Azpiegitura erresilienteak eraikitzea, industrializazio inklusiboa eta jasangarria bultzatzea, eta berrikuntza sustatzea.

Lankidetza aktiboa Arabako Foru Aldundiarekin “Aiala Industrial Lab” proiektuaren garapenean, Laudioren eta ingurunearen suspertze industrialean laguntzeko.

Laudioko estrategia eta Merkataritzako Plan Estrategikoa berrikustea, gure merkataritzak dituen erronkak identifikatuta eta horiei aurre egiteko estrategiak garatuta.

Aiaraldeko garapen agentziekiko sinergiak sortzea eskualdeko enpleguarekin dauden arazoei konponbide bateratuak emateko.

2030 Agenda prestatzea, udalerriak garapen iraunkorrerako planetako helburuak lortzeko egin duen ekarpena balora dadin.

Hiri Antolamenduko Plan Nagusiaren (HAPO-ren) berrikuspena martxan jartzea, udalerriko errealitatera eta guztion artean eraiki nahi dugun etorkizunera moldatzeko.

Laudioko ekintzailetza-programa indartzea, enpresa-ideiak martxan jarri nahi dituzten pertsonen beharretara moldatutako baliabideekin.

Gure ETE-ek izaera berritzaileagoa izateko neurriak bultzatzea, SPRI-rekin eta Innobasque-rekin lankidetzan, baita berrikuntzaren arloko beste eragile batzuekin ere.

Ekintzaileei laguntzeko eta enpresak sustatzeko zentro bat martxan ipintzea, enpresa-hazitegiekin, co-working eta networking espazioekin, enpresak eta lehiakortasuna garatzeko espazioekin eta ekintzailetza-enpresa sustatzeko ekimenekin, besteak beste.

Lankidetza bilatzea euskal unibertsitateekin udalerrietan proiektuak garatzeko.

Udalerriko enpresekin batera, lankidetza-mahai bat martxan ipintzea enpleguaren kalitatea hobetzeko (aldirakotasuna, lan-baldintzak, lan-arriskuen prebentzioa, etab.).

Katalogo bat sortzea Laudiora inbertsio industrialak ekartzeko, udalerriaren balio-sorkuntza identifikatu eta enpresetara igarotzen laguntzeko.

Laudio Group programa indartzea udalerriko enpresen arteko sinergiak bilatzeko.

Laudio Hazi arloan urteko prestakuntza plan bat sortzea, udalerriko eta inguruko enpresekin lankidetzan, prestakuntza-eskaintza eta enpresen beharrak bat etorri daitezen.

Laudio Udala Modernizatzeko eta Teknologia Berriak Txertatzeko Plana diseinatzea, kudeaketa arinagoa, modernoagoa, efikazagoa eta efizienteagoa izateko, Arloen zeharkakotasuna ere areagotzeko.

Tokiko Garapen Agentzia (Laudio Hazi) eraldatzea eta berrorientatzea, gure ETE-ei, hiri-negozioei eta ekintzaileei laguntzeko espazioa izan dadin.

Laudioko gazteak erakartzeko programa berriak diseinatzea, prestakuntza duala bultzatuta eta enpresak nahiz eskualdean lanbide heziketan diharduten ikastetxeak inplikatuta.

Herritarrak promozionatu eta tutorizatzea teknologia berrien erabilerari dagokionez udal zerbitzuetako izapideetarako.

Teknologia berriak herritarrengana gerturatzea eta udalerrian wifi sareak hedatzeko plana.