Kudeaketa aurreratua

2030 Agenda prestatzea, udalerriak garapen iraunkorrerako planetako helburuak lortzeko egin duen ekarpena balora dadin.

Laudio Hazi arloan proiektuen, funtsen eta diru-laguntzen zerbitzu bat martxan jartzea, enpresa-proiektuak eta funtsak erakartzeko udalerriaren garapenean eragina izango duten proiektuetarako.

Aurrekontu estrategikoak; urteko aurrekontuak aukera eman behar du ekimenak martxan ipintzeko beharrezko baliabideak izateko.

Arauak Garatzeko Plan bat diseinatzea, eguneratu edota promulgatu beharreko ordenantzak eta arauak identifikatzeko (ordenantzak, Udal Antolamendurako Araudia, udal kode etikoa, etab.).

Herritarrentzako Arretarako Leihatila Bakarra martxan jartzea, laudioarren eskaera eta behar guztiak hartzeko espazio gisa; beharrezkoa denean, arreta-zerbitzu espezializatuetara bideratuko dira.

Ordenantza fiskalak eguneratzea, berrikustea eta eguneko arauetara egokitzea, zerga, tasa eta prezio publiko guztiak aztertuta, eta horiek bermatzeko ikerlan ekonomiko eta finantzarioak eginda.

Laudio Udala Modernizatzeko eta Teknologia Berriak Txertatzeko Plana diseinatzea, kudeaketa arinagoa, modernoagoa, efikazagoa eta efizienteagoa izateko, Arloen zeharkakotasuna ere areagotzeko.

Parte-hartze bidezko aurrekontuak indartzea herritarrek nahi duten Laudioren eraikuntzan parte hartzeko tresna gisa.

Erosketa Publiko berritzaileko ereduak garatzea, ondasun eta zerbitzuak kontratatzea efizienteagoa izan dadin eta tokiko ekonomiari ere laguntzeko.

Erabat aplikatzea Euskaren Erabilera Normalizatzeko 2018-2022 aldirako Udal Plana, langileen artean plana hedatuta eta, behin aldia bukatuta, ebaluazioa eginda.

Zerga-bilketarako egutegi bat egitea, horren bidez, Laudioko familiek aukera izan dezaten udal tasa eta zergak aurreratzeko, horrez gain, "diru-zorro" sistema garatuko delako ordaintzeko.

Lanpostuen Zerrenda (LPZ) berria prestatzea.

Herritarrak promozionatu eta tutorizatzea teknologia berrien erabilerari dagokionez udal zerbitzuetako izapideetarako.

Udalerri arteko lankidetza: inguruneko udalerri eta erakundeekin proiektu bateratuak bideratuko ditugu, sinergiak lortzeko asmoz.

Udal Gardentasun Ataria hobetzea, udal kudeaketari buruzko informazio guztia barne hartuta eta herritarren nahiz herriko gainerako eragileen esku jarrita.

Izapideak sinpletzea eta prestazioa nahiz izapidetzea teknologia berrietara moldatzea, batez ere, urriaren 1eko 39/2015 Legearen, Administrazio Publikoen Prozedura Erkidearen nahiz urriaren 1eko 40/2015 Legearen, sektore Publikoaren Araubide Juridikoari buruzkoaren xedapenei dagokienez.

Herritarrak udal zerbitzuetan inplikatzeko berrikuntza irekiko programa pilotua martxan jartzea.

Herritarrei inkestak egitea aldizka, udal zerbitzuekin duten gogobetetasun maila jakiteko eta horiei buruz duten pertzepzioaren berri izateko.

Herritarrek parte hartzeko erregelamendu eta estrategia berria prestatzea.

Lan Eskaintza Publiko (LEP) desberdinak egitea eta lan-poltsak eratzea Udalean behar diren langile-profilak sartzeko eta Udaleko bitartekotasuna murrizteko. Horrez gain, deialdien aurreikuspenak sei hilean behin jakinaraziko dira.

Zerbitzuak kontratatzeko klausula sozialak txertatzea, Udalarekin lan egiten duten eragileek jarduerak bideratzerakoan ikuspegi soziala kontuan hartzen dutela bermatzeko.

Laudioko udal artxiboa digitalizatzea, gure ondarea zaindu eta tutoretzeko tresna gisa.

Kontratazio publikorako udal klausulak berrikustea, iraunkortasunaren faktorea kontuan hartuko duten plegu berdeak garatuta.

Udalaren ondasunen eta higiezinen inbentarioa egitea, udal ondarea hobeto ezagutu eta kudeatzeko.

Udal langileen prestakuntza-plana berrorientatzea, materia eta modalitate berriak erantsita.

Emakume eta gizonen arteko berdintasunaren ikuspegia txertatzea Laudio Udalak zerbitzuak kontratatzeko pleguetan.

Udal ibilgailuak elektrifikatzeko plana diseinatzea.

Zerbitzu-gutunen sistema bat garatzea, udal zerbitzu desberdinak barne hartzeko, bakoitzari dagokion gutunaren bidez.

Teknologia berriak herritarrengana gerturatzea eta udalerrian wifi sareak hedatzeko plana.

Udal zengotzigoen barruan, “Auzoko ordezkari/zinegotziaren” figura sortzea, auzokideekiko, elkarteekiko eta auzoan zein auzorako lan egiten duten gainerako taldeekiko hizketakide zuzena izan dadin, euren beharrak eta kezkak adierazteko aukera izan dezaten.