Herritarren parte-hartzea eta gobernu irekia

2030 Agenda prestatzea, udalerriak garapen iraunkorrerako planetako helburuak lortzeko egin duen ekarpena balora dadin.

Aurrekontu estrategikoak; urteko aurrekontuak aukera eman behar du ekimenak martxan ipintzeko beharrezko baliabideak izateko.

Auzo Batzarrak birformulatzea benetako hausnarketa espazioak eta gure auzoak hobetzeko benetako tresna izan daitezen.

Laudio Udala Modernizatzeko eta Teknologia Berriak Txertatzeko Plana diseinatzea, kudeaketa arinagoa, modernoagoa, efikazagoa eta efizienteagoa izateko, Arloen zeharkakotasuna ere areagotzeko.

Parte-hartze bidezko aurrekontuak indartzea herritarrek nahi duten Laudioren eraikuntzan parte hartzeko tresna gisa.

Garapen Plan Integrala diseinatzea Laudioko auzo bakoitzerako, horren bidez behar zehatzetara moldatutako azpiegiturak eta zerbitzuak bermatzeko (argiteria, saneamendua, aparkalekuak, konektagarritasuna eta garraioa, mugikortasun horizontal eta bertikala, etab.).

Herritarrak promozionatu eta tutorizatzea teknologia berrien erabilerari dagokionez udal zerbitzuetako izapideetarako.

Udal Gardentasun Ataria hobetzea, udal kudeaketari buruzko informazio guztia barne hartuta eta herritarren nahiz herriko gainerako eragileen esku jarrita.

Lan-jardunaldiak bideratzea hainbat eragilerekin (instituzioak, eskolak, enpresak, elkarte soziokulturalak eta kirol arlokoak, etab.) , jardunbide onak identifikatu eta euskarari dagokionez programa berriak abiarazteko.

Izapideak sinpletzea eta prestazioa nahiz izapidetzea teknologia berrietara moldatzea, batez ere, urriaren 1eko 39/2015 Legearen, Administrazio Publikoen Prozedura Erkidearen nahiz urriaren 1eko 40/2015 Legearen, sektore Publikoaren Araubide Juridikoari buruzkoaren xedapenei dagokienez.

Herritarrak udal zerbitzuetan inplikatzeko berrikuntza irekiko programa pilotua martxan jartzea.

Herritarrei inkestak egitea aldizka, udal zerbitzuekin duten gogobetetasun maila jakiteko eta horiei buruz duten pertzepzioaren berri izateko.

Herritarrek parte hartzeko erregelamendu eta estrategia berria prestatzea.

Laudioko udal artxiboa digitalizatzea, gure ondarea zaindu eta tutoretzeko tresna gisa.

Tresna berria instalatzea herritarrek gorabeheren berri eman ahal izan diezaioten Udalari, ahalik eta lasterren konpontzen saiatzeko.

Udal zengotzigoen barruan, “Auzoko ordezkari/zinegotziaren” figura sortzea, auzokideekiko, elkarteekiko eta auzoan zein auzorako lan egiten duten gainerako taldeekiko hizketakide zuzena izan dadin, euren beharrak eta kezkak adierazteko aukera izan dezaten.

Alkate-udalburuarekin harremanetan jartzeko postontzi bat martxan jartzea, baita hitzordu sistema bat ere, herritarrek euren kezkak helarazteko.