Garapen jasangarrirako gizarte baketsuak eta inklusiboak sustatzea, guztioi justiziarako sarbidea erraztea, eta erakunde eraginkorrak eta inklusiboak sortzea maila guztietan.

Aiaraldeko garapen agentziekiko sinergiak sortzea eskualdeko enpleguarekin dauden arazoei konponbide bateratuak emateko.

2030 Agenda prestatzea, udalerriak garapen iraunkorrerako planetako helburuak lortzeko egin duen ekarpena balora dadin.

Lan-esparru berriak martxan jartzea APILL-ekin eta beste administrazioekin batera, Laudioko saltokien eta ostalaritza-establezimenduen egoera hobetzeko.

Espazio publikoaren erabilera arautzeko ordenantza berriak garatzea, bermatzeko mundu guztiak gozatu ahalko duela Laudioz, arreta berezia ipinita plazetan eta oinezkoentzako guneetan (Aldai, Alberto Acero, etab.).

Laudio Hazi arloan proiektuen, funtsen eta diru-laguntzen zerbitzu bat martxan jartzea, enpresa-proiektuak eta funtsak erakartzeko udalerriaren garapenean eragina izango duten proiektuetarako.

Kultura-programa deszentralizatuak indartzea, urtero plangintza eginda jardueren programazioa auzoetara ere iritsi dadin.

Aurrekontu estrategikoak; urteko aurrekontuak aukera eman behar du ekimenak martxan ipintzeko beharrezko baliabideak izateko.

Arauak Garatzeko Plan bat diseinatzea, eguneratu edota promulgatu beharreko ordenantzak eta arauak identifikatzeko (ordenantzak, Udal Antolamendurako Araudia, udal kode etikoa, etab.).

Herritarrentzako Arretarako Leihatila Bakarra martxan jartzea, laudioarren eskaera eta behar guztiak hartzeko espazio gisa; beharrezkoa denean, arreta-zerbitzu espezializatuetara bideratuko dira.

Ordenantza fiskalak eguneratzea, berrikustea eta eguneko arauetara egokitzea, zerga, tasa eta prezio publiko guztiak aztertuta, eta horiek bermatzeko ikerlan ekonomiko eta finantzarioak eginda.

Auzo Batzarrak birformulatzea benetako hausnarketa espazioak eta gure auzoak hobetzeko benetako tresna izan daitezen.

Kultura-, kirol- eta aisialdi-programazioa jasotzeko urteko egutegia egitea: Eskaintza zabala, egonkorra, irisgarria, askotarikoa eta kalitatezkoa finkatzea.

Laudio Udala Modernizatzeko eta Teknologia Berriak Txertatzeko Plana diseinatzea, kudeaketa arinagoa, modernoagoa, efikazagoa eta efizienteagoa izateko, Arloen zeharkakotasuna ere areagotzeko.

Parte-hartze bidezko aurrekontuak indartzea herritarrek nahi duten Laudioren eraikuntzan parte hartzeko tresna gisa.

Tokiko Garapen Agentzia (Laudio Hazi) eraldatzea eta berrorientatzea, gure ETE-ei, hiri-negozioei eta ekintzaileei laguntzeko espazioa izan dadin.

Erosketa Publiko berritzaileko ereduak garatzea, ondasun eta zerbitzuak kontratatzea efizienteagoa izan dadin eta tokiko ekonomiari ere laguntzeko.

Udaltzaingoak kudeaketarako dituen tresnak eta instalazioak hobetzea eta berritzea.

Garapen Plan Integrala diseinatzea Laudioko auzo bakoitzerako, horren bidez behar zehatzetara moldatutako azpiegiturak eta zerbitzuak bermatzeko (argiteria, saneamendua, aparkalekuak, konektagarritasuna eta garraioa, mugikortasun horizontal eta bertikala, etab.).

Belaunaldi arteko laguntza programa berritzailea martxan jartzea, udalerriko pertsona gazteak pertsona zaharrekin kontaktuan jartzeko.

Urbanizatzeko esku-hartze guztietan erabateko irisgarritasuna irizpideak aplikatzea.

Zerga-bilketarako egutegi bat egitea, horren bidez, Laudioko familiek aukera izan dezaten udal tasa eta zergak aurreratzeko, horrez gain, "diru-zorro" sistema garatuko delako ordaintzeko.

Lanpostuen Zerrenda (LPZ) berria prestatzea.

Udalerriko jarduera ekonomikoarekin lotutako tasak berrikustea (JEZ, EIOZ, etab.).

Herritarrak promozionatu eta tutorizatzea teknologia berrien erabilerari dagokionez udal zerbitzuetako izapideetarako.

Udalerri arteko lankidetza: inguruneko udalerri eta erakundeekin proiektu bateratuak bideratuko ditugu, sinergiak lortzeko asmoz.

