7. Elkarrekin sortzea eta berritzea herritarrekiko harremanetan

Alkate-udalburuarekin harremanetan jartzeko postontzi bat martxan jartzea, baita hitzordu sistema bat ere, herritarrek euren kezkak helarazteko.

Herritarrak udal zerbitzuetan inplikatzeko berrikuntza irekiko programa pilotua martxan jartzea.

Izapideak sinpletzea eta prestazioa nahiz izapidetzea teknologia berrietara moldatzea, batez ere, urriaren 1eko 39/2015 Legearen, Administrazio Publikoen Prozedura Erkidearen nahiz urriaren 1eko 40/2015 Legearen, sektore Publikoaren Araubide Juridikoari buruzkoaren xedapenei dagokienez.

Herritarrentzako Arretarako Leihatila Bakarra martxan jartzea, laudioarren eskaera eta behar guztiak hartzeko espazio gisa; beharrezkoa denean, arreta-zerbitzu espezializatuetara bideratuko dira.

Tresna berria instalatzea herritarrek gorabeheren berri eman ahal izan diezaioten Udalari, ahalik eta lasterren konpontzen saiatzeko.

Herritarrei inkestak egitea aldizka, udal zerbitzuekin duten gogobetetasun maila jakiteko eta horiei buruz duten pertzepzioaren berri izateko.

Herritarrak promozionatu eta tutorizatzea teknologia berrien erabilerari dagokionez udal zerbitzuetako izapideetarako.

Parte-hartze bidezko aurrekontuak indartzea herritarrek nahi duten Laudioren eraikuntzan parte hartzeko tresna gisa.

Udal Gardentasun Ataria hobetzea, udal kudeaketari buruzko informazio guztia barne hartuta eta herritarren nahiz herriko gainerako eragileen esku jarrita.

Auzo Batzarrak birformulatzea benetako hausnarketa espazioak eta gure auzoak hobetzeko benetako tresna izan daitezen.

Herritarrek parte hartzeko erregelamendu eta estrategia berria prestatzea.