2. Kalitatezko enplegua eta ekintzailetza

Laudioko ekintzailetza-programa indartzea, enpresa-ideiak martxan jarri nahi dituzten pertsonen beharretara moldatutako baliabideekin.

Ekintzailetza-mentoreen programa bat martxan jartzea, Laudion proiektuak martxan jarri dituzten pertsonak eta ekintzaile potentzialak elkarrekin harremanetan jartzeko.

Lankidetza bilatzea euskal unibertsitateekin udalerrietan proiektuak garatzeko.

Esparru europarrean bultzatutako elkartruke programen hedapena indartzea.

Laudio Hazi arloan urteko prestakuntza plan bat sortzea, udalerriko eta inguruko enpresekin lankidetzan, prestakuntza-eskaintza eta enpresen beharrak bat etorri daitezen.

Ekintzaileei laguntzeko eta enpresak sustatzeko zentro bat martxan ipintzea, enpresa-hazitegiekin, co-working eta networking espazioekin, enpresak eta lehiakortasuna garatzeko espazioekin eta ekintzailetza-enpresa sustatzeko ekimenekin, besteak beste.

Udalerriko enpresekin batera, lankidetza-mahai bat martxan ipintzea enpleguaren kalitatea hobetzeko (aldirakotasuna, lan-baldintzak, lan-arriskuen prebentzioa, etab.).

Laudioko Urteko Enplegu Plana garatzea, Lanbiderekin elkarlanean.

Programa bat diseinatzea Laudioko eskolekin udalerriko pertsona gazteenen artean ekintzailetza‑kultura sortzeko.

Aiaraldeko garapen agentziekiko sinergiak sortzea eskualdeko enpleguarekin dauden arazoei konponbide bateratuak emateko.

Laudioko gazteak erakartzeko programa berriak diseinatzea, prestakuntza duala bultzatuta eta enpresak nahiz eskualdean lanbide heziketan diharduten ikastetxeak inplikatuta.