Ekonomiaren Garapena

Lankidetza aktiboa Arabako Foru Aldundiarekin “Aiala Industrial Lab” proiektuaren garapenean, Laudioren eta ingurunearen suspertze industrialean laguntzeko.

Aiaraldeko garapen agentziekiko sinergiak sortzea eskualdeko enpleguarekin dauden arazoei konponbide bateratuak emateko.

2030 Agenda prestatzea, udalerriak garapen iraunkorrerako planetako helburuak lortzeko egin duen ekarpena balora dadin.

Laudioko ekintzailetza-programa indartzea, enpresa-ideiak martxan jarri nahi dituzten pertsonen beharretara moldatutako baliabideekin.

Gure ETE-ek izaera berritzaileagoa izateko neurriak bultzatzea, SPRI-rekin eta Innobasque-rekin lankidetzan, baita berrikuntzaren arloko beste eragile batzuekin ere.

Laudio turismoa bultzatzeko plan bat diseinatzea, naturarekin eta kulturarekin erlazionatutako txangoak bultzatzean oinarrituta.

Ekintzaileei laguntzeko eta enpresak sustatzeko zentro bat martxan ipintzea, enpresa-hazitegiekin, co-working eta networking espazioekin, enpresak eta lehiakortasuna garatzeko espazioekin eta ekintzailetza-enpresa sustatzeko ekimenekin, besteak beste.

Udalerriko enpresekin batera, lankidetza-mahai bat martxan ipintzea enpleguaren kalitatea hobetzeko (aldirakotasuna, lan-baldintzak, lan-arriskuen prebentzioa, etab.).

Laudio Hazi arloan proiektuen, funtsen eta diru-laguntzen zerbitzu bat martxan jartzea, enpresa-proiektuak eta funtsak erakartzeko udalerriaren garapenean eragina izango duten proiektuetarako.

Katalogo bat sortzea Laudiora inbertsio industrialak ekartzeko, udalerriaren balio-sorkuntza identifikatu eta enpresetara igarotzen laguntzeko.

Laudio Group programa indartzea udalerriko enpresen arteko sinergiak bilatzeko.

Ostalaritzako terrazei buruzko ikerlan bat egitea, horren bidez, Laudioko ostalaritza-establezimenduen beharrak kontuan hartuko dituen terrazen ordenantza arautzaile berria idatzi ahal izateko.

Laudio Hazi arloan urteko prestakuntza plan bat sortzea, udalerriko eta inguruko enpresekin lankidetzan, prestakuntza-eskaintza eta enpresen beharrak bat etorri daitezen.

Tokiko Garapen Agentzia (Laudio Hazi) eraldatzea eta berrorientatzea, gure ETE-ei, hiri-negozioei eta ekintzaileei laguntzeko espazioa izan dadin.

Udalerriko jarduera ekonomikoarekin lotutako tasak berrikustea (JEZ, EIOZ, etab.).

Laudioko gazteak erakartzeko programa berriak diseinatzea, prestakuntza duala bultzatuta eta enpresak nahiz eskualdean lanbide heziketan diharduten ikastetxeak inplikatuta.

Euskal Unibertsitate eta Lanbide Heziketako ikastetxeekin lankidetzan aritzea prestakuntza‑eskaintza gazteengana gerturatzeko.

Gizarte Ekonomiako I Plana diseinatu eta martxan ipintzea, elkarte solidarioekin, hirugarren sektoreko elkarteekin eta eskualdeko udalekin batera.

Ekintzailetza-mentoreen programa bat martxan jartzea, Laudion proiektuak martxan jarri dituzten pertsonak eta ekintzaile potentzialak elkarrekin harremanetan jartzeko.