenak sei hilean behin jakinaraziko dira.