Lankidetza autonomikoa, estatala eta nazioartekoa bultzatzeko esparru geografiko eta sektoriala garatzea, esku hartzeko sistematika bat diseinatuta.

Ikastetxeekiko eta Laudioko beste eragileekiko lankidetza indartzea gazteen artean tratu onak eta emakume nahiz gizonen arteko berdintasuna sustatzeko.

Udal Gardentasun Ataria hobetzea, udal kudeaketari buruzko informazio guztia barne hartuta eta herritarren nahiz herriko gainerako eragileen esku jarrita.

Izapideak sinpletzea eta prestazioa nahiz izapidetzea teknologia berrietara moldatzea, batez ere, urriaren 1eko 39/2015 Legearen, Administrazio Publikoen Prozedura Erkidearen nahiz urriaren 1eko 40/2015 Legearen, sektore Publikoaren Araubide Juridikoari buruzkoaren xedapenei dagokienez.

Gure kirol-, kultura- eta aisialdi-elkarteentzako diru-laguntzen egutegi bat finkatzea, euren funtzionamendua bermatzeko eta haien lanari Laudio suspertzeko daukan balioa aitortzeko. Horrez gain, egin beharreko tramiteak sinpletzea.

Herritarrak udal zerbitzuetan inplikatzeko berrikuntza irekiko programa pilotua martxan jartzea.

Herritarrei inkestak egitea aldizka, udal zerbitzuekin duten gogobetetasun maila jakiteko eta horiei buruz duten pertzepzioaren berri izateko.

Herritarrek parte hartzeko erregelamendu eta estrategia berria prestatzea.

Lan Eskaintza Publiko (LEP) desberdinak egitea eta lan-poltsak eratzea Udalean behar diren langile-profilak sartzeko eta Udaleko bitartekotasuna murrizteko. Horrez gain, deialdien aurreikuspenak sei hilean behin jakinaraziko dira.

Herritarren segurtasuna indartzea, auzokide-orientaziorako polizia-kulturaren bitartez.. Segurtasuna eta bizikidetzako Herri-Behatokiak eguneratuko dute gure diagnostikoa, disinatu beharko diren estrategia zehazteko.

Zerbitzuak kontratatzeko klausula sozialak txertatzea, Udalarekin lan egiten duten eragileek jarduerak bideratzerakoan ikuspegi soziala kontuan hartzen dutela bermatzeko.

Laudioko udal artxiboa digitalizatzea, gure ondarea zaindu eta tutoretzeko tresna gisa.

Herritarrei arreta eman behar dieten postu guztietan euskara ezagutu eta erabiltzen dela bermatzea.

Kontratazio publikorako udal klausulak berrikustea, iraunkortasunaren faktorea kontuan hartuko duten plegu berdeak garatuta.

Laudioko II Gazte Plana martxan jartzea, gure gazteek dituzten erronken azterlana barne hartuta eta Ekintza Plan bat taxutzea, Eusko Jaurlaritzaren IV Gazte Planaren ildo berean kokatua.

Udalaren ondasunen eta higiezinen inbentarioa egitea, udal ondarea hobeto ezagutu eta kudeatzeko.

Udal langileen prestakuntza-plana berrorientatzea, materia eta modalitate berriak erantsita.

Emakume eta gizonen arteko berdintasunaren ikuspegia txertatzea Laudio Udalak zerbitzuak kontratatzeko pleguetan.

Inguruneko eragile sozialekin lankidetzan aritzea sexu aniztasuna aintzatesten laguntzeko ekimen berriak sustatzeko, bereziki gazteen artean.

Udalerriko puntu beltzen mapa etengabe eguneratzea, eta gutxika horiek guztiak ezabatzeko lan egitea: segurtasuna auzo guztietan.

Zerbitzu-gutunen sistema bat garatzea, udal zerbitzu desberdinak barne hartzeko, bakoitzari dagokion gutunaren bidez.

Tresna berria instalatzea herritarrek gorabeheren berri eman ahal izan diezaioten Udalari, ahalik eta lasterren konpontzen saiatzeko.

Erakundeekin lankidetzan aritzea eta gazteen alokairua pizteko proiektu berriak martxan jar daitezen.

Landa-eremuan eskatu ahalako taxia martxan jartzeko bideragarritasun azterlan bat, landa-eremua eta hirigunearen arteko lotura hobetzeko.

Udal zengotzigoen barruan, “Auzoko ordezkari/zinegotziaren” figura sortzea, auzokideekiko, elkarteekiko eta auzoan zein auzorako lan egiten duten gainerako taldeekiko hizketakide zuzena izan dadin, euren beharrak eta kezkak adierazteko aukera izan dezaten.

Alkate-udalburuarekin harremanetan jartzeko postontzi bat martxan jartzea, baita hitzordu sistema bat ere, herritarrek euren kezkak helarazteko.